والله انا مبسوطة يا ناس ,, مطلوب مني احل اسئلة هههههههه
من زمان ما حليت اسئلةبقالي اسبوعين براقب على الطلبة المساكين في الكلية ,, واتذكرت ايام ما كنت انا اللي بكون مكانهم بمتحن
والله حل الامتحان اسهل من المراقبةماعلينا
الاخ الكريم كريم بعتلي تاج من حيث لا ادري المطلوب فيه ذكر خمس اشياء ماحدش يعرفها عني
وبعد كدة تعليق صغير في مدونة الواد اسلام خلاني اتدبس في تاج تاني في كوم اسئلة من النوع المقالي ,, مش الاختيار من متعدد ,,
طيب ,, نجاوب اولا على تاج كريم
خمس اشياء محدشس بيعرفهم عني
مممممممم
بقالي تلات ايام بفكر في الاجابة ,, وهذا ما توصلت له :
كتير من الاشياء كنت فاهماها غلط وانا صغيرة ,, من جديد فهمت معناها الحقيقي ,,
سواء اغاني كنت سامعة كلماتها غلط
سواء مفاهيم عامة كانت واصلاني غلط او حتى احاديث او امثال
لكن اكتر حاجة تذكرتها على وجه الخصوص ,, بفتكر انو وانا صغيرة كنت اعتقد ان كل حاجة في الدنيا بندفعها لازم يكون لها "باقي"
في مرة كنت رايحة مع بابا على السوبرماركت , كنت يمكن صف اول ابتدائي,, واشترينا حاجات ودفع للبيّاع الفلوس وطلعنا من المحل من غير ما ناخد الباقي ,, وطول الطريق وانا بسأل بابا هو ليش الراجل ما رجعلك الباقي ؟ طبعا هو كان بيرد عليا بالإجابة المنطقية انو ما فيش باقي ,, وانا مش مقتنعة بالموضوع ولا فاهماه اصلا
كان عندي من صغري صديقة تخيلية ,, كانت احدى الشخصيات المفضلة في مسلسل امريكي شبابي ,, انا طبعا مش فاكرة شكلها ولا اسمها ولا حتى اسم المسلسل
,,, لكن كنت بتكلم معاها في كل حاجة وكنت بفضفضلها لما اتدايق من اي حد ,, وفي مرة اقنعتها انها تسلم وفعلا اسلمت ههههههه بس مش فاكرة اخر مرة اتكلمت معاها ,,
لما احب اتكلم مع نفسي او افكر بصوت عالي ,, بتكلم بالانجليزي !
يمكن من تأثير الصديقة التخيلية , لكن بحس ان افكاري بتكون اوضح وبقدر اعبر عن اللي جوايا بطريقة افضل ,,
بردو حاجة هبلة وعادة مجنونة كنت بعملها وانا صغيرة ,,
كنت اقفل عليا غرفتي او اي غرفة منعزلة في البيت , او حتى وهما كلهم نايمين ,, والف حولين حالي اي شرشف او بشكير طويل او حتى بطانية ,, واقعد ارقص واغني وأألف حركات واطلع الشحنة كلها
طبعا حصل اكتر من مرة ان حد يقطع عليا خلوتي ويشوف المنظر الفظيع ,, طبعا يموت من الضحك وانا اموت من الخجل
وهنا يظهر قليل من الشر ,, وعايزة ابري ذمتي ادام ربنا وادامكم يا جماعة
وانا في سنة اولى اعدادي ,, كان في ادام المدرسة دكان صغير , بيبيعو فيه شيبس وعلكة وقرطاسية وحاجات زي كدة ,,
مرة من المرات رحت اشتريت علكة ,, كان نوعها مستكة فاكراها كويس ,, النظام كان عشر حبات بشيكل ,, يومها كان الدكان زحمة والراجل مش ملاحق على البنات ,, وانا مع سبق الاصرار والترصد اخدت حبتين علكة زيادة وما دفعتش حقها (سامحني يارب)
وكانت هادي اول وآخر مرة امد ايدي فيها على حاجة مش من حقي ,, ياريت كان عندي شجاعة كافية ان اروح في يوم تاني واشتري تمن حبات بشيكل ,, كان رجع الحق لصحابه ,, بس للاسف هذا لم يحدث والدكان قفل
طيب ,, بعد ما افصحت عن مكنونات نفسيتي
الآن لازم ينزل التاج زي القضا المستعجل على خمس اشخاص
معلش طلعو ستة
Islamz وزي ما قال اخونا
التاج علينا حق
بكرة بجاوب على تاجك يا خويا
سلام
