ذكريات لونها فوشي

نمر في حياتنا بلحظات نظن اننا لن ننساها ولن ننسى تفاصيلها ما حيينا
..
ونظن ان احرفها قد نقشت على صخور قلوبنا وعلى جدرانها وان ذكراها ستبقى حية الى اخر يوم في حياتنا
..
وفي الحقيقة اننا نكون قد ارتكبنا الخطأ الكبير بظننا أننا لن نحتاج لتسجيل مشاعرنا او انطباعتنا عن تلك اللحظات او تدوينها في مذكراتنا
..
وانا حدث معي ذلك أكتر من مرة بشكل اغضب فيه من نفسي .. لحظات وتفاصيل اتمنى لو كنت قد شككت بذاكرتي انها ستحتفظ بها ,, كنت واثقة ثقة عمياء في ذاكرتي ذات الخلايا المتطايرة ,, اماكن واشخاص ظننت اني ساراهم لامد طويل فأهملت تصويرهم او نسيت القيام بذلك ,, فكنت اصور اشياء غير مهمة اراها الآن دون معنى ,, فضاعت الذكرى وتكاد أن تنمحي
..

عمرك كنت في مكان وتمنيت ان تكون معك الكاميرا
..
او قلت في نفسك ياريت معايا ورقة وقلم حتى اكتب ما بخاطري ولكي لا تضيع تفصيلة واحدة من تفاصيل تحدث حولك

يووووه ,, فضي القلم

اصلي قاعدة براقب في الامتحان الاخير على سنة رابعة ,, وبصراحة زهقت وانا بطلّع على الساعة الي مش راضية تمشي

ما علينا

السبب في المقدمة السابقة , اني كنت بتأمل في الطالبات اللي بيمتحنو امتحانهم االاخييير ,, الاخييير قبل التخرج يا جماعة ,, واتزكرت نفسي قبل سنة لما كنت قاعدة مكانهم وبمتحن امتحاني الاخير

ما كنتش في نفس القاعة اللي براقب فيها اليوم ,, بس كانت بنفس الحرارة تقريبا ونفس الرطوبة في الجو

,, يومها قررت اني البس لون عمري ما اتجرأت ولبسته على الجامعة

(: لبست فوشي

كانت القاعة منورة بشكل غريب وراقب علينا استاذي المفضل

ومع ان الامتحان كان دمه تقيل وبايخ ,, إلا اني كنت بحاول افرفش وابقى مبتسمة وما كنتش مصدقة

!!!! هادا آخر امتحان يا عااالم

:p كنا كلنا بنضحك وبنمزح وبنحكي تعليقات خارج الامتحان ههههههه او كدة اتهيألي


محدش يسألني اخدت كام في المادة لأنها درجة نادرة جدا في حياتي وبصمة مميزة كدة .. المهم كان لسه بيستناني انا والمجموعة شغل مشروع التخرج ,, وما ادراك ما مشروع التخرج ,, انا محتاجة موضوع تاني اكتب فيه بس عن ذكريات مشروع التخرج والنحس الي كان راكبه
:p

الحلو في ايام الامتحانات ,, مع ان الكل بيكون متجهم ومشرئب ومركب المية وحداعش (حداشر يعني) على وشه ,, ومحدش فاضي لحد ,, والشباب دقنهم طوييلة ,, والبنات .. احم حاجات تانية فيهم طويلة ,, لكن بتكون ايام حلوة ,, انا حاسة انها كانت ايام حلوة

نكون كلنا على باب المبنى ,, بنستنى البوابة تتفتح زي افتح يا سمسم ابوابك نحن الاطفال ,, واللي ماسكة ملزمة واللي ماسكة كتاب واللي ماسك دستة امتحانات محلولة ,, واللي ماسك تلخيص ,, اه ذكروني كمان في يوم تاني اكتب عن ذكريات التلاخيص :) ,, واللي بتحاول تلزق اخر معلومة في مخها على الماشي كدة لعل وعسى تيجي في الامتحان

ياما اسئلة اجت في الامتحان وكنا لسه حاكيين عليها قبل ما ندخل القاعة على طول

وياما قعدنا نحفظ ونبصم و(ندحش) في اشياء ونسمّعها لبعض ولا تيجي سيرتها خالص ولا حتى من بعيد

وياما مواد حسينا ان احنا كلنا هانجيب فيها تسعينات وتمانينات ,, نلاقيها بعد كدة ماشاء الله ماشاء الله يعني زي الفل ههههههه والعكس طبعا

يااااه ,, اديش مشتاقالكم يا بنات

سارة وعصبيتها ونرفزتها ,, فاطمة وامومتها المبكرة ومجاهدتها ههههه ,, صفاء وبرودها وخبرتها في الحياة ,, ياسمين وارتباكها وتوترها ,, ايمان وبرمها وقصصها اللي لا تنتهي ,, لينا وحكمتها وهدوء اعصابها ,, ميمي وتركيزها في اهم اهم التفاصيل وما بين السطور ,, اسراء و لبختها وخفة دمها ,, هديل وقلبها الابيض

,, بحمد الله على معرفتكم وصادقتكم وسامحوني لو كنت مقصرة في حقكم ومش عاملة واجبي تجاهكم ,,

,,, وبتقولو ايام الجامعة مش حلوة

هادي عشرة عمر وذكريات لا يمكن تتنسي ,, ان شالله ما ننساها يارب

ياللا فوتكم بعافية

ملاحظة : ابيتاف كتبت موضوع بنفس الاجواء اذا ليكم نفس تعيّطو يعني

باي باي

شكر لابد منه : للصديقة الجديدة محاسن

اللي علقت على موضوع "صار في عيليتنا شهيد" بقصيدة رائعة من كلماتها ,, فحبيت اشاركم فيها

في العشق أنا فارس
وحبيبتي له موال
وقلبها زادي ومرسايا في الترحال
والحلوة لو تبكي صوتها يهز جبال
ع الأرض دم شيوخ وأنين نسا ورجال
والحلوة راح تبكي من حرقة الموال
ولد في إيده السيف بيشق قلب الخال
في العشق أنا فارس وحبيبتي له موال
لو هو ده الإسلام ليه الرسول كان قال
لو حتى كان مقتول في النار يشوف أهوال
دا القتل كان نية للعم وابن الخال
والحلوة لو تبكي صوتها يهز جبال
وتقول أنا هاغزل بزتوني كام خلخال
واحلم بيوم عيدي والوحدة يا ابن الخال
هاغزل خيوط ترسم شجرة ميلاد أجيال
يا حلوة لا تبكي في الضي جي رجال
في العشق أنا فارس وحبيبتي له موال
وقلبها زادي ومرسايا في الترحال

ألف شكر

مااااا علينااااا

بعيدا عن الأحداث "التاريخية" التي حدثت في القطاع في الأيام الماضية

"وبعيدا عن وصف ما حدث بالـ"تطهير" تارة ً ,وتارة ً أخرى بالـ"انقلاب


وبعيدا عن كافة الحوادث التي بدأت تظهر في الضفة الغربية انتقاما من احداث غزة من حرق مقرات ومحلات واعتقال اشخاص تابعين لحماس



وبعيدا عن دخول الشعب الفلسطيني التاريخ .. كأول شعب مازال تحت الاحتلال ومع ذلك لديه حكومتين ! مش حكومة واحدة ! ربنا يزيد ويبارك




وبعيدا عن عشرات القصص التي ترويها أمي يوميا على لسان اهالي طلبتها في المدرسة,

فتلك التي فقدت بيتها وشاهدته يحترق ,, لأن زوجها إمام جامع وملتحي

وتلك فقدت بيتها وشاهدته ينهب ويخرب ,, لأنهم يسكنون في نفس البرج الذي يسكنه أحد كوادر فتح

!! في القصتين الفاعل مختلف ,, لكن الخسارة واحدة




وبعيدا عن اخبار السوق وسعر ربطة الخبز الذي قفز في يوم وليلة من 7 شيكل الى 12 شيكل

او سعر كيس الطحين الذي كان مستقرا عند 80 شيكل وهووووب مرو وحدة الى 120 شيكل




وبعيدا عن المصير المجهول الذي ينتظر جامعتي ومكان عملي جامعة الأزهر , التي كانت تعتبر معقلا من معاقل الشبيبة الفتحاوية وحركة فتح




وبعيدا عن حالة الاندهاش الي اشعر بها عندما اشاهد لقطات لأشخاص يحملون خشب الابواب, والكراسي, وأجهزة التلفزيوون, وشاشات الحواسيب ... وحتى "ألواح الكرميد" ... التي اعتبروها كلها "غنائم حرب " من بيت الرئيس والشاليهات او بيت دحلان ومواقع مشابهة


شعوري بالاندهاش يأتي بسبب تذكري لمشاهد تحطيم وسرقة ما تبقى من المستوطنات ونهب كل ما يمكن حمله من أسلاك الكهربا الى قطع الرخام المتروكة حتى برابيش وخراطيم المياة الملقاة على التراب


,,,, يعني كانت تلك مستوطنات وازيلت ومع ذلك كانت تلك المشاهد تشعرني بالاشمئزاز وعدم الرضا والخجل


فما بالكم واليوم تتكرر هذه المشاهد من مواقع فلسطينية ,, حتى لو كان مالكوها "مجرمين" و"خونة" من وجهة نظرهم





anyway




.... بعيدا عن كل ذلك .... أنوي فتح صفحة جديدة ... صحيح ممنوع استعمال كلمة فتح

أنوي بدأ صفحة جديدة من الغد .. اي اليوم الأول الذي سأعاود فيه النزول الى الشارع ومباشرة عملي في الجامعة



أنوي عدم الحدث في السياسة مطلقا مع زملائي


أنوي ازالة تلك الانطباعات الخبيثة عن حماس من دماغي ومتابعة ما يحدث كما الباقين


أنوي أن اتفاءل ,, لأنني مازلت اؤمن بمقولة تفاءلوا خيرا تجدوه


أنوي ان احتفظ بالنوايا الطيبة وعدم اصطياد الأخطاء



أنوي عدم فتح الراديو ,, حتى تعود اذاعات اخرى للعمل غير اذاعة الاقصى ,, مش لأنني لا اريد الاستماع اليها لا سمح الله ,, ولكن ذلك اسلم من الاصابة بالطرش وارتفاع الضغط في آن واحد



أنوي متابعة حياتي كأن شيئا لم يكن ,, ففي الحالتين لا ناقة لي ولا جمل فيما حدث وما سيحدث



فلماذا امشي وكأن هموم الدنيا فوق رأسي ؟؟؟


----------------------------------------------------------
: تحديث : اليك اهم التغيرات من يوم كتابة هذا البوست وحتى اليوم


اولا : رجعت اذاعات تانية للعمل :) غزة اف ام رجعت ,, المنار رجعت ,, وألوان رجعت ,, ممممم باقي الاذاعات الفتحاوية الشباب والحرية ,, مع ان ما اظنش يرجعو تاني

تانيا: عاودت اسعار ربطة الخبز ومعظم المواد التموينية اسعارها المعتادة ,, ولازم نقول الحق ان اي تاجر بيرفع الاسعار تقوم التنفيذية "باقناعه" بارجاعها الى السعر الاساسي .... ومشكورين :)

ثالثا : حتى الآن لم تحدث اي تغيرات تذكر في جامعة الأزهر ,, الامتحانات مستمرة كمان اسبوع على اكتر تقدير


رابعا: معبر رفح ما زال مغلق وهناك اخبار عن فتح للقادمين فقط يومي الاربعا والخميس :) ان شاء الله خير


:) انتظرو موضوعي عن ذكريات الامتحانات قريبا ان شاء الله

انا بهلوس

اكتشفت اني مش فاهمة حاجة في الدنيا



والله كنت فاكرة حالي دماغ ,, بس طلعت ولا انا دماغ ولا حاجة



ايش صار في الدنيا



يا عمي بفتح اذاعة حماس بسمع الدعوات لمحاربة "الردة" وال"كفار" وال"زندقة" ولا كأننا رجعنا لزمن الجاهلية


بروح بفتح اذاعة تابعة لفتح بسمع هتافات ضد الجيوش الضالة والقوى الظلامية


!!معقول لهاي الدرجة طلعت مش عارفة الدنيا كيف ماشية ؟


طب معقول كل هادي الناس غلط وانا اللي فاهمة صح


انا حتى كنت فاكرة ان الدنيا بمبي وخليكي متفائلة يا بنت وربنا اكيد عادل وحايعوضنا خير


كنت فاكرة ان الاحساس الصادق مازال موجود وان القصة حاتكون احلى من فيلم رومنسي وانو قادر يتحدى ,, طلع زيو زي غيرو ,, واتصرف زي باقي القطيع ,, خليك جنب الحيط اسلم

مع ان كل شيء بإيد ربنا وما في شي مضمون ولا مؤكد


انا مش زعلانة الا على نفسي ,, عنجد صعبانة عليا نفسي

وصعبانة عليا غزة والي بيصير فيها


يا شماتة ابلة طازة فيا


امبارح وحدة ست عايشة في السعودية اتصلت على الفضائية ,, وقالت قصة ,, احساسي الوحيد اني اموت من الخجل اشرفلي

الست كانت عاملة عملية باين وقاعدة في المستشفى هناك في الرياض ,, ولقت اتنين ستات مواطنات بيحكو عن الوضع في غزة

شوفي كيف هادول الفلسطينية ,, عاملين حالهم فقرا وشحادين ,, وهيهم ولا فقرا ولا حاجة ,, معاهم اسلحة وصواريخ بآلاف الدولارات وبيحاربو بعض

وعارفين يا جماعة ,, الست كانت بتحكي انها عملت حالها نايمة واستحت انهم يعرفو انها فلسطينية


معاها حق


معقول ان في ايدين خارجية بتلعب في عقول الناس وبيحركوهم زي الالعاب بخيطان ؟


يعني كل الناس الي بتطلق الرصاص مندسين وغرر بهم وحاصلهم غسيل مخ؟


انا عارفة ان الغزازوة مخهم ناشف وصعب حد فيهم يعترف بالغلط ,, بس مش لدرجة تبرير القتل لهذه الدرجة

"مش لدرجة ان واحد شيخ حمساوي يطلع ويفتي ان "هذه معركة مقدسة واني لأشم رائحة الجنة


مش لدرجة ان مجموعة من الامن الوطني يقتلو امام جامع بس لأنو دعاهم للهدوء وضبط النفس


انا كرهانة الشغل وكرهانة العيشة وكرهانة العلم ,, اقصى امنياتي اليوم اني اصحى ولاقي حالي بحلم كابوس مزعج

بس انا عارفة اني مش بحلم

يبقى اقصى امنياتي اني اطلع من هالبلد واتركها باللي فيها

ما هما عايزين كدة ,, احنا كلنا نهاجر اريح ,, ويصحو الصبح ما يلاقوش حد يحكموه ويرعبوه

يطخو على بعض لما يشبعوا لحد ما حد فيهم يخلص عالتاني

خلص ما في مجال للتعايش !! النفوس خربت ولا مجال للاصلاح


AJAX ال انا قاعدة بتعلم


بلا اجاكس بلا بطيخ


انا بس اعرف انام بهدوء مش اكتر


هو حرام النووم كمااان ؟؟؟؟

التاج لا يزال في جيبي

مع الاعتذار لعنوان الفيلم الشهير -اللي عمري ماشفته- بس اعمل ايه .. اذا كان كل حاجة حواليا بتفكرني بالرصاص :p


اليوم بدأت امتحانات الثانوية العامة في الاراضي الفلسطينية او كمان نسميها نحن بالـ "توجيهي" ... ربنا يكون في عون الطلبة والتوفيق للجميع يارب ,, خاصة ان هالسنة هي اول سنة بالمنهج الفلسطيني الجديد ,, وربنا يكون بالعون
ولا سنة دراسية مشيت زي الناس ولا حتى في جو نفسي مناسب للامتحانات زي الناس

!!!!!!!!!!!!! لأن الاشتباكات رجعت من اول وجديد


!! انا بصراحة زهقت من الكلام في هالموضوع العقيم



مااااا علييينااااا



خلينا في التاج اللي لسه في ذمتي واللي بعتولي اياه كل من مها بتاريخ 15/5/2007 ....... وكريم بتاريخ 21/5/2007


طبعا بعتذر عن التأخير -عادتي ولا حاشتريها- وين ورقة الاجابة ؟؟؟؟


أجب عما يلي .. والرجاء عدم استعمال القلم الرصاص



س1: أحب شخص لقلبك في الدنيا؟

ج: والدي ووالدتي






س2: انسان مستعد تضحي بحياتك – ركز فى كلمة حياتك – عشانه؟

ج: حياتي حياتي يعني ... مممم بصراحة وبعيدا عن الاجابات الدبلوماسية .. اني اضحي بحاجة معينة علشان شخص (مثلا من افراد عيلتي) ممكن واكيد حاعملها لو كانت مادية او جسدية او حتى معنوية ,,, لكن حياتي حياتي !! ولا حد ,, انا مش حاضحى بحياتي حتى لو لنفسي لأن حياتي مش ملكي انا وانما ملك لربنا سبحانه وتعالى

----> منتهى الانانية ههههههه






س3: انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

ج: اولا بتهيألي اني اجبن من اني اعمل كدة في دجاجة ,,, مش في بني آدم ,, لكن وصلت لهذه الدرجة من الكراهية ضد الراجل اللي كان بيطلق النار من عند سور بيتنا ومن على شاكلته

انا حاسة بالاشمئزاز من مجرد كتابة هذه الكلمات


ربنا عالظالم والمفتري







س4: ما هو اسم اجمل كتاب كتبه بشر قراته ومحتفظ به حتي الان؟

ج: ممممم

كتاب باسكال سنة اولى هههههههه كان كتاب عظيم ,, احلى كتاب دراسي قرأته ودرسته في حياتي :p

!! انتو صدقتو ؟

لا بجد انا حبيت الكتاب المذكور ,, لكن كمان حبيت جدا كتاب قصص الحيوان في القرآن لأحمد بهجت وكتاب حوار مع صديقي الملحد لمصطفى محمود ,,, دول اللي في دماغي في هذه اللحظة







س5: اسم كتاب كتبه بشر برضة- انت متعلق بيه وبتقرأه كل فترة؟

هما عدة كتب "نسائية" مجموعة من القصص القصيرة المكتوبة بشكل ساخر عن حال الرجل والمرأة والمجتمع العربي

(حكايات لزينب صادق (1999

(ترويض الرجل لسكينة فؤاد (1998
(اراجوزات لسناء صليحة (1999
(وقالت شهرزاد لهالة سرحان (1998

كلها صادرة عن مكتبة الأسرة







س6: اهم جهاز منزلى انت متعلق بيه او بتستخدمه كتير؟

ج: عييييب !! الكمبيوتر طبعا :)) يليه جوالي ويليه جيتاري









س7: مكان تحس بالراحة عندما تدخله؟

ج: دار سيدو ,, بيت جدي يعني









س8: شىء تحس بالراحة النفسية عندما تنظر اليه؟

ج: غالبا البحر ,, بس مش دايما بحس بالرحة ,, احيانا منظر البحر بيكون مخيف وكئيب بشكل غير طبيعي






س9: مكان تحس فيه بالحنين الى شىء لا تدرى ماهو و ذكريات جارفة الى لاشىء؟

ج: في البلد اللي انا فيها ,, مش عارفة اذا في

بس اذا ممكن احوّر السؤال ,, المكان الذي تحس بالحنين اليه : هاتكون اجابتي منتزه العين الفايضة في الامارات ,, يا سلام لو ينفع اقضي فيه ساعة او يوم ,, انا عارفة اني بحلم هههههههه







س10: اجمل مدينة زرتها داخل مصر ؟

ج: هو السؤال اكيد موجه للمصريين ,, بس انا عن نفسي زرت الاسكندرية والعريش وعشت في القاهرة والاسكندرية اجملهم طبعا

بس اجابة السؤال بشكل عام لأجمل مدينة زرتها --> العين طبعا







س11: أجمل مكان طبيعي رأيته داخل مصر ؟

ج: هو مش مكان طبيعي ,, قصر المنسترلي في المنيل

اااااه ,, اتذكرت ,, هو المكان اللي حسيت فيه بالذكريات المجهولة والحنين الى لا شيء

مكان جميل جدرانه بتتكلم كأنها مسكونة بأشباح الناس الي عاشت فيه







س12: شخصية كارتونية بتحبها؟

:)) ج: سواااار العسل :) السيدة ملعقة

كابتن ماجد كان حلو ,, بس حاليا اذا اتفرجت عليه ممكن اتشل من بطء الاحداث والجون الي بيستغرق نص الحلقة ههههههه

وبهالمناسبة بهديكم كاريكاتير من عند ايمان عن الموضوع

س13: نوع هاتفك المحمول؟

ج: نوكيا 6111






س14: سرعة بروسيسور جهازك؟

ج: سواني اروح اشوووف


:)) 3.00 جيجا هيرتز







س15: حجم ذاكرة –هارد- جهازك؟

ج: 80 جيجا بايت







س16: المساحة التى تشغلها المواد الاسلامية على جهازك؟

ج: احم,, مش كتير ابدا ,, فيه مجموعة من السور بصوت العفاسي بس مش انا اللي نزلتهم بصارحة






س17: نفس المساحة السالف ذكرها فى قلبك -الاجابة لنفسك عشان الرياء يا اخواننا -؟

:) ج: وهو كزلك







س18: أهم هدف انت واضعه لحياتك الآن؟

ج: اني احسن مستوايا العلمي واحاول اكون مميزة في مجالي واعمل لنفسي كارير مهني محترم







س19: مواصفات فتى الأحلام بالنسبة لك؟

pass ج:








س20: شعورك لما بتسمع كلمة مصر ؟

ج: بحس بالحر :)) وبشوف شقتنا ومدرستي وفلفلة والكورنيش

بحس انها بلد عظيمة تستحق مستقبلا اجمل من الحاضر والماضي ,, باختصار مصر هي امل الامة العربية







س21: شعورك لما بتسمع كلام عن اليهود؟

ج: مؤخرا بسبب الاحداث المخجلة في غزة ,, كل ما بتيجي سيرة اليهود بلمح وش اولمرت الاصفر وفي عينه ابتسامة خبيثة ,,

مع اني في فترة من الفترات كنت بحس ان الواحد كمسلم لازم يتقبل وجود اليهودي ككتابي زيو زي المسيحي ,,مش المفروض يكون كل يهودي شرير ومحتل ,, لكن الواقع يبرهن العكس







س22: شعورك لما بتشوف ظابط شرطة؟

ج: قصدك ضابط من الشرطة ولا من القوة التنفيذية ولا حرس الرئاسة ولا الامن الوطني

كلهم بخاف منهم ومن السلاح اللي بإيدهم ومن نظرة عينيهم ,,






س23: شعورك لما بتشوف الكناس العجوز فى الطريق؟

ج: بتخيل اولاده اللي سايبينه يشتغل بدل من جلوسه ببيته معززا مكرما محاطا بالاحفاد وكافة وسائل الراحة
لكن بحترم فيه الرغبة في العمل وارى فيه الكرامة ورفض العجز



س24: افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

ج: عايزين الحق ولا ابن عمه ,, بصراحة بخاف منه ,, لأني مش متخيلاه الا بتكشيرة عريضة ونظرة بتكفّر وتجرّم الناس اللي مش زيه ,, للأسف انا كدة بكون حكمت عليه بالمظهر وهو شيء سيء ,, لكن معظمهم بيفكر كدة ,, والدليل ,, قالولو







س25: احساس يراودك فى اشارة مرور مغلقة بسبب مسئول كبير؟

ج: السؤال بالصيغة الغزاوية: احساس يراودك عند تقاطع طريق مغلق بسبب مجموعة من الملثمين ؟

وهو شيء حدث معايا اليوم الصبح ,, حسيت بالاشمئزاز والمهانة ,,






هييييييييييييي خلصت :))




امرره ولا ما امرروش

ما امرروش ولا امرره


اساسا 90% من الناس جاوبو عليه


انا حلف لفة كدة اشوف اذا العدوى سابت حد ,, وامرره لهم فووورا

: تحديث : اخترت تمرير التاج المذكور اعلاه لكل من

ايمان - خرابيش

ياسمينا- كلمات

حلم- طيارة ورق

عمرو - عايزها انثى

عبد الله جروووم , مع انه بيحب يدفن التاجات

Home and Away سامي ماجد

كفاية كدة

كمان تحديث : والله يا جماعة انا مش عايزة اخوفكو عليا ,, بس فعلا الوضع حوالين بيتنا صعب جدا

تسمعو صوت الرصاص كيف كان ليلة امبارح ؟؟

دوس هنا

كانت ليلة سودا ,, ومازال العرض مستمرا

ثقافة المفاصلة

السلام عليكم يا جماعة الخير

هو مزبوط انو اليوم المفروض اكمل الجزء التاني من "تاجيني ولا تغديني" بس هو الظروف والافكار الي بتيجي فجأة صعب تتأجل ,, وانتو عارفين طبعا

القصة انو يلوح في الافق القريب (حلووووة) فرح (او عُـرُس بالغزاوي) ابن خالتي ان شاء الله الاسبوع الجاي

بقالي شهر بترجى في ماما اننا ننزل السوق علشان ما نزنق حالنا على اخر اسبوع ,, لكن على مييين ,, انتو عارفين المرأة العاملة وقتها مش ملكها ,, يوم تروح من المدرسة تعبانة , و يوم انا ارجع من الجامعة تعبانة ,, ويوم اروح الاقيها متأخرة في الطبيخ ,, ويوم نسمع ان في اشتباكات في شارع السوق ف نخاف ننزل ,, وهكذا كذلك لحد ما هووب ,, العرس يوم الثلاثا الجاي ولا انا ولا ماما ولا اختي شاريين

ماااا علينا

بس فعلا نزلة السوق حاجة متعبة جدا ومهلكة للاعصاب والجيوب والرجلين

يعني اولا بتتغلب تلاقي المقاس او الشكل اللي انت او انتي عايزاه ,, يعني كتير بيكون في بالي ستايل او موديل معين شايفاه في مجلة او في التلفزيون ,كدة يعني ,, لكن ما بلاقيش !! كل السوق نفس الاشي !!

زائد انو الاختيار كوم والمفاصلة كوم تاااني خااالص

والمفاصلة بلغة الغزازوة هي ان الراجل يطلب سعر معين وانت وشطارتك تنزل السعر !! ممكن احيانا ينزل السعر للنص او الربع ,, حسب طولة بالك وشطارتك فعلا انك تطلع باقل نسبة من الخسائر لك والارباح المسروقة للبايع

انا اكتر حاجة بتتعبني في نزلة السوق هي المفاصلة ,, ولما بكون مع ماما طبعا بسيبها تقرر وتحدد مع الراجل , لكن دايما بتحكيلي التعليمات كالتالي:

1- احنا نقيس الشغلة ,, لاقيناها مناسبة وتمام ,, نطلع من غرفة القياس واحنا مكشرين ومتأففين واقول اني مش مقتنعة مية في المية - علشان الراجل ما يفكرني ملزقة في الهدمة يعني ولا مش ملاقية غيرها - او اطلع فيها اي عيوب - شوية ضيق شوية طويل بدو توسيع ,, حاجات كدة يعني

2- اي سعر يطلبه الراجل ننزل احنا النص مرة واحدة ,, طبعا الراجل حيزبهلّ ويجيله حالة من المش عارفة ايه ويقول لا ما بينفع يا مدام ,, ويبدأ هو ينزل سعره واحنا نرفع سعرنا لحد ما يوافقو الاتنين

3- في حالة لو الراجل تنّح على سعر وماما لسه شايفاه كتير ,, تبدأ تقول خلص انت حر بنرجع مرة تانية ,, افهم انها اشارة التقهقر الى الخطوط الخلفية ,, يبقى خلص احنا زعلانين وحردانين وبطّلنا نشتري ,, يروح الراجل يرجع في كلامه وينادينا ويحكي خلص الي بدكم ياه واللي تقولو عليه ,, طبعا هو حد لاقي زباين هالايام ,, محدش بيشتري الا المضطر

المشكلة ,, انو غالبا حتى لو طبقنا هالتعليمات كويس ,, ممكن تلاقي نفس الحاجة في مكان تاني هي هي وسعرها اقل
او ممكن واحدة تانية اشترت حاجة شبيهة من نفس المحل ,, لكن طلعت اشطر منك وقدرت تاخدها بسعر اقل

وين المشكلة لو كانت الحاجة مكتوب عليها سعرها وخلص !! والواحد يا يعجبه يا ما يعجبهوش,, يعني مش غلط ان التاجر يربح بس الحكاية مش استكساب ومش نصب ! لأن الواحد فعلا بيحس بالغباء لما يعرف انو التاجر ضحك عليه او "غـَلـَبه" بالسعر

يعني في البلاد المحترمة نظام البيع كدة ,,

بس هي للأسف اصبحت ثقافة عامة في بيع كل شي ,, فى الخضار والفاكهة والعفش والبلاط والكتب ,, حتى المهور بيفاصلو فيها ,, تخيل مثلا لو العريس جاي يطلب بنت عمه المهر ينزل النص ! فعلا بتحصل

وحتى في السياسة ,, يعني اليهود ماشيين بنظام المفاصلة على اراضينا ,, خدو ارض ال67 , لأ خدو سبتمبر 2000 ,, لأ لأ انتو خدو غزة وخلص كفاية عليكو ,,

والمثل الاشهر في الموضوع ,, عمنا فؤاد المهندس :خد سوسو لأ خد نادية

وعلى دا الحال

يا جماعة ادعولي اتوفق بكرة في السوق والاقي حاجة محترمة اروح فيها العرس واشتريها بسعر مناسب ما استغبيش نفسي عليه بعد كدة


اما فعلا ,, العروسة للعريس والجري للمتاعيس


سلام