تاكسي أجرة
كنت بعمل جولتي المعتادة على المدونات المفضلة الي بتابعها ..
بنط من صفحة للتانية بمنتهى العشوائية
الى ان انتهى بي الامر على مدونة رندة ..
رندة مدونة فلسطينية من غزة .. بتعجبني طريقة كتابتها بالرغم من انها مقلة في الكتابة
لقيت موضوعها الاخير بتحكي فيه عن الحوار الي سمعته وهي راكبة سيارة اجرة في غزة .. بيدور بين السواق وبين الركاب الي في السيارة
الحوار كوميدي جدا .. وغزاوي جدا .. ومليان حكي ما بين السطور
وحبيت انقل لكم التدوينة .. بعد اذن صاحبة المدونة
ما ستقرأونه ليس بجديد , واحتمالية ان تكونوا قد صادفتموه كبيرة ..
كل صباح و انا في طريقي الى عملي و داخل التاكسي , يدور الحوار التالي ما بين الركاب و السائق :
الراديو : الوفود الفلسطينية تستكمل الحوار فى القاهرة و العوائق مازالت تواجه الوصول لاتفاق
الراكب القدماني: يا عمي ولا بعد 50 سنة لما تنحل قضيتنا
السواق : يا عمي والله شعبنا اندبح والناس مش لاقية تاكل
الراكب اللي ورا : بقولك المعونات مش عارفين يتلقوها من وين ولا من وين , و كلو بنسرق
الراكب التانى اللى ورا : فكونا من هالسيرة النكد عالصبح كلامكم هادا لا بيقدم ولا بيأخر انهونا عاد
السواق : بكم الدولار هلقيت؟
الراكب القدماني: ب 4 شيكل و نص , و بقديش جلن البنزين المصري
السواق : ب 2 ونص
الراكب اللي ورا : والله انا عبيت السيارة مصري بس يا عمي الموتور بينتّع معايا
الراكب القدماني: اخلط الجلن ربع مصري و تلت ارباع اسرائيلي وشوف ازا ما صار الموتور ماشي زي اللوز
انا : قديش الأجرة لتل الهوا ؟
السواق : بشيكل ونص
الراكب التانى اللى ورا : ليش يا عمى البنزين رخص
السواق : بس قطع الغيار مارخصتش
الراكب القدماني: وبعدين مع دعوة السواقين كل يوم بسعر ؟!
الراكب اللي ورا : اتفضل يا سواق ..
السواق : ايش هادا ورقة بعشرين !! ضلكو اشتغلو فيا .. فش سواق بالبلد غيري تعطوه ماسك ؟!! هات يا عمي فكة يرضى عليك
الراكب اللي ورا : طب هدي اعصابك بلا ما يطق لك عرق , وهاي احلى فكة لعيونك
و السواق بيركن السيارة على فجاة و بيصير ينده على الركاب في الشارع : يلا تل الهوا , تل الهوا , ع وين طالع يا حج ؟
الحج : ساحة يا ابن خال
السواق : إطلع يا حج اطلع
الراكب القدماني: يابا انت طالع تل الهوا كيف بتيجي معك ساحة ؟!
السواق : اللي بروح تل الهوا بروح ساحة وكلو بيوصّل ع كلو , نتبطّر عالرزقة يعني ؟ نقول للركاب تركبوش بطلنا الشغلانة ؟
الراديو : " الحكومة الاسرائيلية الجديدة تنجح في ضم حزب العمل إليها " و إليكم الخبر التالي ..
السواق : بحسّلكم نتنياهو هادا تبع 3 وراقات اه والله
الراكب اللي ورا : يا عمي بعرف يلعب منيح
السواق : هو لعيب ماشي .. بس بلعب بغباوة
الراكب القدماني: بحسو والله نفسو يسيطر على الكرسي بطريقة السيطرة الفلسطينية .. لازم يتواجد بكل حكومة
السواق : always valid
انا : و دخلك ايش معنى هالمصطلح ؟
السواق : يعني ملزق بالكرسي يختي , مملزق ب غِرا .. منا دارس علوم سياسية
الراكب اللي ورا : لسا سواق عالخط احسن من كعوب دايرة وقعدة دار , نزلني عند المؤن
السواق : بلف لفتين و برجعلك يمكن اشتري منك كيس طحين
الراكب القدماني: احجزلي معك رطل ملح , حاكم في ازمة ملح في البلد
السواق : اصلا كل البلد ازمات , إجت عالملح ؟
انا : نزلني عاليمين لو سمحت
السواق :والله ما في فكة يا عمي , خوديلك بكيت علكة بدال النص شيكل !
بنط من صفحة للتانية بمنتهى العشوائية
الى ان انتهى بي الامر على مدونة رندة ..
رندة مدونة فلسطينية من غزة .. بتعجبني طريقة كتابتها بالرغم من انها مقلة في الكتابة
لقيت موضوعها الاخير بتحكي فيه عن الحوار الي سمعته وهي راكبة سيارة اجرة في غزة .. بيدور بين السواق وبين الركاب الي في السيارة
الحوار كوميدي جدا .. وغزاوي جدا .. ومليان حكي ما بين السطور
وحبيت انقل لكم التدوينة .. بعد اذن صاحبة المدونة
بقلم رندة ابو رمضان
ما ستقرأونه ليس بجديد , واحتمالية ان تكونوا قد صادفتموه كبيرة ..
كل صباح و انا في طريقي الى عملي و داخل التاكسي , يدور الحوار التالي ما بين الركاب و السائق :
الراديو : الوفود الفلسطينية تستكمل الحوار فى القاهرة و العوائق مازالت تواجه الوصول لاتفاق
الراكب القدماني: يا عمي ولا بعد 50 سنة لما تنحل قضيتنا
السواق : يا عمي والله شعبنا اندبح والناس مش لاقية تاكل
الراكب اللي ورا : بقولك المعونات مش عارفين يتلقوها من وين ولا من وين , و كلو بنسرق
الراكب التانى اللى ورا : فكونا من هالسيرة النكد عالصبح كلامكم هادا لا بيقدم ولا بيأخر انهونا عاد
السواق : بكم الدولار هلقيت؟
الراكب القدماني: ب 4 شيكل و نص , و بقديش جلن البنزين المصري
السواق : ب 2 ونص
الراكب اللي ورا : والله انا عبيت السيارة مصري بس يا عمي الموتور بينتّع معايا
الراكب القدماني: اخلط الجلن ربع مصري و تلت ارباع اسرائيلي وشوف ازا ما صار الموتور ماشي زي اللوز
انا : قديش الأجرة لتل الهوا ؟
السواق : بشيكل ونص
الراكب التانى اللى ورا : ليش يا عمى البنزين رخص
السواق : بس قطع الغيار مارخصتش
الراكب القدماني: وبعدين مع دعوة السواقين كل يوم بسعر ؟!
الراكب اللي ورا : اتفضل يا سواق ..
السواق : ايش هادا ورقة بعشرين !! ضلكو اشتغلو فيا .. فش سواق بالبلد غيري تعطوه ماسك ؟!! هات يا عمي فكة يرضى عليك
الراكب اللي ورا : طب هدي اعصابك بلا ما يطق لك عرق , وهاي احلى فكة لعيونك
و السواق بيركن السيارة على فجاة و بيصير ينده على الركاب في الشارع : يلا تل الهوا , تل الهوا , ع وين طالع يا حج ؟
الحج : ساحة يا ابن خال
السواق : إطلع يا حج اطلع
الراكب القدماني: يابا انت طالع تل الهوا كيف بتيجي معك ساحة ؟!
السواق : اللي بروح تل الهوا بروح ساحة وكلو بيوصّل ع كلو , نتبطّر عالرزقة يعني ؟ نقول للركاب تركبوش بطلنا الشغلانة ؟
الراديو : " الحكومة الاسرائيلية الجديدة تنجح في ضم حزب العمل إليها " و إليكم الخبر التالي ..
السواق : بحسّلكم نتنياهو هادا تبع 3 وراقات اه والله
الراكب اللي ورا : يا عمي بعرف يلعب منيح
السواق : هو لعيب ماشي .. بس بلعب بغباوة
الراكب القدماني: بحسو والله نفسو يسيطر على الكرسي بطريقة السيطرة الفلسطينية .. لازم يتواجد بكل حكومة
السواق : always valid
انا : و دخلك ايش معنى هالمصطلح ؟
السواق : يعني ملزق بالكرسي يختي , مملزق ب غِرا .. منا دارس علوم سياسية
الراكب اللي ورا : لسا سواق عالخط احسن من كعوب دايرة وقعدة دار , نزلني عند المؤن
السواق : بلف لفتين و برجعلك يمكن اشتري منك كيس طحين
الراكب القدماني: احجزلي معك رطل ملح , حاكم في ازمة ملح في البلد
السواق : اصلا كل البلد ازمات , إجت عالملح ؟
انا : نزلني عاليمين لو سمحت
السواق :والله ما في فكة يا عمي , خوديلك بكيت علكة بدال النص شيكل !
|
|
عدد التعليقات: 9 |
 |
 |
