19 أغسطس 2016

الطفل عمران تحت الأنقاض


منذ صرتُ أمًا وأنا أرى ملامح ابني في وجوه الأطفال المنكوبين، يعتصر الألم عيوني وقلبي، ولقسوة هذا العالم، لن يكون الطفل السوري عمران آخرهم.

ترى، ما الذي كان يدور في عقلك يا صغيري، عندما ارتسمت على وجهك نظرة الاندهاش هذه؟

"مين عمو هادا الي واقف بيصورني! ليش كلهم بيطلعوا فيا هيك؟ وايش اللي جايبني هنا؟ شكلي عامل اشي غلط.
وايش هادا الي مغطي عيني، حاسس وشي مش نضيف، وهيني مسحته، ايش المية الحمراء هادي؟ كمان ايدي صارت مش نضيفة، بدي أمسحها قبل ما تيجي ماما وتفكرني كنت بلعب ووسخت حالي بالـ مية الحمرا. مش لاقي مناديل. رح امسح ايدي بالكرسي هادا وخلص. المهم ماما ما تزعل مني. "




Blogger Tricks

19 يونيو 2016

مسلسل المصالحة - الحلقة غير الأخيرة


مباحثات الدوحة للمصالحة بين حركتي فتح وحماس لعام 2016 باءت بالفشل -كالعادة-، وهيك انطوت صفحة جديدة في المسلسل الكئيب الذي لا ينتهي ولا تبدو له خاتمة.

لعله خير يا جماعة.. مش أحسن ما يطلعوا يتصوروا ويسلموا ع بعض ويتباوسوا قدام الكاميرات وبالٱخر يطلع كله على فشوش؟
قادتنا الكرام عادي، خدوا راحتكم خالص وخيرها بغيرها، وأهم حاجة القبول بين الطرفين زي مانتوا عارفين، وهناك فنادق أخرى أفخم وأكثر رفاهية، بانتظاركم لاستكمال #مسلسل_المصالحة في إجازتكم السنوية القادمة.
تزعلوش، الشعب كدة أو كدة ع حطة إيدكم، وايش ما قررتوا رح يضل قاعد مستني جنابكم. فاتت عشر سنين وممكن يقعد عشر سنين كمان مستنيكم. أهم إشي انتو تكونوا مرتاحين، وكل شي قسمة ونصيب.

يقول آينشتاين: "الجنون هو أن تفعل الشئ نفسه مرةً بعد أخرى, وتتوقّع نتائج مختلفة!"


30 مايو 2016

أشياء هتجري وراك يوم القيامة



كانت دايمًا ماما تقول لنا واحنا صغار، إن اللي بيسيب حاجة بصحنه، هتجري وراه يوم القيامة..
على قد ما الفكرة تبدو مضحكة -وأحيانًا مرعبة- لما نتخيل جحافل الرز والخضار والفتافيت اللي اترمت بسببنا بتجري ورانا بلا نهاية، وكأن الصراط وحساب رب العالمين وأهوال يوم القيامة مش كفاية..

بس هالفكرة اللي اتزرعت في عقولنا من واحنا صغار خّلتنا نتعود إن حرام نرمي نعمة ألله، وإنك تغرف في صحنك على قد ما رح تاكل، ولو زاد يبقى يتاكل تاني يوم، أو يتوزع، أو يُعاد تصنيعه في طبخة جديدة.. وهكذا.
الكرم ملوش علاقة بالإسراف، ورمي الأكل مش معناه إنك ابن نعمة، وإنك تكمّل صحنك لغاية آخر رزة مش معناه إنك مفجوع ولا بخيل.