صلاة جمعة ام ماذا ؟


عمري ما كنت بثق في الأخبار اللي بسمعها

طول الوقت وفي اي موضوع من المواضيع ,, بسمع آراء الناس حواليا ,, لكن بحاول اكون رأي شخصي ,, بداية من أحداث 11 سبتمبر واسامة بن لادن ,,, لغاية موضوع الخلاف بين فتح وحماس

وانتو شفتو بنفسكو ,, اني لما لاحظت اشياء ايجابية بتصير قلت لكم عليها ,,

بس في هالفترة ,, انا بلوم حماس بشدة وخاصة على موضوع منع الصلاة في الساحات وضرب المواطنين بسبب قيامهم بذلك ,, حسب ما بيقولوا وشفنا اليوم والجمعة الماضي على تلفزيون فلسطين الصادر من رام الله

لكن مين قال اني بصدق اي وسيلة من وسائل الإعلام ,,, يكفيني اني بفتح صفحتين اخباريتين فلسطينيتين ,, كل واحدة منهم تابعة لفصيل واقارن بين اسلوب تناول الخبر الواحد في الموقعين ,, ويكون الفرق شاسع في الاسلوب وفي المضمون لنفس الخبر او الحدث ,,

الصفحتين عندكو روابطهم على الشمال ,, المركز الفلسطيني للإعلام التابع لحماس ,, ووكالة فلسطين برس للأنباء التابع لفتح

صحيح ان الموقعين ما بيصرحوش بانتمائهم صراحة ,, لكن اللبيب بالإشارة يفهم

-------------
في موضوع صلاة الجمعة ,, الي اصبحت وللأسبوع الثالث على التوالي حدث كبير بنستناه وبنقول الله يستر

مش عارفة بصراحة اجيب الحق على مين ,, او مين البادي

قد يكون بعض الفتحاويين اشار بالفكرة مثلا لاستمالة قلوب الشعب باسم الدين ,, مهي حماس طول الوقت بتعمل كدة اصلا

وقد يكون فعلا هناك حالة تأذي كبير بين الناس من أئمة المساجد ,, التابعة معنويا لحماس

انا صحيح عمري ما صليت الجمعة في مسجد ,, لكن جرت العادة ان خطبة الجمعة تكون مذاعة عبر الميكروفون ,, فيقدر يسمعها الناس في البيوت المجاورة ,, وحسب ما بسمع ,, خطبة الجمعة تحولت لبرنامج الاتجاه المعاكس

خلص بطّل في مجتمعنا مشاكل اخلاقية ولا اجتماعية ولا ثقافية يتكلموا عليها في خطب الجمعة ,, ومش باقي غير السياسة عشان يحكوا فيها

عمري ما كمّلت الإنصات لخطبة جمعة لآخرها على فكرة

يعني ممكن اتفهم ان هناك بعض المصلين ,, اصبحت صلاة الجمعة بالنسبة لهم عبء كبير لا يمكن تحمله

يعني المصلي رايح ياخد جرعة ايمانية مش يشوف قناة الجزيرة ,, بلاش , في مصلين فتحاويين مش عايزين يسمعوا حركتهم بتتهان او رئيسهم بيتشم ,, مش المفروض ان المسجد هو مكان يستوعب جميع المسلمين ؟ والمساجد غي غزة معظمها اصبحت اماكن للتعبئة السياسية ضد محمود عباس وحكومة فياض وحركة فتح ,,, مش للوعظ الديني

ومن جهة تانية ,, حماس بتدافع عن بيوت الله وانه لا يجوز لها ان تهجر ,, وان الاعتداء على المصلين حصل بعد حدوث اعتداء منهم اولا

او مثلا حسب شهادة البعض ان بعض الفتيان قعدوا يرموا افراد القوة التنفيذية بالحجارة مما استدعى من افراد القوة التنفيذية بالرد !! دفاع عن النفس يعني

لكن وعلى فرض ان هالكلام صحيح !! هي يعقل الرد على الحجارة بالرصاص ؟؟ ما احنا كنا نلوم اليهود لما كانوا بيردوا على الحجارة بالرصاص !! ولا نسينا !!!

وحتى الضرب بالهراوات ,,, يعني جابوا اليوم مناظر لضرب بعض المواطنين اللي ولا ماسكين حجارة ولا اشي !! منتهى القسوة والوحشية !! ضرب على الرأس وعلى الظهر وعلى العظام !!! ضرب بغرض التشويه والكسر ,,, وبيكونوا عشرة على واحد !!!

مش عارفة بصراحة كيف افسر اللي بيحصل ,, بس في مثل معروف لدى الغزاويين ,, ان الشعب الفلسطيني متعود يكون فيه ادامه عدوه بيحاربه ,, ولو ما كانش فيه ادامه عدو ,, ما عندوش مشكلة لو يعتبر جاره عدو او اخوه عدو وما شابه

مقولة فيها كتير من الواقعية على فكرة

وحاجة تانية !!! كل الناس بتستنى شهر رمضان ,, والكل في غزة بيتوقع حصول اختلاف على رؤية الهلال ,, هلال رمضان وهلال شوال ,, واللي مستبعد او مستغرب ان هالاختلاف ممكن يحصل ,, يشوف العراق ,,,, ما بقالهم كزا سنة بيصوموا السنة في يوم والشيعة في يوم ,, حتى لو في نفس المدينة

خلينا نشوف ,, يمكن ربنا يهديهم ويتفقوا في حاجة

سلامات من غزة

صلاة جمعة ام ماذا ؟ صلاة جمعة ام ماذا ؟ تمت مراجعته من قبل علا من غزة في سبتمبر 08, 2007 تقييم: 5

هناك 15 تعليقًا:

  1. الله يستر يارب!
    انا بالفعل شفت مشاهد الاعتداءات على التلفزيون ما قدرت اشوفها ع ارض الواقع للأسف بحكم وجودي برا الوطن
    وبالمقابل سمعت خطاب هنية
    اتمنى تكون الصورة عندي اكتملت هيك
    بصراحة وبعض النظر عن انتمائي السياسي بحب اقلك انو ما في عنا طرف على صواب وطرف على خطأ
    الاتنين على خطأ يا علا بس خطأ اخف من خطأ
    يعني لو جينا نشوف الموضوع من ناحية حركة حماس
    حماس بتعتبر انو منظمة التحرير وخصوصا فتح بتستغل الصلاة للمسيرات التحريضية ضد حكومة حماس في غزة
    بالمقابل فتح بتقول انو المسيرات والتظاهرات حق مشروع لكل انسان بحيث يقدر يعبر عن رأيه مدام بطريقة سلميه!
    من ناحية تانية حماس منعت الصلاة في الاماكن المفتوحة بل حرمتها بحجة انو هالشي بعمل تفريق بين المسلمين
    بالرغم انو المساجد موجودة
    اما عن فتح فكان رأيها انو مش ممكن تتقبل تكون المساجد محددة مسيسه ومنابر للدعاية لحماس بحيث اصبحت مآذن المساجد ذات اعلام خضراء
    ومن ناحية تانية هالتحريم استغلته اسرائيل بمنع المصلين من الصلاة عند بوابات الاقصى وقبة الصخرة
    من ناحية تالته بعتقد انه خلال حكم السلطة كان يصير مظاهرات ومسيرات بعد الصلاة وبغير وقت الصلاة لحماس وغيرها
    وما كان حد يمنعهم الا لو اتحولت المسيرة لحرب وتكسير وتدمير للممتلكات العامة
    اذن وين المشكلة حاليا؟
    معقول يوصل الوضع لاعتقال الناس
    وضربهم بالهراوات ومنعهم من الصلاة؟ويا ترى مين بقرر جواز الصلاة
    هنية ولا رب العباد الله ؟
    اشياء غريبة بتصير الحق واضح والظلم واضح وللاسف انسينا عدونا الرئيسي
    اخيرا
    اتمنى ما يصير الي قلتي عليه في قضية رؤية هلال شوال
    والا بتصير هناك كارثة بالفعل! مش بكفي الواحد كل جمعة بحط ايده ع قلبه وبقول يا ساتر استر
    ؟
    لوين حنوصل
    الله يفرجها بس

    ردحذف
  2. والله انا فعلا ابتديت اتوه بين حماس وفتح وبينى وبينك الاتنين انيل من بعض لانهم سايبين اسرائيل وانشغلو بمشاكلهم الداخلية ونجحت سرائيل بمنطق فرق تسد

    ردحذف
  3. كل عام وأنتم بخير

    يهل رمضان من بعيد

    حاملاً لي أحلى الذكريات دائماً

    أصدق العبرات حتماً

    أخلص العبادات دوماً

    لرمضان عندي مكانة خاصة

    ولكم أنتم أيضاً

    يا أحبابـــي

    فكل عام وأنتم بخير

    وأنتم إلى الله أقرب وعلى طاعته أدوم

    ردحذف
  4. الفاضله علا

    الوضع صعب ومرير

    لكن العجيب في الموقعين اللي ذكرتيهم
    أن فلسطين برس ما زال حتى الان يتشدق بدحلان
    وبأقوال دحلان

    ربنا يفكها من عنده

    ردحذف
  5. و الله يا علا الوضع صعب اوي
    صعب بجد
    انا متفق معاكي ان في اخطاء بتحصل من الجانبين
    لكن اللي انا بتبعه في الوقت ده هو عدو عدوي صديقي
    و انا اعتقد ان العدو دلوقتي هو اسرائيل
    فانا اصادق حماس
    ده اضعف الايمان يعني
    لكن لما الاقي عباس بيرفض الحوار مطلقا مع حماس و اجده بيرمي نفسه و كرامته و معها كرامة شعبه و قضية أمة تحت أقدام المفترض كونه عدوه
    فأنا أكرهه و لو استطعت أن أمنعه من أن يفعل ما يريد همنعه
    بجد يا علا انا بكره عباس و دحلان
    مش لأني اسلامي او منتمي للاخوان و الله
    لكن لأني فعلا شايف ارضي بتتباع
    و أخويا رداد في النجاح بيتقتل في الحرم الجامعي لأنه حمساوي
    و طلبة الخليل بيتهانوا
    و الحمساويين بيعذبوا
    بالفعل ,, القضية الفلسطينية الان بين مطرقة الاحتلال و سندان عباس .. و المقاومة مع القضية .. بين المطرقة و السندان
    يارب يستر
    لك سلام .. سلام كبير :)

    ردحذف


  6. 3asef

    اول شي يمكن ربنا رحمك انك مش قاعد بغزة بهالأيام ,, صدقني الكل بيفكر يسيب بس مش طالع بإيدنا

    تاني اشي ,, انا معك تماما انو الطرفين على خطأ من ااااول خااالص ,, بس ما فهمت , من وجهة نظرك مين خطأه اخف من التاني ؟

    --------------

    taher

    اولا اهلا بيك من تاني ,, ان شالله تكون امورك تمام لأنو باين عليك مشغول فا ربنا يكون في عونك

    للأسف الشديد ان كل دول الاستعمار استخدمت منطق فرق تسد ,, ودااااائما بتنجح فيها !! مش غريبة ان التاريخ يفضل يعيد نفسه بلا نهاية !!!

    -------------

    صاحب البوابة

    ان شاء الله كل سنة وانت طيب ,,
    بجد اسعدني جدا مرورك ويشرفني وجود تعليقاتك على صفحات المدونة

    وكل الاحترام لقلمك الراقي والمتميز

    ------------

    دكتور حر

    السلام عليكم

    ملاحظتك في محلها ,, وفعلا هي ملاحظة واقعية ,, حيث ان دحلان وغيره لسه لديهم ناس بيهتفوا لهم وبيعتبروهم ابطال ,, صحيح عددهم قل لكن مازالوا موجودين

    ممكن تعتبره نوع من الولاء الاعمى !! او مش عارفة كيف افسرها

    تحياتي

    --------------

    عبد الرحمن عياش

    طبعا ليك كل الحق انك تفكر بالطريقة دي ,, وبتفهم شعورك جدا ,, وصدقني انا معظم الوقت بفكر كدة

    لكن الشئ المحبط ,, ان حماس على ما هي عليه الآن بردو مش بديل جيد لسلطة عباس او غيره من الفتحاويين

    يعني من زمان وهو معروف لدى العامة ان الحمساوي لا يقبل الشراكة , ولا النقاش حتى ,, وده على مستوى الفرد الحمساوي ,, من قبل ما حتى يدخلوا السلطة ,, فما بالك بالقيادات

    وفيه امثلة كتير على الكلام ده

    يعني صحيح ان عباس يجاهر برفض الحوار ,, لكن انا متأكدة ان قيادات حماس ليسوا اكثر تساهلا يعني فيما يتعلق بالحوار

    وبالنسبة لعباس ,, هو ورقه محروق من زمان عند الشعب ,, وهو عارف كويس ان حكومة أولمرت الحالية مش حاتعمل حاجة ,, صدقني اسرائيل الآن تلهث وراء السلام زي عباس بالضبط , لتحقيق بعض المكاسب للتغطية على فشل حرب لبنان والقضايا المرفوعة عليهم بهذا الخصوص

    على العموم احب اقول ان لعبة السياسة لعبة قذرة جدا وعمري ما بثق في حد له علاقة بالسياسة ,,
    عندي انطباع ان اي حد منتمي لحزب لابد انه في يوم من الايام يتخلى عن مبدأ او حق في سبيل الحزب

    ويارب يكون انطباعي خاطئ في حالة الاخوان المسلمين :)

    ولك سلام اكبر :)

    تحياتي


    ردحذف
  7. السلام عليكم ورحمة الله وبركاته


    وها قد عاد المحارب من جديد

    يعني
    لقيتك مش عايزة تدخلي ارض الحرب
    قلت اخرجلك انا
    رجعت لاخر تعليق كنت كاتبه لقيتك بتقولي مكنتش فاكراك بتتفج علي افلام زينا
    ده علي اساس انك بتتكلمي مع ابولهب ولا ايه مش فاهم يعني
    انا باتفرج علي افلام كتير
    بس كلها افلام منيلة بنيلة من نوعية الفيلم اللي حطيتلك اسمه
    واللي منصكيش تتفرجي عليه لو قلبك مش جامد قوي

    معلش
    محارب
    هاعمل ايه



    نرجع لموضوعنا
    انتي عارف انتي عملتي ايه
    حاجة بيسموها عندنا في مصر مسكتي العصاية من النص بالظبط
    مش مع حد ولاضد حد
    الاتنين غلطانين
    والاتنين ليهم حق

    وانا متفق معاكي
    بحكم انك عايشة الواقع ادام عنيكي من غير نشرات الاخبار وخلافه

    يعني احنا لما نتفرج ع النشرة ممكن نشك ندخل ع النت برضه ممكن نقول موقع تابع لفصيل معين

    اما انتي
    فالمفروض انك عايشة الواقع وعشان كده انا باحترم رايك وبشدة
    وبطلت اصدر احكام علي ناس في مواقف زي موقفك
    يعني بطلت اصدر احكام ع القاعدة والمجاهدين في العراق بحكم اني مش معاهم ومرضيتش احكم علي اللي حصل في المسجد الاحمر بحكم اني برضه مش معاهم
    وغيره كتيييييييييييير



    لكن انا عندي تساؤل واحد مطلوب منك تجاوبي عليه

    انتي شفتي صور الحاجة اللي المفروض انها صلاة

    انا مشفتش غير صور ناس بتدخن وبتاكل وكل شوية بيصلوا في اتجاه رغم اننا المفروض واخدين اتجاه واحد ناحية الكعبة

    سمعت كمان ان الاذان مش موجود او مش معترف بيه والموضوع عبارة عن رسايل بتتبعت عن طريق التليفون المحمول

    وسمعت كمان انه بمجرد انقضاء الصلاة بتحصل مظاهرات واشتباكات تكاد تفكر الواحد بما كان موجود ايام الفلتان اللي مش فلتان

    العكس بقي واللي المفروض انه منع للصلاة لانها مجرد صلاة او لاننا من فتح وحماس دخلت القطاع في عصور ظلامية وبتحاول تخلي مفيش حد غيرها ملقيتش ناس كتير بتايده

    بس لقيت حاجات تنرفز زي اللي قالوا ان الحمساويين نبشوا قبر سميح المدهون علي الرغم انه يكفيهم قتله بعد كل اللي عمله في الناس

    ومش عايزين نخوض في سيرة حد ميت
    وخصوصا اني معرفش رايك في المدهون ايه بالظبط من ناحية انتي بتعتبريه الشهيد البطل ولا حاجة تانية


    كالعادة طبعا كلامي مش مرسل
    الصور موجودة ومستني تعليقك عليها وردك

    بحكم انك انسانة عايشة الواقع وبس

    وكلامي مش تهكم ولا سخرية
    ربنا اللي يعلم نيتي
    انما مجرد تساؤل مش اكتر



    قبل مامشي احب اقولك
    موضوع الهلال
    للاسف الشديد خايف ان رفقاء الدرب واخوة الكفاح يوصل بيهم الدرجة للي وصل ليه السنة والشيعة
    انا في كل يوم بادعي ربنا ان الموضوع يخلص عشان نلتفت لقضايانا الكبري القدس واللاجئين والاسري وقبل ده كله
    فلسطين
    فلسطين وبس
    اللي هي اعلي واكبر من الكل من حماس وفتح والجهاد وكله
    بس خلاص


    الموقع اللي جبت منه الصور واقع للاسف بس انا رفعتلك الصور علي موقع تحميل والحقي قبل الحذف
    http://upload.9q9q.net/image/uTttPpmIitQ/bf1a08d1f5.jpg.html


    لاحظي الاتجاهات اللي بيصلوا فيها


    ده كمان تصميم من موقع عن عن اللي بيحصل من المصلين
    http://up2.arabsh.com/072/38af29b.jpg




    من فضلك
    بعد اذنك لوعندك صور عكسية ياريت تبعتيها او ترفعيها عشان بجهز موضوع ومش عايز اتجني علي حد وهاستشهد بكلامك ده


    في انتظار الرد قبل شهر رمضان


    سلامي
    من
    ارض الحرب

    ردحذف
  8. حينما تهدم بيوت الله بأيدي المسلمين

    وحين يقتل المسلمون بأيدي المسلمين

    وحين يسمح المسلمون للكفرة بتدنيس بيوت الله

    وحين يحدث كل هذا في بلد من اكبر بلاد الاسلام

    فماذا تنتظرون ؟؟؟؟؟

    تابعوان الان
    في

    فماذا تنتظرون

    فقط
    علي
    ارض الحرب

    ردحذف

  9. الله يسلمك يا رب ويسلم كل اهل فلسطين الحبيبة ويوحدهم يا رب

    ربنا يستر علينا وعليكم وعلى كل المسلمين ويثبتكم ويوحدكم يا رب

    تحياتي لك من ماناساس البلد

    ردحذف
  10. انا برأيي اخطاء فتح اقل من اخطاء حماس
    بالرغم ان اخطاء الاتنين كبيرة وواضحة طبعا
    بس اخر مشاهد اثرت فيي كتير
    مشاهد الصلاة ومشاهد الضرب والاعتقالات بعض النظر عن صلاة هالناس صح ولا لا
    لانو بالاخير ربنا بحاسب مش انا ولا غيري
    ورجعتني هالمشاهد لعمايل الشرطة الاسرائيلية مع المصليين ع مشارف بوابات الأقصى!

    ردحذف


  11. عمرو المصري

    المحارب ينور في اي وقت

    في حاجات كتير عايزة ارد عليها ,, بس بالراحة عليا

    في موضوع الافلام ههههه هو الواحد حرام يهزر معاك ولا ايه :p
    وبعدين انت بتقول اهو ,, بتشوف نوعية افلام معينة انا شخصيا قلبي مش قوي علشان اتفرج عليها

    take it easy please :)

    ------------------------

    موضوعنا ,,, شوف يا اخويا وانا بجد بكون سعيدة وانا بتناقش معاك
    بس المرة دي ما ليش نفس اتناقش

    يعني الصور والمقولات الي بتقول عليها وجعتلي قلبي بزيادة ,, وزادت حيرتي اضعاف
    انا قلت اني مش بنزل صلاة الجمعة (لأني بنت كما هو واضح ) ومافيش حد عندي ممكن اسأله او اعرف منه ايه الي بيحصل بالضبط في الصلوات دي

    يعني والدي مثلا بيصلي في جامع جنب البيت كدة والخطيب بتاعه شخص حيادي وتقريبا مش بيتكلم في السياسة كتير

    خالي مثلا الفتحاوي ,, بيصلي في بيته ! بطل يروح جوامع ومش بيصلي في الشارع

    بس اقولك انا ادايقت من ايه في كلامك

    مثلا مقولة ان مفيش اذان ,, يعني بجد مش عارفة ارد اقول ايه واول مرة اسمعها على فكرة

    بس مجرد ترديد حاجة زي كدة فيها اهانة للناس الي بيصلوا فيها ! يعني ممكن اصدق ان في واحد جاهل قاعد بيدخن ! بس حرام نقول انهم كلهم كدة ! هما عبدة اصنام يعني ولا بيصلوا لمين يعني ,, انا مش فاهمة !

    صدقني انا موجود في ايدي فعلا اخبار وصور منشورة على مواقع معينة لضرب المصلين والتهجم على المواطنين ! كان بإيدي انشرها واقول شوفوا بيعملوا ايه ,,, وهيطلع حد يقوللي ان الصور دي غلط ومفبركة ومعرفش ايه ,, وهانتخانق مع بعض ,, وده مش هدفي اصلا من كل التدوينة !

    مش عايزة ابين حد غلطان على حساب حد ,, وما بحبش قصة التخوين ,, انا بكتب من وحي ما يدور في عقلي واحساسي الشخصي وبس


    لأن اقناع الناس كلهم بحاجة واحدة شئ مستحيل ,, وانا مش عايزة اكون بشوه صورة حد ضد حد ,, لأني لغاية هذه اللحظة بعتبر نفسي شخص محاااااايد


    معرفش اذا كانت الفكرة وصلت ولا لأ ,, بس اذا مصمم انك تشوف مقالات مضادة لحماس او صور عكسية ,, الروابط موجودة


    بالنسبة لسميح المدهون ,, صدقني لو قلتلك اني ما كنتش سمعت اسمه قبل ما يتقتل ,, ومعرفش اذا هو ظالم ولا مظلوم ,, بحترم الناس الي بيقولوا انه عذبهم وبيستاهل يروح جنهم ,, وفي نفس الوقت بحترم الناس الي مازالت بتحلف بحياته وبتهتف له في كل مناسبة وبتترحم عليه !

    والله اعلم مين فيهم على صواب ,, وفي النهاية لا يجوز على الميت (اي ميت) الا الرحمة ,, مش هانقعد احنا نوزع ونقسم مين هايروح الجنة ومين هايروح النار!


    بعتذر من قلبي لو كلامي دايقك في اي حاجة ,, او لو ما كنتش جاوبت بطريقة مقنعة ليك ,,


    وجزاك الله كل خير على كل اللي بتعمله

    تحياتي

    ردحذف
  12. السلام عليكم


    لا والله مزعلتش من كلامك ابدا وعمري مابازعل من حد ابدا اختلف معايا في الراي بالعكس المطلوب من كل واحد فينا انه يناقش ويطرح وجهة نظرة عشان في الاخر اللي متابع الكلام كله علي بعضه ممكن يوصل لنتيجة احنا ياللي بنتناقش مقدرناش نوصلها


    ومتعتذريش ابدا عن رايك حتي لو ضايق الناس
    ده رايك مش من حق حد يزعل يعني
    وخصوصا انه زي ماقلت قبل كده في ناس مينفعش تحكم عليهم لانك مش عايش اللي هما عايشينه زيك مثلا ا المجاهدين في العراق او ماشابه ذلك




    بالنسبة لموضوع الصور انا بصراحة مش قادر احدد راي معين عليها عشان كده طلبت رايك كانسانة عايشة الواقع

    انا واحد بعيد عن اللي بيحصل بدور علي الخبر في اكتر من مكان وبحاول استنتج اللي حصل ومواقع الاخبار فيها اللي بيقول الصح وفيها ودول الاكثرية اللي بيضلل

    مواقع الحمساويين كلامهم هادئ نسبيا وموثق بالصور والادلة زي ماشفتي

    مواقع الفتحاوية للاسف مش كده او مش هاقول كلها المواقع اللي بادخلها والمشهورة عنهم هي اللي كده
    ياريت تبعتي مواقع ثقة منسوبة للفتحاوية اقدر اتابعها


    العناوين طلعت من كام يوم عن مواجهات دامية ادت لسقوط المزيد من الجرحي في اشتباكات عنيفة بين الحمساويين والمصلين
    ماعتقدش ان حماس بعد اللي عملته ده كله ممكن تعمل حاجة زي دي الا بعد نفاذ صبر كبير جدا وطبعا بعد الصور اللي نشروها واللي مرضتش انا كمان في ذروة انفعالي انشرها عشان مشوش علي الناس


    اظن فكرة عودة القطاع لما كان عليه منذ شهور امر صعب علي نفوس الكل وكفاية اللي بيحصل للحمساويين في الضفة


    انا شكلي بادافع عنهم
    صح
    لكن والله زي ماقلتلك في ناس بتتكلم بمنطق وبكلام موثق وعالم بتزعق وخلاص والاتنين كلامهم يتصدق والناس اللي عايشة الواقع نفسها زيك مختلفة مش قادرة ترسي علي بر


    اعمل انا ايه بقي قوليلي



    بالنسبة لموضوع الاذان ده كان راي او كلام مجرد راي انا مصدقوش طبعا لان الاذان مكانه ع المنبر وان كات مواقع الحمساوية بتاكد الكلام ده
    عموما ربنا يهدي الكل
    ويجمعهم من تاني
    علي فكرة
    بحكم انك غزاوية
    انا عايزك تقوليلنا كلنا رد فعل الناس علي قصف القاعدة الصهيونية

    انتوا فرحانين
    ولازعلانين وخايفين من اجتياح القطاع وقطع الكهرباء واللا انتوا ايه بالظبط

    انا مش مصدق الجزيرة بصراحة




    بالنسبة لـــ

    سميح المدهون
    حسمت امري فيه منذ فترة
    لا اوزع رحمة الله واقسمها وهذا في الجنة وذاك في النار

    ولكن

    كل ماوجد في سيرته يدينه بالكامل شأنه شأن عباس ودحلان ومن معهما
    ومن يايد ويحلف ببطولاته اطالبه مرارا بان ياتي لي باي منها يصمت ويتهمني بالعميل الحمساوي الدخيل علي منتدانا وبطرد باستمرار


    اضيفي لكل هذا برنانمج علي قناة الاقصي اسمه عصا موسي وشهادات حية من الناس اللي عايشة في القطاع زي سيادتك كده وكلام قالوه كتير جدا ودول ناس نحسبهم ثقة زيك بالظبط ومبنشككش في كلام حد البرنامج موجود علي موقع شبكة فلسطين للحوار ولا اعلم ان كان الموقع بالنسبة لكي يمثل مصداقية ام لا




    اخيرا وليس اخرا
    وسيبك من كل اللي انا كاتبه فوق
    ارجو انك ترسلي الروابط لاني بصراحة مصر وبشدة وقلتلك اني باعمل موضوع بجمع فيه كل الاراء وبسيب الحكم للناس


    لو مش هاينفع تضيفيها علي الملا عشان الناس متاخدش فكرة غلط او تبقي ايدتي حد علي حد
    ايميلي
    amrelmasry_1001@yahoo.com

    وهو ايميل المدونة
    ومراسلات المدونين


    قبل ماخلص
    في حاجتين

    اولا
    انا باشكرك جدا انك منشرتيش الكلام الي عندك
    وبشكرك اكتر في حرصك علي وحدة الصف وانك متنصريش حد علي حد
    وانك بتتروي في مواضيعك
    ودي حاجة مش عند ناس كتير


    ثانيا
    انا مسمعتش رايك عن موضوع المسجد الاحمر اللي مكتبتيش تعليقك عليه



    كل عام وانتي بخير
    وكل مسلم علي ارض فلسطين كلها بخير
    سلامي
    لكي

    ولكل من عندك

    ابلغيهم سلامي
    وهي امانة

    وان كانوا لا يعرفوني
    ولكن ابلغيهم ان هناك من يرسل لهم السلام



    سلامي
    من
    ارض الحرب

    ردحذف
  13. السلام عليكم ورحمة اللة وبركاتة عزيزتى علا بداية اشكر لك حياديتك فى نشر الموضوع ولكن
    ارجو لفت نظر الجميع الى شىء مهم
    1ان حماس جاءت الى سدرة الحكم بعد انتخابات تشريعية اشرف على نزاهتها ممثلى دول العالم

    2 الم يلاحظ قرائك الكرام ان حماس منذ ان جائت منعامين تقريبا وهى محا صرة


    ومن هنا سابداء عدة اسئلة برجاء البحث عن اجابتها

    1اذاكان الشعب الفلسطينى هو من جاء بحماس فلماذا ترفض فتح الاعتراف بذلك؟

    2لماذا رفضت فتح الاشتراك فى حكومة ائتلافية الابعد توليها الحقائب الوزارية التنفذية؟

    3لماذا نجد كل العاملين فى السلطة فتحاوية وفى الداخلية ايضا ؟

    لماذا قامت الدنيا ولم تقعد عندما4 قامت حماس بانشاء القوة التنفيذية على الرغم من ان هذة القوة مشتركةمن اغلب الفصائل الفلسطينية الكبرى؟

    5لماذا حاصر العالم كلة فلسطين منذ تولى حماس الحكومة ؟

    6لماذا حدث الفلتان الامنى فى غزة
    ؟+

    7بماذا تفسر عودة الهدوء الى غزة بمجرد طرد اتباع دحلان \الامن الوقائى/والمخابرات منها؟

    8بم تفسر وجود خرائط للانفاقبين مصر وفلسطين والتى تستخدمها المقاومة فى تهريب السلاح والمؤن واماكن تخزىن السلاح داخل القطاع؟

    9بم تفسروجود قائمة باسماء رجال المقاومة تحت بند التصفية؟

    بم تفسر وجود جثث لرجال من كتائب عز10 الدين القسام عليها اثار التعذيب فى قبو جهاز الامن الوقائى؟

    السوءال الاهم هو كيف ولماذا صمدت حماس والشعب الفلسطيني فى وجة الحصار الذى ضرب عليهممن كل الارض


    اختى علا

    ارجوكى اجيبى على تساؤلاتى

    واخيرا

    رمضان كريم على كل مسلم ومسلمة
    والسلام عليكم ورحمة اللة وبركاتة

    ردحذف
  14. في رايك ايه الرد الايجابي اللي المفروض نتخذه كعرب تجاه غزه واللي بيحصلها

    طبعا عارف ان النهارده جميع الدول العربيه سعــــــــت لاغلاق السفارات المصريه من عندها وبيقولوا ان مصر خاينه !!!! انت رايك ايه ؟؟؟؟؟

    شايف ان اسرائيل نجحت انها تفرق بينا كعــــــــرب ؟؟؟؟؟؟

    رايك ايه في مقولة !!! ان العـــــــرب اتفقوا علي الا يتفقوا ؟؟؟؟


    هتجنن بجد حد يجاوبلي علي الاساله دي

    ردحذف
  15. في رايك ايه الرد الايجابي اللي المفروض نتخذه كعرب تجاه غزه واللي بيحصلها

    طبعا عارف ان النهارده جميع الدول العربيه سعــــــــت لاغلاق السفارات المصريه من عندها وبيقولوا ان مصر خاينه !!!! انت رايك ايه ؟؟؟؟؟

    شايف ان اسرائيل نجحت انها تفرق بينا كعــــــــرب ؟؟؟؟؟؟

    رايك ايه في مقولة !!! ان العـــــــرب اتفقوا علي الا يتفقوا ؟؟؟؟


    هتجنن بجد حد يجاوبلي علي الاساله دي

    ردحذف