التاج التاني يا جماعة ... يووووه



السلام عليكم بنات وبنين

صاحيين او نايمين

قاعدين او واقفين

بقالي غايبة حوالي اسبوعين

معلش اعذروني , كنت مشغولة شويتين

---------


انا كان في بالي امبارح موضوع كنت عايزة احكي فيه ,, وصحيت اليوم ناسية ؟؟!!

بتصير معاكم بردو ؟؟


---------


المهم انا قلت لغاية ما افتكر , احس على دمي شوية واجاوب التاج الي في ذمتي , انتو كلكو حليتوه اكيد ويمكن طفشتو من كتر ما كان منتشر ,, انما ما علينا ,, تاج المدون دين عليه

طبعا لجنة الممتحنين كانو
أبيتاف واسلام-خطوة عزيزة


بسم الله الرحمن الرحيم



اية اللي حيحصل لايميلك لما تموت ؟

ولا حاجة ,, حيتركن على الرف ويتجمع عليه الغبار والعنكبوت وبعدين حيقفلوه بالضبة والمفتاح



اديت الباس وورد لحد قبل كده؟

حصل اني اعطيته لاختي تحت تهديد السلاح ههههههههه كانت عايزة صورة معينة من واحد من الاميلات الي وصلاني وانا اطنش او انسى ,, لغاية ما يوم قالتلي مش عايزة منك غير الباسووررد وفكيني عااد

والله المفروض اغيرها ,, ما بحبش اوراقي تكون مكشوفة

لو اه كانت طبيعة علاقتك بيه اية؟

انظر الكتاب المدرسي صفحة سالب 112


على فكرة السؤال هادا نيته وحشة

اســــــمك ايه؟

عبوووووووود


لأ لأ طبعا اسمي كما هو مبين على يمين الشاشة

علا عنان


اسم الدلع المشهور وسط اصحابك؟

علعول ,, لولو ,, اخويا بيناديني بطة او بتوتة واختي بتناديني عِـلِوْ

عمرك؟

بتاريخ 12 مارس القادم اتم 22

خليكو فاكرين ,, عيد ميلادي على الابواب ههههههه

برجك؟

الحووووووووت

اكتر الابراج رومانسية واحساااااس وابداع وفن وسحر ,, وكسل ولا مبالاة وبعد عن الواقع ,, يعني الواحد يقول اللي ليه واللي عليه



مجال دراستك؟

اتخرجت العام المضي بتخصص هندسة البرامج ومجالي هو التكنولوجيا عموما ,, وبشكل خاص بحب البرمجة وتحليل النظم
حاليا اعمل معيدة بالكلية لغاية الفصل الجاي وبعد كدة الله اعلم :p

شخصيتك نوعها ايه؟

نوكيا 6111
لأ هاده نوع جوالي :p

اظن محدش الا واتريق على صيغة هذا السؤال العجيب ,, اشمعنى انتو يعني ؟!

شخصيتي تميل الى الهدوء الي ممكن يتحول الى برود
نيتي دايما صافية وعندي حسن ظن دائم بالناس الى ان يثبت العكس
بكره النكد وان كنت احيانا بتسبب فيه
بحب تكوين صداقات وان كنت اقصر في حقهم
قليلة الشكوى ومتفائلة اغلب الوقت



السفر بالنسبة لك؟

يااااااه ,, انا اخر مرة طلعت من السجن الي اسمه غزة كان من حوالي 6 سنين قبل الانتفاضة مباشرة

لكن بعتبر نفسي محظوظة لأني زرت وعشت في بلاد كتير ,, يمكن حكيت عن الموضوع قبل كدة في بوست البيت التاسع
يعني ركبت طيارة وعديت الأطلنطي ودست ارض بلاد العم سام
وزرت الكعبة والمسجد الاقصى واسطنبول
ورحت على الهرم والمتحف المصري وماجيك لاند واكلت درة مشوي على الكورنيش
يعني ,, شفت كام يوم حلوين قبل الحبس الاجباري

اليوم لو بس وصلت معبر رفح ورجعت تاني حاعتبر نفسي سافرت هههههههه


المود بتاعك؟

مودي يعني زي شخصيتي على ما اظن

معلش مش حاتكلم تاني عن نفسي


وقت فراغك بتعمل فيه ايه؟

يا سلام على وقت فراغي

على النت ثم النت ثم النت

الحمد لله مفيش ولا سينما ولا نادي ولا خروجات زي الناس ولا حتة عدلة الواحد يشم فيها نفسه
بس الحمد لله بردو عندي هوايات كتير
منها اني بحب اقرأ الجرايد جدا جدا وبستمتع فيها
وعندي موهبة تألبف النغمات للموبايل (مونوفونيك) يعني لو حد عندو طلبات خاصة يقول :p
واحيانا بلاقي في نفسي نشاط اني اقرأ كتاب او رواية حلوة
عامة بحب اقرأ في السياسة والأديان
وحاليا بتعلم العزف على الجيتار ,, ان شاء الله لما اشتري جيتار حيكون ماخد معظم وقت فراغي


الاكلة المفضلة؟

مكرونة بشاميل (تقريبا عليها اجماع عند الناس الي جاوبت)
البوفتيك (او الستيك بالشامي)
بحب المجدّرة ,, وهي أكلة زي الكشري بس من غير مكرونة
وكمان المقلوبة ,, وهي اكلة فلسطينية بالرز واللحمة مممممم
اااه ,, وبحب ورق العنب جدا جدا (اهل غزة بيسموها ورق الدوالي) جوعتوني


الصفات اللي خدتها من بابا؟

اااه ,, بابا اساسا مثلي الاعلى
اخدت منه صفات كتير لكن سلبية للأسف , منها العند والبرود وحب النوم :p
بتمنى يكون عندي نفس حب العلم ونفس الصبر ونفس تحمل المسئولية ونفس الثقة بالنفس



الصفات اللي خدتها من ماما؟

ماما ,, انا متأكدة انها من الناس او الامهات الي حيروحو الجنة من غير حساب ,,
اخدت منها الهدوء والحساسية والكتمان والقناعة والطيييبة
وكمان حب النجاح في العمل والذكاء على ما يبدو
نفسي اخد منها النشاط وقدرة انجاز اكتر من حاجة في نفس الوقت :P

اكتر 6 حاجات بتكرهها؟

ياااااه ,, ما تعدوش

انا بكره اسرائيل
بكره الحكام العرب
بكره حماس وبكره فتح
بكره مصطفى كامل وامثاله وجميع اغاني النكد والنواح
بكره اني ادور على حاجة ضايعة مني
بكره ان الكهربا تقطع وانا محتاجة الكمبيوتر
بكره الفرجة على التلفزيون وهو مشوش
اصل بعيد عنكو وعن السامعين ,, مرور طيارات اليهود من اجواءنا بيسبب تقطع الديجيتال وحاجة تقصر العمر

اظن كفاية كدة ,, ان شاء الله حاعمل بوست مستقل بس عن الحاجات الي بكرهها



اكتر 6 حاجات بتحبها؟

بعد وصلة الكره السابقة ,, راحت الحاجات الي بحبها

بحب فلسطين ,, بتاعت زمان وانا صغيرة بستنى اجازة الصيف عشان ازورها
بحب الامارات وخاصة العين ,, الي شهدت احلى ايام طفولتي
بحب امش في الشارع واسمع رنة من تأليفي على جوال حد مش عارفاه
بحب اروح مكتبة الجامعة والاقي دفتر من تلاخيصي بيتصور من الشخص الي جمبي
بحب الخضرة والبحر والسما الزرقا
بحب الهدايا ههههههههه



الشغل بالنسة لك؟

احسن من قعدة البيت

متعة لو في حاجة بحبها ,, وعذاب لو مجبورة عليه

شغلي حاليا هو مزيج من كلا الحالتين



ايه الكمبيوتر والانترنت بالنسبة لك؟

بكلمة واحدة للاختصار

حيـــــــاتي



بعد البحث والتمحيص ,, تبين ان الاخوة التالية اسماؤهم لم يخضعو بعد لهذا التست

دكترة

Life or something like it

ساكاماكا نيوز

عمدة الدوار

بنت مصرية


ودمتم ذخرا للمملكة البلوجرية التدوينية

تمت بحمد الله