بحاول افضفض وبس


بفتح الصفحة بعد الصفحة

ورابط يوديني للتاني

بدور على موقع كويس وابن حلال يعلمني كوردات الجيتار

حتى الآن ,,, طلاسم مش فاهمة منها حاجة




افكار كتيرة جدا بتدور في دماغي زي كرات البلياردو

يا ترى اشتغل في برنامج الجافا الي لازم اشرحه يوم التلات الجاي

ولا اغوص في المدونات واقرأ واقرأ

ولا يا ترى اجاوب التاجات الي متكومة عليا زي الدراسة المتأخرة

لأ لأ ,,, احسن حاجة اروح افتح التلفزيون يمكن الاقي شي مضحك




تعرف احساس لما يكون عليك ميت الف حاجة وفي الآخر تختار انك تنام بدري وما تعملش ولاحاجة منها

انا صار عندي هالشعور موجود بشكل يومي

يا ترى هو كسل ولا بلادة

ولا تشتت !!


اه اكيد هو تشتت !! لازم اركزززززز





اليوم كنت مروحة مشي من الجامعة للبيت ,, وقلت اغير طريق مرواحي

كنت بحاول اشوف الشوراع بعين حد تاني

عين حد مش من هنا

حد غريب اول مرة يشوف غزة




لقيت غزة غريبة جدا ,,, غريبة مع انها عبارة عن اربع حيطان ممكن تموتك من الملل

وفي نفس الوقت ما فيهاش يوم زي التاني

ولا شخص زي التاني




فيها الي عايز ينجح مهما كان
وفيها الي مش عايز حتى يجرب ينجح

فيها الي مالوش في الدنيا ,, ما بيعرف غير ابو وديع ويا حلالي يا مالي
وفيها الي شايل هم الدنيا على راسو كأنو المسئول الاول والاخير عنها

فيها الي عايزة تتحدى وتثبت وجودها في مجتمع ذكوري
وفيها الي اقصى احلامها دبلة في الشمال وفستان وطرحة

فيها الي حامل راية المقاومة لو دفع حياته ثمنها
وفيها الي مستغل المقاومة وسلاحها عشان يتحكم في الناس ويفرض رأيه بالقوة

فيها العالـِم الي مخه مخيف من كتر الذكا والفطنة
وفيها الي من كتر الذكا اصيب بالاحباط وقال خلص مافش فايدة

فيها المتدين الي حافظ القرآن وبيصلي بالجامع كل صلاواته وماشي عالسنة
وفيها الكافر ! الي اسهل كلمة عنده في اي "طوشة" او خناقة وللأسف , سب الرب والدين



عنجد مجتمع غريب !! وناس اغرب !! صحيح انو كل المجتمعات فيها وفيها
لكن غزة بالذات فيها كم غزير من التناقضات الغير مفسرة


سواء في التفكير , او في الممارسات او المباديء او طريقة الحياة


يمكن علشان كدة اليهود اتخلو عنها بسهولة

هما عارفين انو لو ما كان ادام الغزي عدو واضح ,, انه ممكن يصنع من جاره عدو , ومن اخوه عدو , ومن نفسه عدو

او على راي المثل

فخار بــيكسّر بعضه


انا مش متشائمة ,, ابدا ,, انا واقعية ,, وعايزة الناس تعرف ان غزة مش ساحة حرب وشهداء وبس

غزة هي مجتمع مضطرب !! مزدحم !! اقرب الي القرية عن المدينة !! ويدّعي التمدن


لكنها بيتي ووطني , جامعتي ومدرستي

لا اقبل الذم فيها ولو من مين ماكان !! وان كنت مقتنعة انها احيانا تستحق الذم كما المدح



اساسا ايش الي خلاني اكتب هالكلام ,, ما بعرف !!





!! فجأة ..... توقفت عندي الرغبة في قول المزيد


.

.

.

.

.

.

.

.