*** توجيهيـــــات ***


أعلنت بالأمس (1/8/2007) نتائج امتحان الثانوية العامة ,, ما يسمى عندنا في غزة بالـ "توجيهي" وما ادراكم ما توجيهي

توجيهي يمثل عند جميع العائلات والاسر وحتى الدول العربية جميعها على ما اظن ,, البعبع المخيييف ,, زي القضا المستعجل الي كل واحد فينا بيستنى دوره فيه وهو ما بإيده حيلة

أعلنت النتائج في قطاع غزة منفصلا عن نتائج الضفة الغربية ,, غالبا كما توقع المعظم ,, وللأسف في شائعات قوية ان الرئيس الفلسطيني والحكومة في رام الله مش حاتعترف بشهادات غزة ,, الله اعلم اذا كانت صحيحة ولا لأ

مع ان هذه هي السنة الأولى التي يخضع فيها جميع طلاب وطالبات "فلسطين" لامتحان واحد موحد يتبع منهج فلسطيني واحد موحد

لأنه قبل كدة زي ما انتو عارفين ,,كان طلبة غزة بيدرسو المنهج المصري وطلبة الضفة بيدرسو المنهج الأردني

ياللا ,, على رأي المثل الحلو ما يكملش

منهج واحد بس نتائج منفصلة ومش حاحكي هنا عن مين السبب ومين ورا قرار الفصل ,, لأن كل جانب بيقول ان الطرف التاني الحق عليه وانا مش مصدقة حد

المهم ,, انا عترت على ملف - هو مش انا ,, الحقيقة واحدة صاحبة اختي بعتتلها الملف وانا استوليت عليه ,, وبهذه المناسبة بوجه تحياتي لرانيا ولأختي كمان بالمرة-
كنت بقول ,, ااه

عترت على ملف اكسل فيه جميع أسماء الناجحين في التوجيهي في قطاع غزة بس ,, يعني نتائج الثانوية العامة للعام 2007 في جميع الفروع موجود في الملف الي تقدرو تـعملوله داونلود من اللينك التالي

من هنا

وانا طبعا قعدت العب فيه شوية وقمت بعمل احصائية خاصة جدا ,, يعني عملت توزيع واحصاء بالنسب المئوية على التقديرات ,, يعني كام ممتاز كام جيد جدا وكدة يعني ,, في كل من الفروع وتبين منها التالي:

ولاحظوا ان الارقام كلها عن الناجحين طبعا

عدد طلاب الفرع الأدبي بلغ 3747 طالب
عدد طالبات الفرع الأدبي بلغ 7288 طالبة
----
عدد طلاب الفرع العلمي بلغ 2336 طالب

وعدد طالبات الفرع العلمي بلغ 2805 طالبة

----
عدد دارسي الفرع التجاري بلغ 18 طالبة ,, ولا طلاب
----
عدد دارسي الفرع الزراعي 9 طلاب و 4 طالبات
----
عدد دارسي الفرع الصناعي 16 طالب و 4 طالبات
----
عدد طالبات فرع الاقتصاد المنزلي تطبيقي 12 طالبة
----
عدد طلاب الفرع الصناعي تطبيقي 8 طلاب
----

التعليق على النتائج والارقام متروك لكم
---------------------------------------------------

السبب الرئيسي لكتابة هذا البوست هو طبعا اني اكتب شوية عن ذكرياتي ايام التوجيهي سنة 2000/2001


في اول ايام التوجيهي, قبل بداية العام الدراسي بشوية شرف الكمبيوتر على البيت ,, كان كمبيوتر بس بدون انترنت
وانا وقتي كلو كان يضيع عليه
سوليتير على كانسة الالغام على دعبسة وبعكشة في الجهاز المسكين

اكتر من مرة يتفرمت الجهاز ويروح تعريف الصوت ,, غير مرة اتحولت لغة الويندوز الى اللغة السريالية هههههه
انا طبعا ايامها كنت جاهلة جدا وما بعرفش افتح القرص المرن ههههه

والشئ الاخطر في سنتي السودا .. ان الانتفاضة الثانية قامت بعد حوالي شهر من بداية العام الدراسي ,, وطبعا كان ده شئ كافي جدا لتشتيت تركيز الواحد واصابته بالاكتئاب

خاصة مع الفعاليات الي كنا نعملها او نشارك فيها كطلاب ,, ما بين مسيرات ومظاهرات
بتزكر اني شاركت مرة او اتنين وبحيت صوتي وانا بهتف

وبناء علي ذلك ,, قرر والدي انو يجيب الدش على البيت :) علشان نتابع الاخبار طبعا وايامها كانت موضة برنامج الاتجاه المعاكس
قبل كدة كنا مكتفين بقنوات التلفزيون المحلي ,, الي هما كانو عبارة عن تلفزيون فلسطين , والقناتين المصرية الأولة والتانية والقناتين الاسرائيليتين الاولى والتانية
وقناة التلفزيون الاردني ,, وكان والدي تقريبا مقتنع ان الدش مالوش لزوم
والانتفاضة كانت تقريبا السبب الوحيد في تغيير وجهة نظره

ولكم ان تتخيلو طبعا ! الانتفاضة ,, الدش والكمبيوتر لأول مرة في البيت ,, وتوجيهي !! ما يركبوش مع بعض

أمي يا حرام عانت معايا كتير علشان توفر لي جو "هادي" ,, وطووو صوت التلفزيوووون ,,, يا امييير سكّر السيبس تووووون اختك بتدررس ,, يا علااااا سيبي الشدة والسوليتير وقومي ذااااااااكري

وما الى ذلك :p

ايامها كان المحرك الرئيسي ليا ,, البنزين يعني ,, الراديو والنسكافيه والبزِر او اللب بالمصري

كان بابا الله يرضى عليه يشتريهم مخصووووص على شاني

عموما احلى ايام التوجيهي كانت ايام الامتحانات :) الحمد لله الشلة الي كنت ملتمة عليهم ما كانوش من النوع النكدي هههه
كنا نروح الصبح نراجع شوية قيل بداية الامتحان وبعدين نبدأ نغير جو ونهدي بعض وبعد الامتحان نجاوب ما تيسر من الاسئلة ونكمل تنكيت وضحك

كنت العب جيمز قبل الامتحان , خاصة لعبة الجلول ,,

Lose your marbles


يا سلاااام كانت ايااام ههههههههه
-------------------
لكن الحمد لله وبعد كل هالتاريخ "المشرف" نجحت يااا ناس !! وجبت معدل كويس الحمد لله 95.1 في المية

صح كنت العب بس كمان كنت اذاكر هههههههه
----------------
يوم النتيجة كان بابا مسافر ,, وكانت اعصابي كأنها في الفريزر ههههههه

ايامها كانت النتيجة ببتذاع على الراديو ,, وكل واحد يستنى مدرسته واسمه ,, يا إما يروح على المدرسة علشان يجيب النتيجة
بس انا كنت مقتنعة ان الراديو اسرع لأن اسم مدرستي كل سنة بيتذاع في الأول ,, وما كانش عندي اي استعجال اني انزل اروح اجيبها من المدرسة
تلامة بعيد عنكو ,, فعلا يومها ماما بعد ما يأست اني انزل معاها ,, راحت لوحدها على المدرسة ورجعت بتقول ان النتيجة ما وصلتش المدراس
وبعد بشوية بدأت النتائج تتذاع على الراديو فعلا

وقتها كنت ماسكة في ايدي قماشة كنافا وبشتغل فيها ههههههه منتهى البرود


هادي عينة من الحاجات الي اشتغلتها للمدرسة

المهم أول ما بدأوا في مدرسة "بشير الريس الثانوية أ للبنات" ... والمذيعة بدأت تقول اسماء البنات صاحباتي ربا ,, رغدة ,, ريما ,, وقربت على حرفي ... ساعتها بس بدأت اغز نفسي بالإبرة وبدأت ايدي ترتعش

... سبت الكنافا على جنب .. وحطيت ايدي على خدي استنى قضايا

واول ما سمعت الارقام ,, خمسة وتسعين وواحد من عشرة بالمية ,, انفجرت بالعياااااط كان نفسي في اكتر من كدة هههههههه

وماما تبوسني واختي تنط عليا واخوتي بينزقفووووولي والتليفوناااااات :) يا عيني على التليفونات الي رنت في هاليوم

وكمان لما كلمت بابا وقاللي ما تزعليش نتيجتك كتير حلوة وتدخلك اي كلية انتي عايزاها
كان نفسي يكون معايا يومها
وللصدفة انو كمان تاني سنة وقت نتيجة هدى اختي كان بابا مسافر

هدية نجاحي كانت جوااااال :) صحيح انو كان موتورولا شبشب وباريال كبير ,, بس ايامها كان تطور رهيب طبعا
ايييييييييه
كانت ايام حلوة بجد ,, لكن مش بتمناها تنعاد ابدااااا


!!! وانتو احكولي عن ذكرياتكم ايام التوجيهي ونتايجكم

:))))

لو سمحتو يا جماعة ما تنسوش تقرأوا التحديثات اللي في موضوع معبر رفح



*** توجيهيـــــات *** *** توجيهيـــــات *** تمت مراجعته من قبل علا من غزة في أغسطس 04, 2007 تقييم: 5

هناك 23 تعليقًا:


  1. هههه
    بتوصفي في الحدث كانو صاير امبارح , فعلا لحظات زي هيك ما بتنتسا , خصوصا لما تكون النتيجة 95 ما شاء الله امسكو الخشب
    برافو شطورة
    انا عن نفسي , يومها ركبت راسي و اصريت اروح على الشغل و اكمل زي اي يوم تاني ,
    و ما كان في وسيلة اتصال مع البيت , كان العمل ميداني و ما في جوال ولا غيرو, عرفت النتيجة متأخر , بس ما تفاجأت لانو اجت بالضبط متل ما توقعتها
    على اي حال زكريات صار عليها غبرة

    شطورة يا علا

    God Bless you & your Home

    ردحذف
  2. نتيجه الثانويه افتكر اني عرفتها من الجريده ولم تكن تذاع في الراديو
    اما النسبه فما عرفنها الا يوم حفله التخرج
    عجبني الشغل اليدوي اللي عملتيه للمدرسه
    عمل يدوي متقن وشغله لابد الاحتفاظ بها لانها جزء من التراث الفلسطيني
    تحياتي

    ردحذف
  3. الف مروك للناجحين

    و سعيد بالمرور بمدونتك

    و ارجو ان توقع في مدونتي للدكرى و للتواصل

    ردحذف
  4. ازيك يا علا والله الميزه ف مدونتك انى بعرف حاجات عن فلسطين مكنتش اعرفها خالص
    حلوه العينه اللى انتى كنتى عملاها
    هو اتنتوا كانت نتيجتكوا على الراديو لا انا عرفت النتيجه من ع النت والتنسيق كان بعتلى رساله على الموبايل تقدم بقى
    بس تزعليش منى انتى كنتى بارده اوى ههههههههه
    ده انا يوووم النتيجه ده كنت خايفه موووت وكنت تعبانه اوى وماما كانت خايفه لحسن يجرالى حاجه
    انا بالنسبه لى الثانويه العامه كانت مرحله زى الزفت اكيد طبعا كان فيها حاجات ظريفه وحلوه بس هى برضه كلها على بعضها زفت
    يمكن علشان مشفتش غيرها الناس بتقولى هو انتى لسه شفتى حاجه
    سلام

    ردحذف
  5. و الله برافو عليكي يا علا مع كل هالمغريات و جبتي هيك معدل

    انا قبل فترة كتبت موضوع مطول عن التوجيهي مس رح ادوشك فيه بس عنا بالاردن التوجيهي ماساة و تاثيرة بيكون على كل العيلة مش بس الطالب

    مبروك لكل اللي نجحوا بس لاحظتي انه البنات اشطر من الشباب

    :)

    ردحذف
  6. قرات مقالك وبصدق مقال رائع اكثر شى عجبنى فيه العفوية التى تتحدثى بها كانك تحدثى الناس ليس كلام معد وكنت اقرا عن ذكرياتك ايام التوجيهى وكان كلامك يشعر انكى كنتى سعيده بها لكن فى النهاية حينما قلتى انا لااريدها ان تاتى مرة اخرى استغربت
    ثانيا مدونة من غزة حينما زورتها وهذه اول مرة ازورها شعرت انى بصدق فى غزة ويارب تحرر القدس ويكون لكة مدونة من القدس
    القسام
    www.alqassam-film.blogspot.com

    ردحذف
  7. هههههههههه ايه الحلاوة دى اول مرة اعرف موضوع المنهج المصرى ده بجد الله يكون فى عونهم الى اخدوه ههههههههه
    انا مبكرهش فى حياتى قد الثانوية العامه انا كنت مرتاحه وقتها مقرفتش الا بعد ماجبت 94% فى تانية بعدين 91% فى تالتة وفى الاخر دخلت كلية سكه ودبلرت وحولت لكلية اسك يعنى مذاكرة ع الفاضى ودى كانت اخر ايام ذاكرت فيها فى حياتى وشطبت معنى المذاكرة من قاموسى خلاث هههههههههه ربنا يوفقهم

    ردحذف
  8. flwvمبروك على النيو لوك
    ولو انها متاخرة

    الثانوية هم في كل مكان

    ولو اني و الله كنت باحبعا

    ارحم من صيدلة و قرفها

    تحياتي

    ردحذف
  9. يا ستي ..احمدي ربنا عل نعمة الشبشب أبو اريال
    ..
    أنا أبويا خاد ساعتها فلوسي وقاللي هاشتريلك كاميرا
    ..
    دا من سنيتن
    ..
    والسوق مايزال مغلقا
    ..
    والنقود ليست في جيبي

    ردحذف

  10. ما شاء الله

    هاها غلبتيني انا كنت اقل من كده في الثانوية

    ربنا يباركلك يا رب وعقبال الماستر

    :)

    تحياتي لك من ماناساس البلد

    ردحذف
  11. السلام عليكم

    عذرا للتحليق خارج السرب

    تابعونا الان
    في

    الواقفون علي الاعراف بين نار الغربة وجنة العودة


    ارفع معنا شعار

    افتحوا المعبر


    ادعمنا بمشاركتك
    علي
    مدنة
    صوت فلسطين



    علي فكرة
    انتي بالذات انا مستني تعليقك وملاحظاتك المعتادة علي ما اكتب حول فلسطين وخصوصا وانك مرديتيش علي طلبي في الموضوع اللي قبل ده





    سلامي
    من
    ارض الحرب

    ردحذف
  12. تدوينة متميزة قوي

    ما شاء الله

    أنا عايزة أعلق على حاجات كتير

    بس مضطرة أقوم دلوقتي .. راجعة إن شاء الله :)

    ردحذف
  13. لطيف جدا ان اري مثل هذه المعلومات ..
    مفتكرش كان ممكن اعرفها من مكان تاني ...

    ردحذف
  14. عدنا

    التدوينة أولا تموت من الضحك

    ثانيا .. متفقة معاك جدا إن أيام ثانوية عامة كانت أحلى أيام .. أنا برضة السنة بتاعتي كانت عجيبة بس مش لدرجة إنه حصلت عندنا انتفاضة :D

    في الثانوية عامة
    1. أمريكا كانت بتضرب العراق وكانت الكويت مهددة إن صواريخ توصلها

    2. جنب عمارتنا تمام كان فيه 4 عمارات بيتبنوا جديد .. مش عايزة أقولك على الدوشة الفظيعة طوووول السنة من البنا

    3. ضروووس العقل كانوا بيطلعولي وكانوا مجنني

    4. إمتحانات آخر السنة اتسربت فغيروها بأصعب منها

    :)

    الاحصائيات رائعة

    ردحذف
  15. انتي ماقولتيش دخلتي كلية ايه
    واتخرجتي ولا لسة
    علي فكرة اسلوبك هايل
    بس طريقة كلامك مصرية خالص
    بالتوفيق

    ردحذف


  16. --------
    "tamer"
    --------

    شكرا على المرور



    --------
    layal
    --------

    اهلا وسهلا فيكي وفي كل اهل البحرين


    اول مرة تشوفي حاجة من التراث؟

    انا فعلا بحبه كتير وبعتز في كل حاجة من التراث


    شكرا على زيارتك وان شالله تتابعيني دايما :)


    --------
    مستبشر بالفتح
    --------

    مدون من المغرب :)

    اول مرة يوصلني تعليق من المغرب وشكرا جزيلا على ذلك

    مدونتك مميزة وهاعيد الزيارة دايما ان شاء الله

    تحياتي



    --------
    nefertiti
    --------

    اهلا يا ملكة

    :)

    انا موافقاكي تماما بوصفي بالبرود :p

    انا عارفة نفسي هههههههه

    السنة يا نفرتيتي النتيجة بردو وصلت الطلاب بالموبايل وعلى النت يعني

    بس ايامي كان لسه الطريقة البدائية هههههههه


    ان شاء الله تكوني شفتي اصعب فصل في حياتك يارب :)

    سلامات


    --------
    mala2e6
    --------

    اه قراته موضوعك الي كان عن توجيهي وعلقت عليه كمان :))


    لاحظتي كيف !! طبعا كعروف انو البنات اشطر :D

    العتب عالنصيب بس

    هههههه

    سلامات.



    --------
    al qassam
    --------

    اهلا بيك يا اخي

    انا فعلا مش عايزة فترة التوجيهي ترجع ,,

    لأنو كل فترة الها جمالها ,, انا مش من هواة البكاء على الاطلال وكدة :D

    انا لأول وهلة ظنيت انك مدون فلسطيني من الاسم ,, لكن بجد الي قال ان اكتر الشعوب تأثرا بالقضية الفلسطينية هما المصريين كان صادق

    ربنا يجازكم كل خير :)

    تحياتي




    --------
    honda
    --------

    اه يا ستي احنا درسنا المنهج المصري لغاية هالسنة اتحولت جميع المناهج للمنهج الفلسطيني

    هههههههه

    الله يعطيكي الف عافية على مذاكرتك يا ستي ,, العبرة مش في العلامات العبرة في فايدتنا ايه في المجتمع :)

    سلامات


    --------
    soooooosa
    --------

    ياااااه يا سوسة

    انتي بقالك قرن ما زرتينيش :)



    --------
    other things
    --------

    يا حرااااام

    انا الشبشب خدمني حوالي سنة ونص وبعدين دخلت عصر النوكيا ولله الحمد :)

    اصبر شوية وحتلاقي ان موضة الكاميرات انتهت اساسا :)

    ويعوض عليك في الفلوس بقى هههههه

    شكرا على الزيارة



    --------
    groom
    --------

    شكرا جزيلا يا عمو جروم

    ما انا كنت بقول لهوندا من شوية

    العبرة مش في العلامات ,, العبرة في فايدتنا في المجتمع :)

    ربنا يسمع منك يارب

    سلامات :)

    --------
    عمرو المصري
    --------

    انت دايما ظالمني يا عمرو

    انا رديت عليك في الموضوع الي فات وحاولت انقل الاخبار الي اعرفها اول بأول ,, بس انت شكلك ما اخدتش بالك

    على العموم ربنا يجازيك كل خير على تعبك بردو في موضوع المعبر

    :)

    سلامات


    --------
    مها
    --------

    هي تلاكيك يا بنتي :p

    ماما كانت دايما تقولي اللي عايز يدرس بيدرس ولو تحت اللحاف :)

    ياالا ايام وعدت بفضل ربنا

    هههههه

    سلامات



    --------
    ahmad essawy
    --------

    شكرا جزيلا على زيارتك

    :)

    احنا طلعنا زملا على فكرة :) مدونتكم حلوة ومفيدة بجد

    تحياتي


    --------
    beebo
    --------

    انا كتبت قبل كدة فعلا عن الحاجات دي

    انا دخلت كلية تكنولوجيا المعلومات واتخرجت واشتغلت سنة معيدة :)

    فاتك كتير ,, بس اهلا وسهلا في المدونة وتعالى دايما :)

    تحياتي


    ردحذف
  17. الثانويه العامه دى مشكله عند كل البلاد العربيه
    مش ممكن تحطيم الأعصاب اللى بيحصل للواحد من السنه دى
    وكأنها عنق زجاجه بتخنق على الواحد
    أنا عن نفسى يوم نتيجتى كنت نايمه
    ومصحتش اجيبها
    لانى كنت متأكده انى ناجحه وهجيب جموع معقول
    هو مش غرور بس دايما كنت واثقه من ذكائى وقدرتى على النجاح
    وكمان كنت عارفه انا كاتبه ايه فى الاجابه وكنت مديه لنفسى تقدير تقريبى
    وفعلا طلع هو التقدير اللى جيبته
    وكان موضوع الكليه منتهى من قبل ما النتيجه تظهر اصلا
    علشان كده كنت فى قمه البرود وفضلت نايمه
    وأتذكر انا بابا باين اللى جابها من المدرسه ورجع وانا برده نايمه
    :))))

    فكرتينى بأيام مضت يا علا
    :)
    محبتى

    ردحذف
  18. السلام عليكم
    ازيك يا علا؟ اخبارك ايه
    بوستك جميل ودسم وممتع رغم طوله
    مبروك على النيولوك الهايل ده ، بجد اكثر من رائع ومميز جدا جدا

    فكرتينا بتجربة كلنا مرينا بيها وعانينا الأمرين بسببها
    ربنا يوفقك دايما

    خالص مودتى

    ردحذف
  19. بوست حلو يا علا

    كيفك انتي ان شاء الله تكوني بخير

    عارفة انا نتيجة ثانوي جات لي على البيت مع الاستاذ وقال لي حد عنده هالنتيجة وما ييجي ياخذها من المدرسة
    وانا ولا كان على بالي

    على كل انا جبت زيك تقريبا 95

    تحياتي

    ردحذف
  20. مبروك لكل الناجحين
    دلوقتى الثانويه العامه ممكن تجبها من على النت
    لكان زمان كنا بنكون على اعصبنا وخيفين
    ادعوكى لزياره مدونتى

    ردحذف
  21. ازيك يا علا انت فين وفين أخبارك غبتى عننا فترة يعنى او أنا اللى غبت بس المهم انى جيت ورجعت اشوف بلوجك الجميل تانى ..
    ألف مبارك للناجحين جميعا

    ردحذف
  22. و الله يا علا

    الثانوية العامة أو بمعني أدق ( التوجيهي) هي بعبع في كل مكان

    اساليني أنا ... ايييييييه قول للزمان يرجع يا زمان

    لسه مخلص الثانوية العامة من سنتين ههه

    و اللي انتي عملتيه في البوست مجهود بجد تشكري عليه فعلا فعلا

    تحياتي لكي

    شريف

    ردحذف
  23. I REALLY adore the way that you desribe the event ya Oula..mashallah 3aleeky. .!!

    Ana Ayyam tawjihi kanat awal sana fel intifada ..and I still remember that I could not go to school so many days because they put borders between deir el balah o Gaza. ..
    I also remember that day when they announced the results ..they were announcing the names of top 10 in the science section and while I was listening 2ata3at el kahrabah (blackout) after the 6th name !! plus everyone got their result except me ..for some reason my result got delayed. .bas el 7amdolelah the nerdness payed off at the end and got 98.6% ..ya Allah ..never saw that number afterwards ! really they were amazing days ...

    ردحذف