أرشيف تغريدات شهر سبتمبر 2012

• كتاب 'سأخون وطني' للماغوط جرعة مركزة من اليأس والنكد السياسي العربي.. الحمد لله انني اقرأه وقد قامت ثورات في 'بعض' الدول العربية على الأقل!

• خيار الـFavorite في تويتر لا يساوي زر Like في فيسبوك. هادا يستخدم لحاجة انت حابب ترجعلها بعدين او لينك ما بدك يضيع.

• بيقولوا فيه تشكيلة وزارية جديدة في جمهورية غزة المستقلة...وبكدة يكون فيه تشكيلة جديدة عند الحج ابو مازن, وتشكيلة جديدة عند الحج ابو العبد... ومحدش أحسن من حد!

• حكومة مبدأها في إدارة الازمات: اول ما يصير عندك ازمة, اخترع ضرايب جديدة على المواطنين!

• في تقرير الامم المتحدة لقطاع غزة في 2020 مكتوب ان وضع المياه سيكون خربانا في 2016 وغير قابل للاصلاح في 2020.

• المحافظات الفلسطينية داخلة في منافسة مين يطلع منها اكبر عدد من البوعزيزي... مين يزود!؟

• تلك اللحظة التي تقوم بكتابة مقال كامل في دماغك.. وعندما تحاول الكتابة فعلا تهرب منك الكلمات!

• صورة رائعة من ميناء غزة .. بصراحة التقنية الموجودة بالصورة عالية جدا صعب تصدق انها من غزة اصلا!!
  

المصدر من صفحة المصوّر أيمن حجازي

• لا اصدق مشاهد الباكين -بعد 11 عاما- على ضحايا برج التجارة العالمي.. نحن في بلادنا نشيع الشهداء وتستمر الحياة في صباح اليوم التالي مباشرة!

• وبعد مقتل السفير الأمريكي في ليبيا .. نص العالم الغربي رح يتحول للإسلام, والنص التاني رح يموت من الرعب وما رح يسترجي يعمل هيك مرة تانية..

• احيانا بخاف من مجرد التفكير فيما كان من الممكن أن أعتقد عن الإسلام لو لم أكن مسلمة بالمولد..

• بعد ما دقنا طعم الملح وطعم المر, الآن مية الماسورة بطعم الصدأ! بانتظار المية بطعم الشطة والليمون

• وفد من حماس يتوجه -تاني- الى القاهرة لمقابلة الرئيس مرسي. لو اي حاجة نقصت في مصر اليومين هادول احنا ملناش دخل ها!

• بالرغم من كل التحفظات على الجاليري وانطباعات البعض السلبية عنه وعن مرتاديه, لكني لا استطيع إلا أن اتعاطف ضد هدمه ولو بدون معرفة التفاصيل..

• حكمة اليوم: عيب يكون عندك كاميرا غالية وانت ما بتعرف أساسيات التصوير .. وعيب تكون كاميرا متعددة الخصائص وانت طول الوقت حاططها عالـ Auto mode.

• مش كأنو الأعراس ببلدنا من أسخف الاشياء الي ربنا خلقها ؟! يا عمي هو هو نفس العرس بس كل مرة بيغيروا العروس والعريس والباقي كله اسطمبة واحدة!

• توي شفت صورة 'عالفيس' حيث نرى الحج ابو العبد متطوع ومتصور وهو مادد ايده للمواطن الغلبان عشان يبوس له اياها.. شوفو التواضع والكرم..

• وكم فينا من أُناس, هم روايات في انتظار أن يكتبها أحد.. روايات في انتظار أن يرويها أحد.. في انتظار أن يلتفت إليها أحد!

• أنا مقتنعة أن أصحاب الشخصيات المختلفة هم القادرون على حل مشاكل المجتمع. هلأ من وين بدو يجي الاختلاف لو كل افراد المجتمع كوبي بيست من بعض؟

• قال عشان تتصل برقم فلسطيني من بره بتستخدم كود 970.. وعشان تبعت مسج لنفس الرقم بتستخدم كود 972 ..احنا موعودين من كل اشي اتنين اتنين يا ربي ؟!

• ابو مازن: المجتمع الدولي عوّدنا على الشحاتة في كل اشي.. اي اعتبروا الدولة واحدة من هالان جي اوز وخلصونا #الخطاب_الموازي

• ابو مازن: احنا جاهزين نصير دولة.. وشرينا الصالون وركبنا الستاير وعزّلنا المطبخ #الخطاب_الموازي

• لما حدا يكتب 'انفجار يهز مدينة غزة' الناس بره بيتوقعوا انو غزة كلها ماتت .. بينما بالحقيقة كان يادوب حتة صاروخ .. ليش هيك بنعمل احنا!

• سنة 2000 لما استشهد محمد الدرة, كانو لسه اليهود في غزة وماكانش فيه جدار فاصل وقبل احداث 11 سبتمبر وقبل احتلال العراق..صار فيه اختلافات كتير في كوكب الأرض من 12 سنة لهلأ ..

• الفصل الأخير من كتاب بلال فضل 'السكان الأصليين لمصر' بيحكي عن هبّة شعبية صارت في مصر الجديدة _قبل الثورة_ ضد مصادرة ممتلكات بائعي الفاكهة..أتاري ثورة يناير كان لها مقدمات كتير بس احنا ما نعرفهاش.. وكمان لها علاقة بالفواكه زي ثورة تونس :)

• في مدينتي رياح عليلة تطير الستائر وتكسّر المزهريات المنصوبة بجوار الشبابيك المشرّعة.. أهلا بك يا أيها الخريف!