اعتذار وتدوينة بلا هدف


السلام عليكم

ان شالله تكونو كلكم بخير يارب

عادة لما اجي اكتب تدوينة جديدة بيكون عندي موضوع معين عايزة احكي فيه ,, وبحرص انو افكاري تكون مرتبة والتدوينة عموما يكون فيه منها هدف ,, بس اليوم معنديش اي موضوع جديد ,,

حابة فقط اشكر الكل اللي بيسألوا عليا سواء سابوا تعليق او ما سابوش ,, وبعتذر فعلا على التأخير والغياب في الفترة الماضية

!! بجد كان عندي اكتر من حاجة شاغلاني ولسه


يعني مثلا من كام يوم كان عندي امتحان التوفل ,, اللي هو للي مش عارف عبارة عن اختبار يسمى

Test of English as a Foriegn Language

يعني اختبار اللغة الانجليزية كلغة أجنبية


وطبعا اختكم في الله بقالها حوالي سنة ما دخلتش امتحانات !!! ونسيت الناس كيف بتذاكر اساسا !! فا كان لازم "احاول" اذاكر يعني قدر المستطاع

طبعا علشان احكي عن الامتحان محتاجة كتيييير !! تفاصيل غير طبيعية كأنك بيتقدم للجرين كارد ولا حاجة ,, شغل امريكاني مانتو عارفين


والحاجة الجديدة الي شكلها هاتطول شويتين تلاتة ,, اللي هي قطع الكهربا عن قطاع غزة زي ما سمعتوا او شفتوا في الاخبار

يعني حاليا الكهربا بتقطع فترات طوييييييييييلة ومش بتيجي الا في اوقات محددة ,, وفي مناطق مناطق

يعني خلال ما انا بكتب هالكلمات ,, الكهربا كانت مقطوعة فعلا وكنا مشغلين المولّد في العمارة ,, (المولّد اللي هو الموتور يعني ,, مش عارفة اذا فاهمين عليا !!) اللي عايش في غزة هايكون فاهم طبعا

وفجأة ,,,,,, يقطع المولّد وتيجي الكهربا العادية !!!! وشكوا حلو عليا بجد

بس بقالها تقريبا يومين مقطوعة تمامااااااا

وغير الاسباب اللي فاتت !! مخي مشغول بحكاية هابقى احكيلكم عليها ان شاء الله لما تكمل على خير ياااارب

فا محتاجة منكم تدعولي أن ربنا يسهل الامور اذا فيها الخير طبعا

اوعدكم ان شاء الله هاتعرفوا اول ما أنا اعرف ههههههههه


سلاماتي وتحياتي

من غزة
اعتذار وتدوينة بلا هدف اعتذار وتدوينة بلا هدف تمت مراجعته من قبل علا من غزة في أغسطس 20, 2007 تقييم: 5

هناك 11 تعليقًا:

  1. ربنا يوفقك يا علا و يسمعنا عنك كل خير ..قريب جدا يارب

    و متنسيناش من دعائك

    ردحذف
  2. ربنا يعينكم

    وبعدين ليه بتقولى من غير هدف

    ردحذف
  3. ولم توجه حكومة تسيير الأعمال في رام الله او حكومة حماس المقالة في غزة أي اتهامات لاسرائيل بالتسبب في انقطاع الكهرباء، فيما أعلنت الأخيرة أن لا أحد من الجانبين الفلسطيني أو الأوروبي المتكفل بدفع ثمن وقود محطة كهرباء غزة طلب منها تزويد القطاع بالوقود.


    حسبنا الله نعم الوكيل فيهم

    هي كورة ولا لعب .. دي حياة ناس

    حسبنا الله ونعم الوكيل ..

    ربنا معاك يا بنتي في امتحان التوفل طمنينا على النتيجة

    ردحذف
  4. علا

    انشاء الله الحاجة تكمل على خير بما انى حاسس انى عارفها ;)

    وقطع الكهرباء اعتقد ان دولتى حماس وفتح اختلفو على المولد

    ردحذف
  5. الحاجة دى اللى انا كده حاسس بيها .. ومن دلوقتى هقول الف مبروك .. ان شاء الله ربنا يكرمك يا علا انتى تستاهلى كل خير

    ازاى بقي التدوينة بلا هدف .. مش كفاية اطمنا عليكى .. وكمان عرفنا ان في حاجة حلوة هتحصل .. من اللى بيبقي فيها زغاريد فى الاخر دى .. هههههه

    ربنا يكرمك يا علا

    ردحذف
  6. بختك يا علا انو في عندكم في البيت مولد كهربا
    للاسف انا معنديش
    واستغليت وجود الكهربا لكتابة تدوينة ع الماشي عن فيلم حلو
    ربنا يوفقك بالتوفل

    ردحذف
  7. البوست حلو و ليه هدف
    هو ايه الي بيحصل في غزه الناس دي عايزه تعمل فيكوا ايه تاني ربنا معاكوا

    ردحذف
  8. ربنا يسهلك امورك ...
    و يوففقك للخير حيث كان .

    ردحذف
  9. ياحبيبتى ياعلا امتحان وكهربا الله يكون فى عونك يابنتى معلش كلها خربانة هههههههه احنا بقا الجو حر اوووووووى عندنا والميه بتختفى

    ردحذف
  10. I think its all about a Scholarship , good luck

    ردحذف