صباح الخير .. او مساء الخير عليكم يا جماعة
انا قلت مليش حل الا اني اكتب
عشان مش منطقي أبدا الي بيصير معايا بهادي الفترة
مش قادرة اخد قرار
ومن كتر الحيرة حاسة اني بطلت عارفة انا ايش بدي اصلا
...
هلأ صارلي راجعة على غزة تقريبا (استنو اعدهم) 4 شهور نص بالزبط
وفي هذه الاثناء اخدت فترة استراحة بالبيت .. وبعدين انعرضت عليا فرصة للشغل في مؤسسة غير حكومية ..مهمتها اعادة الاعمار ومساعدة الاسر الفقيرة
مجال شغل بعيد عن دراستي تماما .. دراستي الي قضيت فيها (ومش هاقول ضيعت فيها) 8 سنين من عمري (دراسة وتدريس وماجستير)
بهادي الفترة كمان قدمت لمنحة دكتوراه كواحدة من الخيارات .. اني ارجع على بروكسل وفي نفس الجامعة ونفس المختبر .. بس هالمرة لفترة طويلة اقل اشي اربع سنين
طول الفترة الي فاتت وانا بستطلع اراء .. وبسأل كل الناس الي بيهمني رأيهم .. وبفكر يمين وبفكر شمال .. حالة من الضياع الرسمي يعني
من تلات ايام وصلني قبول المنحة .. وكان رد فعلي مائل الى الحزن اكتر منه الى الفرح
كنت اتمنى عدم قبولي وبالتالي اراحتي من الحاجة الى اتخاذ قرار .. وهذا ما لم يحدث
وكسنة الحياة ..كمان خلال هادي الفترة اتعرض عليا عدة عروض للزواج "التقليدي" لم يصل اي منها لمرحلة القبول سواء من طرفي او من الطرف التاني
باختصار .. كانت فترة حلزونية لولبية بهلوانية اتشقلبت فيها ألف مرة .. حالتي النفسية طلعت ونزلت مليون مرة وهادا شي طبيعي بحكم طبيعتي المزاجية اصلا بالاضافة للظروف المتغيرة واحساس عدم الاستقرار
الآن فيه سؤال محدد ومعايا 24 ساعة للإجابة عليه
انا عايزة اسافر ولا مش عايزة اسافر ؟؟؟
عايزة اكمل دكتوراه ولا مش عايزة اكمل دكتوراه ؟؟
هو بالاساس السؤال .. اسمع كلام العقل والمنطق ولا المشاعير والاحاسِس؟
المنطق بيقول: فرصة قد لا تعوض .. استكمال لا بد منه للمسار الاكاديمي .. حلم حياة والدي .. مجال احبه .. مكسب للبنات في مجال الحاسوب .. تحقيق هدف شخصي لاثبات نجاحي امام كل المشككين
أما العاطفة بتقول: تدمير اي فرصة لحياة اجتماعية .. مدة طويلة جدا يادوب قدرت استحمل نصها المرة الي فاتت .. ترك فراغ "مرة تانية" في البيت .. عدم استقرار وتعب نفسي في الغربة وهو شي طبيعي لأي سنجل متغرب شابا كان ام فتاء
طب اسمع كلام مييييين ؟؟؟؟
انا شخصيا مش عااااااارفة لحتى الآن بكرة ايش رح اقرر
صليت استخارة واستشرت اصحاب الرأي واستفتيت قلبي ولعبت لعبة البلاس والماينس وكمان شوية هاعمل كولو بااامية
ومع ذلك .. انا عندي شعرة .. ساعة تروح وساعة تيجي
لسه قبل شوية كنت قاعدة في المكتب وبفكر .. دخل علينا راجل غلبان وبيسأل على واحد من المهندسين .. ما لاقاش حدا فا مشي .. وهو ماشي قعد يدعيلنا "الله يعطيكم الي بدكم اياه واللي في بالكم" بيني وبينكم انا ازبهليت .. مش بالعادة يعني .. الدعوة فرّحتني .. بس انا مش عارفة الي في بالي اصلا !!
عنجد شكلي هاعمل قرعة في الآخر
بس اختار ملك ولا كتابة ؟؟
تحــــديـــث : اخترت التنازل عن المنحة والبقاء في غزة .. احساسي الداخلي: حالة خرافية من السعادة والتفاؤل ولعله خير :)
عن صعوبة اتخاذ القرارات .. ملك ولا كتابة ؟؟؟
![عن صعوبة اتخاذ القرارات .. ملك ولا كتابة ؟؟؟]()
تمت مراجعته من قبل علا من غزة
في
مارس 15, 2010
تقييم:
You can't bear to stay away from ur family more than 4 year, so stay in ur country and get married to the one you love whenever he comes.
ردحذفالأمر بالفعل محير, لكن في ظل الموازنة المكتوبة التي قرأتها أظن أنك ستصلي لنتيجة جيدة بإذن الله.
ردحذفذكرت أنه عرض عليك فرصة للعمل بهيئة غير حكومية تختص بالإعمار, وأن مجال عملها لا يتعلق بطبيعة دراستك, وأن المنحة المقدمة لك للدراسة قيمة, وستعطيك دفعة قوية للأمام وإفادة, كذلك فأنت فتاة ويجب يوما أن تتزوجي.
إذن فأنت أمام اختيارين كلاهما يتطلب تضحية, لذا ففكري في آلية تجعل تضحيتك في حدود, وتجعل من تضحيتك, وادخارك استثمارًا للمستقبل.
أحب أن أؤكد على أمر هام, أن المرأة في أمتنا مطالبة كالرجل في الحفاظ على الأمة, والدفاع عنها, ودفع عجلة تقدمها, وإن كان هناك مكان تشغله امرأة سيفيد الأمة, ويعلي من شأنها, وهي الوحيدة القادرة على استغلاله فواجب عليها ذلك, مع مراعاة الضوابط الشرعية لكونها امرأة.
ثم, أرى أنك يجب أن تجيبي على بعض الأسئلة:
- هل عملك في الإعمار لا يمكن الاستغناء عنك فيه, ولا يمكن أن يقوم به غيرك ؟
- جهود الإعمار بحاجة إلى كل فلسطيني, بل إلى كل صاحب قلب, لكن ماذا بعد الإعمار ؟ التنمية وتطوير التعليم والبنية الأساسية, ماذا عنهم ؟
- إن سافرت لإكمال دراستك, ما خطتك بعد ذلك ؟ هل العودة والتدريس في بلادك أم الإقامة هناك ؟
- هل تخصصك نافع لأمتك, نافع لدولتك, لا يمكن أن يعوض ؟
- هل باستطاعتك العيش هناك لمدة أربع سنوات دون أن يؤثر ذلك على نفسيتك, وبالتالي يؤثر على هدفك من الدراسة هناك ؟
- ألا يمكن التوفيق بين موضوع الزواج والسفر بحيث تجمعي بينهما ؟
وأخيرًا.. استشيري من هم أكبر منك سنًا, وأكثر خبرة ودراية بواقع الحياة, ثم استخيري الله, وعليك بالدعاء كثيرًا, وتوكلي على الله, ولا تحزني, فقد أخرجك مما هو أصعب من ذلك من قبل.
أعانك الله ويسر لك الخير :)
كيفك يا علا ,, ان شاء الله تكوني بخير قبل كل شي
ردحذفوبتمنالك التوفيق ,,,
انا راي يا علا بكفي دراسة ,, صحيح انتي انسانة مشاء الله عليكي وحرام يضيع عليكي منحة زي هيك .. بس بنفس الوقت كل صحباتك تجوزوا واغلبهم كمان ربنا رزقهم بالطفل الي بتحلم في اي بنت ...واكيد انتي نفسك بشي زي هيك
شو راي تستني صاحب النصيب شوي وتشوفي إذا راح يجي ولا ما راح يجي ؟؟ (طبعا يا علا راح يكون جواز تقليدي) ما تنسي انك سبتي البلد واغلب الناس الي كانوا معجبين فيكي اخدوا نصيبهم او صرفوا نظر عنك بعد ما سافرتي ...
استني النصيب بس ما تستني كتير ... وشوفي متي اخر موعد لإلتحاقك بالمنحة , إذا لقيتي لسا ربنا مش رايد وقتها بكون ربنا رايدلك ترجعي تكملي دراستك.
اما بخصوص انوا والدك حابب هد الشي (كل اب بحب انوا ابنوا يكون احسن واحد بالدنيا ويكون احسن منوا كمان) فلو انتي راح تمشي مع هالغريزة هيكون لسا قدامك دكتوراه وبروفسير ....
بعتقادي انك بدك تصيري ام وانتي بتقاومي موضوع الدراسة بس مش لاقية اشي بالمقابل تقنعي حالك فيه ...
اما موضوع الشغل ,,, انسي موضوع انك تشتغلي بمجال غير مجالك حتي لو كان راتب مغري ,, والله راح تندمي بعد هيك ومش راح تبدعي ابعد (او بالنسبالك راح تبدعي بس مش مثل ما تشتغلي بمجالك)
هد راي الشخصي وربنا يوفقك
pray istikara prayer so many times, not just once or twice, take your decision and be assured that Allah will only bring all that is best for you
ردحذفالسلام عليكم
ردحذفكيفك علا؟ ان شاء الله تمام
والله يا علا موضوعك بهالفتره فعلا معقد في هالبلد اللي كلها ماشية غلط
علا سيبك من استكمال الدراسة مالك مستعجله كل هادا، كان ظليتي هناك وخلاص، بعدين لسه ما عشتي الجو العظيم عالاخر في البلد!!!، اصبري وشوفي شو بيصير.
علا بدي احكيها بصراحه بالنسبة للدكتوراه العمر قدامك بس اجتماعيا طبعا كلو "بإرادة الله" بس برضو اعقلها وتوكل وكلو بالنهاية مقدر ومكتوب ورزق للانسان.
ملاحظة عالهامش: ليش فكرك في حدا ضايل بيشتغل بمجالو في غزة ؟؟!!
منيح ازا بيلاقي يشتغل بمجالو شهرين ورا بعض
الله يكون في عوننا جميعا
تحياتي :)
I don't know u at all, but I've read some of ur posts before, and I realy like u.
ردحذفI'm an Egyptian wife, no kids yet, studying for master's.
I want to say some points, may this help u in any way:
One question in all these answers really interested me, what u r doing in Gaza, can anyone replace u in it? And that scholarship, can anyone replace u in it?? U should really think about that. U r in all cases thinking about what's best for ur country. I think that having a scholarship for PhD is something no one else could do, it's not an easy opportunity
After finishing ur PhD, u can go back and contribute to ur country in what ever way u could do, but if u stayed now, U can't have that scholarship again.
It's a matter of 4 years. I know that must be too hard away from ur family and all, but who says that life won't be hard any where? Isn't it too hard in Gaza too?
About marriage, it's "Naseeb" after all. Who knows, my be u'll meet a good person to marry while doing ur Phd. Or the contrary, may be u stay for years and u don't get married still. I don't think u should take ur decision based on that.
Finlly, It's really a tough decision. Rabena ma3aky. PLZ tell us what will u do??
Mahy Osman
مساء الخير اختى العزيزه
ردحذفمن الرائع مشاركتك لمتابعى تدوناتك بما يدور فى بالك
انا ارى انك بأكمالك دراستك ستكونين اكثر فائده لوطنك
مكانك الان يستطيع وطنك ان يحتمل فراغه كما يحتمل فراغ اى شهيد
فأعتبرى نفسك شهيدة العلم من اجل وطنك
فما ستحصلينه من علم فى المرحله القادمه ستكونين اكثر افاده به لوطنك
دمتى بكل خير
مرحباعلا
ردحذفعنجدقرارصعب.ما بعرف دايما لما امشى ور احساسى الداخلى انا بكون صح والله الغربة مرة
خلى الامور تمشى لحالها واللى مكتوب بدو يصير وان شاءالله بتعملى بيت واولاد لان بصراحةاستقرار وحياة تانية
بحفظ الله
علا عدنان
اللهم اقدر لكي الخير حيث كان ...
ردحذفالسلام عليكم
ردحذفالأخت الفاضلة علا ..
كان الله في عونك على التفكير الصعب ، لكن نصيحتي لك أن تكوني حازمة وصارمة مع نفسك و بدون تردد لأنه لو ترددت كما تصيفين نفسك فستكون حياتك جحيم ولن تنامي لا ليل ولا نهار بل ستبقي في تشتت دائم ،أما بخصوص موضوعك فيجب أن تتذكري أنك بنت من غزة من مجتمع محافظ و لديه قيم عالية و في نفس الوقت قلما يتقبل الناس أن تكون البنت مهندسة أو طبيبة الخ وليست متزوجة !! فالمشروع الأول لكل فتاة هو الزواج و من ثم الدراسة العليا مع العلم أنه لا يوجد تعارض في إكمال الدراسة و الزواج فالدراسة ليست كل شيء بالنسبة للفتيات .. بل الزواج هو الهم الأكبر لكل فتاة .. ولعلك اخترت الخيار الأفضل بالبقاء في غزة لبناء مشروع الحياة الذي لا ينتظر أحد لكن الدكتوراه تنتظرك سنين وسنين ..
على الهامش في بداية شبابي كنت معارضاً للزواج المبكر لكن قدر الله لي أن أتزوج في الثامنة عشر من عمري وكنت في الفصل الأول في الجامعة و زوجتي في بداية الدارسة الثانوية وأكملت تعليمي بشكل جيد أما بخصوص الزوجة فكانت موفقة أكثر و أكملت دراستها بمعدل ممتاز و الآن في المرحلة النهائية للماجستير ، مع العلم أنه لدينا ولدين و بنتين و الباقي في الطريق ..
أسأل الله أن يكون قرارك موفقاً و أظنه كذلك ..
Hamadaps
مرحبا علا
ردحذفانا حطيت شخصيتي مجهول بس انا عارف انه بذكائك راح تعرفي مين انا
انتي بنت عسولة وزي القمر وعندك مخ بوزع على بلد
وطالما قررتي تكملي فالله معك ويوفقك وبالنسة للزواج انشالله ربنا ينولك الي في بالك لانك بجد رائعة وانا بالخدمة باي شي بتحتاجيه حتى بالموقع
اعتقد عرفتي
سلامي الك وللدكتور
طالما انك قررتي انك تفضلي معقول ولا عرض من عروض الزواج الي اجوكي عجبك واذا ما عجبوكي انشاء الله الي جايين بعجبوكي
ردحذفما عرفنا وين وصلتي بالتفكير ؟؟
ردحذفبحرنا أحلى....
ردحذفالسلام عليكم ورحمة الله وبركاته،،،
ردحذفإن شاء الله قرارك صحيح ، وبإذنه يكون سبب خير وبركة وسعاده لكِ.
لو كان القرار يخصني لفضلت البقاء في بلدي وبين أهلي وأحبائي.
التعليم شيئ ضروري وهي فطرة في البشر ومقوم للحياة ، ولكن لن أجعها سبب لتعاستي في المستقبل إن كنت أعلم أنني سأتقدم في العمر وأخسر أجمل وأفضل فتره في حياتي وهي الشباب والصحه.
رائع جداً أن يفرح أبي وأهلي ويقولوا عندنا دكتور أو دكتوره في البيت ،الكل يتمنى الحصول على هذا المؤهل علمي الرفيع ، ولكن في منطقتنا العربية لا أعتقد أنها ستفيدنا كثيراً نظراً للظروف الراهنة خاصةً في مجال الحاسب الألي أما في المجالات الأخرى فرأيي العكس تماماً مع مراعات الفقرة السابقة" هذا رأي وإعتقادي الخاص ".
الله يرزقك عريس ينسيكي كل الهموم, وتقولي الحمد لله على هيك نعمه.
تمنياتي لكي بالسعاده الدائمة ،،، أخوكي أحمد
العزيزة علا
ردحذفجاء التعليق متأخرأ، و السبب تأخر معرفتي بك
ما دمتي قد إخترتي البقاء في الوطن الأم على مواصلة مشوار طويل، فإنني على يقين أن الوطن لن يخذلك إطلاقاً. أنت إنسانة واضحة و واضئة و لا نشعر بالخوف عليكي إطلاقاً، أمامك الحياة واسعة الأبواب، و نصيبك الجميل يبحث عنك في كل مكان و يسأل عنك بكل حرارة، صحيح أنه لم يعثر عليكي بعد لكنه حتماً سيجد طريقه لكي سريعاً. يقولون متى هو ؟ قل عسى أن يكون قريباً.