حدا منكم بيآمن بموضوع تناسخ الأرواح ؟؟
او مثلا عمرك قابلت انسان وحكيت معه .. وحسيت انك بتكلم حالك! انو الي واقف قدامك هادا هو .. انت ؟!
بصراحة انا حسيت هادا الشعور مع اكتر من حدا .. وفي عدة مواقف من حياتي كنت محظوظة واتقابلت مع اصدقاء حقيقيين .. كنت ما بحتاج اني احكي عشان يفهموني .. لأنو مخهم -يا سبحان الله- زي مخي بالزبط
هديل من الناس الي اكيد اكيد في حياة سابقة كنا توأم .. او حتى بني آدم واحد وعاود انفصل لسبب او لآخر
التشابه بيننا مش بس من الناحية المهنية - بتفصل بيننا سنة دراسية وحدة, لكن اتخرجنا من نفس الكلية , نفس التخصص , احنا التنتين كنا اوائل دفعاتنا (مش قلال بالبلد احنا هع) . وبعدين اشتغلنا معيدات بالكلية , وكل وحدة طلعت لها منحة ماجستير, كل وحدة اتبهدلت واستنت كتير قبل ما تعرف تسافر وتطلع من غزة, وقضينا سنتين كل واحدة في بلد غريب وطلعت عينينا لما ربنا كرمنا بالنجاح ورجعنا بالشهادة
مش بس هيك ! التشابه بيننا حتى في تفاصيل صغيرة.. بالشكل مبدئيا.. و بالروح وطريقة التفكير كمان
في الجامعة ما كان بيننا علاقة اكتر من زمالة وتبادل خبرات ونميمة عن الدراسة وما يخصها .. وبعد الجامعة الحياة اخدت كل حد بطريق .. لكن ادراكنا لحالة التوأمة الي بينا اتأخرت الى بعد ما الفيسبوك جمّعنا مرة تانية
بدأت الاحظ من خلال الستيتس والتعليقات انو فيه توارد في الافكار .. وبعدين من خلال النوتات الي كانت بتتركها احيانا .. عن هواجس الغربة .. وتقلبات المشاعر تحت المطر .. وتأرجح الحالة النفسية ما بين السعادة والاكتئاب عشرات المرات في اليوم الواحد .. انو فيه حالة غريبة من التشابه بيناتنا
يمكن لأنو كل واحدة كانت بتعيش في ظروف متشابهة .. فا هادا نتج عنه مشاعر متشابهة .. لكن عندي درجة من اليقين انو الموضوع اكبر من هيك بيني وبين هديل!
مؤخرا .. تم قبول هديل لمنحة دكتوراه في الولايات المتحدة .. واكاد ازعم انها مرت بنفس الحالة البهلوانية الي مريت فيها من عدة شهور عشان توصل للقرار المناسب .. لكنها كانت اجدع مني وقررت اكمال دراستها في امريكا :)
هديل بردو قررت انها تبدأ مدونتها الجديدة .. وانها تنطلق من عالم الفيسبوك الى عالم التدوين .. واعتقد انو اللعبة هادي رح تستهويها وانها رح تبدع فيها اكتر بكتير من ما اي حد بقدر يتخيل!
أقدم لكم أيها السيدات والسادة
صَـداقـة تـوْأميّـــة
تمت مراجعته من قبل علا من غزة
في
سبتمبر 18, 2010
تقييم:
تمت مراجعته من قبل علا من غزة
في
سبتمبر 18, 2010
تقييم:
حلو الكلام و خصوصا انو الله وفقك و بتلاقي منهم الناس هادي...لو كنا بفلم هندي كان بنطلعوا خوات باخر الفلم...مبروك !
ردحذفيااااااه يا علا !
ردحذفكان نهاري طويل و متعب متعب متعب ..
و لما شفت كلماتك كل شي سَكَت جواتي و ما عاد في صوت الا لدقات قلب بحسك قريبة منه لانك شبهي و شبهه .. لأ لأ ازدي لانك احنا.. و يمكن ما في سبب للبكا بس اوت اوف كونترول :)
مع انه الدنيا فارياني و مطلعة عيوني بالقرارات المصيرية اللي لازم اخدها و صارلها تواجد مزعج بحياتي .. ورا بعض ورا بعض .. بحس ربنا بحبني لانه بعتلي ياكي توأم يا علا تفهمي علي و تحسي باللي مو قادرة اوصفه من توتر و قلق و احلام خايفة عليها و ما بحكيها الا مع "أنا" .. لانه غيرنا ما رح يفهم ولا "يحس" ..
انتي عارفة في بدايات اكتشافي الك كان في الك مدونة عن اغراضك الزرقا ضحكت يومها و قلت "مش طبيعي" كانك أنا و قلت لو اصورلها غراضي مش حتصدق .. و لما كنتي تحكي عن الشغلات اللي تحسيها رسائل و اشارات قلت و بعدين عااااااااد في المش طبيعي هاد .. و لما مريت بالمرحلة البهلوانية اياها اه تشقلبت شقاليب هدتني زيك تمام .. بالله طبيعي ؟
بس برغم من علامات الاستفهام و التعجب و نقط و فواصل الفرح و الأمل المتطابقة اللي كانت عندي و عندك قرارنا كان "غير" ! انتي بتقولي انا اجدع و كملت بس انا بقلك انا في قمة ضعفي و الله و قلبي واجعني .. بس يمكن هاد اللي بقوله عليه "ساعة القدر يعمى البصر" !
يمكن ما اكتشفتنا أروقة الأزهر بس الحمد لله اللي رزقنا add as a friend :)
كوني انت دوما بجمالك من جوا و من برا ;)
(( الأرواح جنود مجندة فما تعارف منها ائتلف و ما تناكر منها اختلف ))
ردحذفابو الشريف
ردحذفالله يبارك فيك هههههه هو فيلم هندي فعلا
وبعدين وين هالغيبة من زماااااان ما تركتلي تعليق :p
هديل
برجعلك كمان شوية :p
Medoos
مممم عجبني المثل .. كأني اول مرة بسمعه .. بس لطيف ..
هديل
ردحذفانا بحبها كتير تدوينة الاشياء الزرقا :)) انا فاكرة انو هاداك اليوم اصلا كنت قاعدة بقرأ اشي وفجأتن ألحت عليا فكرة انو اقوم اصور اغراضي واكتب عنهم ... زي ما ألحّت على راسي فكرة انو اكتب هادي التدوينة الساعة 5 الصبح هههههههههههههههههههه
كانت روحك تناديني عشان اكتب اشي يرفع معنوياتك
- بالغت شوية اظن :p-
بس تصدقي .. انا كنت حاسة انك رح تاخدي هادا القرار .. بالرغم من كل المعطيات المتشابهة .. يمكن لأنو حتة صغيرة مني هااااااالقد صغيرة كانت حابة تكمل وتشوف المغامرة لوين رح توصل فيها .. بس والله حاسة فيكي وبدعيلك كل كل يوم انو يهون عليكي وبس يجيبلك الي فيه الخير ها !! يا بنتي انا صرت كمان متفائلة انو ربنا هايسهلها معك وانو رح يصير معك هاداك الاشي عشان يصيرلي انا كمان :p
انا بقول نكمل عالمسنجر وبكفي فضايح :p
الله يخليكي اياكي يا هديل ويفرح قلبك وبالك يارب
:D
كل التحية لأستاذة الداتا بيز و أستاذة الجافا .. D:
ردحذفموفقين ان شاء الله :)
أهلا باوائل الدفعات مبروك التخرج باشمهندس أدهم (ولادنا كبروا يا علا ههههه)و عقبال عندك تصير معيد(لو حابب يعني)و نسمع عنك اخبار طيبة ان شاء الله :)
ردحذفخارج النص:: علا انتي شو بتشتغلي؟
ردحذفسؤال وجيه
ردحذفطب مين الي بيسأل عشان اعرف اجاوب؟
رائع..!
ردحذفيا ريت كل واحد يلاقي حدا هيك مثله، حتى أقل ما فيها يكتم أسراره..!
موفقة ودوم تلاقي حدا يخفف عنك..!
شكرا يا عم مقلوبة :)
ردحذفعنجد هادي نعمة من ربنا
نَعم يَوجد كَذلِك ،،،ولكِن أرىَ بأن هُنَاك تؤامةَ تأتيِ كُلما طَال بِنَا الزَمن ونَحنُ نَعيش معَ شَخصِ مُعيِن أقصِد " التَعود " ،،، وهُنَاك أُخرىَ وهيِ الأجمل ،،، التيِ تَنتُج عَن تَناسُق وتَناغُم كَبير وفَريِد فيِ الفِكر ،،، والقُدرةَ على قِراءةَ صَديِقك كأنهُ كِتابُ مَفتوح ،،، وعِندما يَتعرض لمًشكِلةَ تَجد نَفسكَ تَملك الحَل ،،، لأنكَ تَعلم مَا يُريحه ويُخَفف عَنه ،،، ولأنَك بِبساطةَ ترىَ فيِه نَفسكَ ،،، فَيُصبِحُ سَهلاًَ عليِك الوصَول إلى الحَل المُريِح ،،، أتمنىَ أن تَستَمر هَذهِ التؤامةَ مَا إمتد بِكُما الزَمن ،،،
ردحذفعلى فكرة أنا اللي سألت هادا السؤال
ردحذف" خارج النص:: علا انتي شو بتشتغلي؟
"
بس من الكسل ما كتبت اسمي
مهند
ردحذفصحيح .. هذه هي الحالة التي توجد بيننا بالضبط .. تجد ان كلانا نفكر في المشاكل وحلولها بنفس الطريقة .. ويزيد من ذلك مرورنا بالعديد من التجارب المتشابهة والتي جعلت لدينا طريقة متشابهة جدا للنظر للامور المختلفة
اتمنى من كل قلبي ان تستمر :)
اماني
اهلا وسهلا .. بس للاسف مش هاعرف اجاوب سؤالك حاليا .. اول اشي لانو جواب يطول شرحه وتاني اشي لأني بمر بحالة عدم استقرار "في هادي اللحظة بالتحديد" .. ممكن تحاولي كمان .. شهر مثلا ممكن ساعتها يكون عندي جواب .. بس شكرا على اهتمامك طبعا :)
بسم الله وبعد
ردحذفأشكرك أختي في الله ( عُلا ) على هذه الكلمات الرائعة ، هذا الكلام الرائع يحصل معي وزوجتي مع أننا كل واحد من بلد ولا يوجد أي قرابة بيننا ولكن بفضل الله تعالى نتشابه بكل شيء بالتفكير والتصرفات ووووو ، ولم يرانا أحد من الناس إن كان قريبا أو غريبا إلا وسألنا السؤال المعهود : إنتو بتشبهوا بعض ، هل إنتو إخوان ؟ يا للهول ألهذا الحد ؟ ما شاء الله ، أشياء كثيرة نتشابه بها ولكن لا أريد أن أطيل
وفقك الله أختنا لما يحب وويرضى وبارك الله فيك وجزاك الله خيرا
أخوك في الله \ أبو مجاهد الرنتيسي
هنيأ لكم توأمة الحياة
ردحذفأدام الله صداقتكم
نحبكم هكذا يا اهل غزة
بإبتسامتكم العريضة التي تحطم الألم
فأنتم عمق أمتنا
و نحن خواء في مهب الريح
بثباتكم وتفاؤلكم سكنت هيافتنا
سكنت لنراجع النفس
من نحن؟
أمنا هم أم نحن منهم؟
أم هم نحن و نحن هم؟
أنتم وهج الحق الذي أذاب الجليد
و ان لم يستبصر ذلك إلا اصحاب البصائر النيرة
فهذا لعظم منزلتكم وقدركم
فلا حاجة لكم بالعمي
فهم كما قيل( لا يسمن ولا يغني من جوع)
لك مني باقة عبيرها التفاؤل و اليقين
التؤامة بين شخصين هي مفهوم قديم حديث ، فقط المميزون تمنح لهم هذه الصفة الغامضة ، ويمكن أن تدرج تحت مسميات عدة ، عموما ، الله لا يفرق بينكم يا رب ، وأود أن اهنئك على المدونة الرائعة
ردحذفالله يخليكم لبعض
ردحذفعنجد .. من القلب
:)
أبو مجاهد الرنتيسي
ردحذفأشكرك على الزيارة والتعليق -أولا- وأدام الله عليكما هذه التوأمة -ثانيا- انه كنز ثمين جدا جدا ولا يحصل عليه الكثيرون
غريب
كل احترام على كلماتك الحماسية العميقة ,, ما نحن وانتم الا بشر, فينا وفيكم الخير ما دامت الدنيا قائمة ..
امتياز النحال
اول اشي اهلا فيكي مدونة جديدة ,, وبتمنالك كل التميز والابداع
تاني اشي .. عجبني تعبير "الصفة الغامضة" يارب يديم الصداقة لأنها نعمة كبيرة من ربنا
متشرد
تسلم يا محمود .. آمين يارب
تحياتي إلك يا علا...
ردحذفانا من المتابعين للمدونات حديثاً كنت زمان لكن سرعان ما رجعت لأقرأ واتابع عن كثب.
اطلعت على تقرير مكتوب اليوم في موقع إيلاف وذكروا مجموعة من الاصدقاء الغزازوة اللى إلهم باع في عالم التدوين وكان من بينهم شخصيتك الكريمة.
فحبيت أعلق ولو لمرة على كتابتك.
بصراحة قضية التؤأمة بتصيييييير لكن مش بشكل دايم...التؤأمة مش بس بالتصرفات والسلوكيات ولكن أيضا بالتناغم بالحياة وبالخوف على بعض.
تشابه السلوك والافكار لا يعنى التؤأمة طالما انو لا يوجد اختلاط متواصل بين الشخصين المتتأوم عليهما :p
تحياتي إلك
مخزوق
هادا اسمي من كتر ما بنشوووف في بلدنا
اسمك صعب
ردحذفعالم المدونات في غزة صار كبير والحمد لله ..
التوأمة هادي نعمة من الله .. وبتصير كتير مع الناس الي بتمر في ظروف مشابهة لظروفك
تحياتي :)
هادا اكتشاف جديد :p
ردحذفبمزح طبعا .. سمعت ناس بتقول الارواح تتحابب فتكلم بعضها بعضا
الحاسة الاغرب كمان من هيك اني مرات بحلم بشي بلاقيه بعد مدة حدث معي فما بعرف نفسي انا بحلم ولا بحقيقة
في ناس بتستغرب من الاشياء اللي بتحصل لكن هادا اللى بيصير !!!
انت هيك بتحكي عن فيلم Inception
ردحذف:D
بس لأ هادا الي بتحكي عليه قصة الاحلام ... اسمها قانون الجذب وهو اشي موجود ومثبت علميا اصلا :D بمزحش
كل واحد فينا مكتوب نصيبو بحضن قلبو مش بإيدو عايشين وفينا جرح السنين ودمع الحنين والغربه تزيده
ردحذف:) الف مبروك ... اعتقد ما كان بالكلية غير هديل وحدة بس ما بعرف لو كانت هيا ولا لاء ..:)
ردحذف