روحي عليها طُـن غبرة


وكأنو الناس في غزة ما بستحقو الا التراب

ملاقية صعوبة في تذكر امتى كان الجو سئ لهادي الدرجة بغزة ..

فصل الشتا الكئيب والي ما بحبه اساسا .. زاد من جرعة كآبته بانحباس المطر .. والزوابع الرملية .. ونقص الاكسجين الي بخنق الروح قبل النفَس

سبحان الله يعني الاسكندرية وبيروت -جيران البحر المتوسط- قربوا يغرقوا .. وغزة نط عنها المطر وقربت تتحول لصحرا

كتير أحداث كئيبة صارت في غزة في الفترة الي فاتت .. منها منع واغلاق وتأجيل العديد من الفعاليات الثقافية والمدنية .. واعتقال نشطاء مدنيين وصحفيين بدوافع غير مقنعة

وكأن البطالة وانعدام الفرص والتوهان السياسي والاجتماعي وقلة المطر ليست كافية لزيادة جرعة النكد

احاول ان ابقى على الحياد في الامور العامة

واحاول ان ابقى متفائلة في الامور الخاصة

وما بين المحاولات انجح احيانا وافشل احيانا اخرى

محتاجة اكون اقوى .. عشان اقدر استمر بالمحاولة ..

لأنو الليل باينه لسه طويل


روحي عليها طُـن غبرة روحي عليها طُـن غبرة تمت مراجعته من قبل علا من غزة في ديسمبر 12, 2010 تقييم: 5

هناك 8 تعليقات:

  1. أول إشي بحييكي على شجاعتك...
    و الجملة اللي حكيتيها قد ما هي تقيلة قد ما هي حقيقية : "وكأنو الناس في غزة ما بستحقو الا التراب"

    يمكن عشان المتوقع منا أكتر العقاب بكون أكبر لما نكون ضايعين بظلمنا...

    و عن الاكتئاب...لما تحسي إنو ما ضل مكان...سيبيكي من "الأشياء اللي شكلها دنيا" و روحي عند الله...ما بضيع إشي هناك و ما فيه الا السكينة و الطمئنينة

    أس ساي إت أغين " الله يحميكي"

    ردحذف
  2. الجو صعب كثير يا علا عندنا في غزة، بس الحمد لله على كل شيء وع فكرة اليوم سمعت نكتة طازة سمعتها من اختي اللي في امريكا
    بتقولي فيها :
    انه المطر اجى فوق غزة
    لاقى غزة كلها رايات خضرة خضرة
    قال هاد البلد موش محتاجه مطر كلها خضرة ومشى عنها
    مشى المطر شوى لاقى غزة فيها رايات حمرة ، قال شو هالبلد الكافرة ( العهدة ع الراوي ومالناش دعوة بس النكتة هيك )وقال حد الله ما بنزل فيها ، مشي المطر ووصل الضفة لاقى فيها رايات صفرة صفرة ، قال شو هالبلد الغلبان كله اصفر في اصفر بلون الصحرا ، قال انزل يا واد يا مطر وراح المطر نازل ، نكتة غريبة مش عارفة اذا كانت مضحكة ام مبكية ، المهم بظل نكتة
    وان شاء الله ربنا راح يخلف الظنون وينزل المطر يا علا ، ما تقلقيش ، بعد الريح اكيد في مطر ...

    ردحذف
  3. الله يبعد الاكتئاب عن الجميع
    ضلّك متفائلة و طبقي الدرر اللي حكاها ابو الشريف
    " روحي عند الله...ما بضيع إشي هناك و ما فيه الا السكينة و الطمئنينة"

    ربنا يفرجها

    ردحذف
  4. ان شاء الله ينوبكم من سيول المطر جانب :)

    ردحذف
  5. ان شاء الله ربنا يفرج عنك الهم
    أنت وكل أهل غزة وفلسطين
    واحنا في مصر كمان
    لكن أتفق معك , الليل باينه لسه طويل

    ردحذف
  6. احلى شي بالموضوع انو واقعي لابعد الحدود
    كلامك صح وسدقي حاسة انو الله غضبان علينا كلنا
    او عم يختبرنا وان شاء الله يكون اختبار ونتحمل
    حبيبتي علا مافينا غير نصلح انفسنا اولا لحتى الناس تتعظ
    ويارب نكون عند حسن الظن دايما ,, لانو ظننا بالله احسن من حسن والحمدلله ,,
    بإذن الله بتكون مجرد فترة وتمرء
    إن الله مع الصابرين إذا صبروا. ياااارب

    ردحذف
  7. ابو الشريف
    رح اعمل بنصيحتك حاضر .. بعرف وجربت حنية ربنا في كل ازمة مرت بحياتي قبل هيك .. ثانكس ألوت

    امتياز
    هههههههه دمو خفيف عالاخر الي ألّف النكتة ..
    صح مطرت بعد هالتراب .. بس مش كتير .. زي ما يكون حدا فتح الحنفية عشان يغسل الغبرة وبعدين سكّرها من المصدر :D خسارة فينا المطر انا عارفة

    ويسبر
    شوفي هو هادا عيب برج الحوت بالتقلب المزاجي تبعو .. اكتئابي دايما بيجي فجأة وبيروح فجأة .. بس اكيد نصيحة ابو الشريف بحاول امشي عليها
    وربنا يفرجها على الكل :)

    مهندس مصري
    عنا مثل فلسطيني او تساؤل : هو يعني يا طخو يا اكسر مخو؟ يعني هو مفش حل وسط يا اما صحرا يا اما سيول ؟؟ وين المطر العادي تبع زمان ؟ :D

    ماهي عثمان
    آمين يارب
    وانتو كمان ان شالله الفجر بييجي لأنو تعبنا من العتمة

    نور محمد
    شكرا كتير على تعليقك .. ربنا يعطينا الصبر ونكون على قد الاختبار .. والفرج لازم يجي حتى لو بعد حين

    ردحذف
  8. مشكور على المدونه الجميله والمقالات الرائعه

    بالتوفيق

    ردحذف