بدايتي مع التدوين .. سنة 1993


بدأت التدوين من سبتمبر 2006 حينما قرأت مقالا.. بدايتي الحقيقية مع التدوين كانت عام 1993 .. عندما كنت أكتب في دفتر مذكراتي ذو الغلاف الجلدي .. عن ما يدور في ذهني الصغير وعن ما يحدث معي من احداث ومواقف ..عن اصدقائي في مدرسة الاورمان في القاهرة.. وعن اول حوار اجريته مع والدي بعد رجوعه من رحلة جيولوجية في البحر الاحمر ..


عندما تصفحت الدفتر لاعداد هذه التدوينة , وجدت ان اخر يومياتي كانت عندما كتبت عن حفلة التزلج على الجليد التي ذهبت لحضورها مع اسرتي بدار الاوبرا المصرية .. وعن فيلم صعيدي في الجامعة الامريكية عندما شاهدته في سينما فاتن حمامة في اغسطس 1998



مدونة "من غزة" -الي بدأت الكتابة فيها عام 2006- كانت بمثابة امتداد وتطور طبيعي لرغبة هاديك البنت الطفلة الصغيرة في تسجيل مشاعرها وافكارها للذكرى الشخصية بالدرجة الأولى .. بالضبط كما في دفتر المذكرات .. ثم منحها التدوين بعض المميزات الذهبية تتلخص في كلمتين: المشاركة مع الآخرين

---------

اول ما بدأت أدون .. كان فيه عندي شغف وحب اكتشاف لهادا العالم الغريب .. كنت بستمتع جدا بقراءة المدونات الشخصية وافرح جدا لما ألاقي مدونات بتحكي بصوت بشبه صوتي .. كوّنت روابط في عالم صادق وغير متكلّف , مبدع ,, مفش فيه "قص ولصق" .. واسع كتير ما بيعترف بالحدود .. اشياء ما لقيتها في وسائل تانية كنت بتعامل معها قبل التدوين

---------

عندما ارجع بذاكرتي 4 سنوات لورا .. بكتشف ان المدونة كانت الثابت الوحيد في حياتي طول هادي الفترة, كل شي من المهنة, لمكان المعيشة, الوضع السياسي ..غزة, حتى دائرة الأصدقاء..كل هادول اتغيرو بمرور الوقت .. والمدونة كانت موجودة في جميع الاحوال..!

بالكتابة والتدوين , يتقلص الحزن , وتتضاعف السعادة

كيف كان ممكن اتجاوز احباط منعي من السفر بدون المدونة, او حزني لوفاة اخويا وانا بعيدة عن اهلي من غير مواساة قراء المدونة, او اسجل ذكرياتي عن ايامي في الجامعة  .. وغيرها كتير مواقف واراء ومحاولات ابداعية تعبر عن "علا" كما هي من الداخل وكما تريد ان تكون

---------
اليوم بعتبر انه وجود المدونة بحياتي هو اشي مفروغ منه, وبتزيد مع كل تدوينة رغبتي في تحويلها لاشي اكبر واحلى.. مش مهم كيف كانت زمان وكيف صارت اليوم .. المهم انها لسه موجودة وبتكبر زيي .. ويمكن هي الي بتساعدني عشان اكبر :)


هادي التدوينة انكتبت كجزء من صفحة Good Old Blogging Days على الفيسبوك

بدايتي مع التدوين .. سنة 1993 بدايتي مع التدوين .. سنة 1993 تمت مراجعته من قبل علا من غزة في ديسمبر 22, 2010 تقييم: 5

هناك 14 تعليقًا:

  1. الظاهر كده يا علا ان كلنا لقينا فى التدوين صدق ومتنفس مكنش ممكن نلاقيه من غيره...
    بجد بشكرك على المشاركة...تدوينة صادقة وجميلة...
    تحياتى..

    (ملحوظة: كنتى كاتبة ايه عن صعيدى فى الجامعة الامريكية؟؟ :) )

    ردحذف
  2. فعلا مرينا بظروف كتيرة والتدوين ساعدنا...

    ردحذف
  3. والله الوضع مدون و خالص يا علا
    خصوصا مع الصورة بتاعت ليلى حداد !!
    فعلا كلامك صح...من 2006 التدوين هو الثابت الوحيد !

    ردحذف
  4. مرحبا علا ,أول مدونة تابعتها كانت مدونتك ,لما قررت أعمل مدونة ما كان عندي كتابات سابقة أو حتى دفتر مذكرات المهم انو اكتشفت انو التدوين بغيير من التفكير الواحد و بخليه يطلع على الأمور من زاوية ما كان شايفة قبل هيك .
    بتمنالك يا علا النجاح و الاستمرار في التدوين و الابداع بجد مدونتك كتير رائعة و بتدخل القلب بسرعة

    ردحذف
  5. يااااه يا علا ،حاسة حالي أنا للي كتبت موضوعك ،، عارفة لما قلتي ع الفيس انا بدأت التدوين في 93 واستنوني في المدونة الجديدة ، ع طول قرأت أفكارك وعرفت أنه قصدك عن دفتر المذكرات ،، لاني بدأت في التدوين فعليا في 97 يعني قبل اختراع المدونات بكثير وقبل حتى ما نعرف الانترنت في بلدنا وعندي مجلدات مش مجلد ، تخيلي من 97 وحتى 2010 ، كام مجلد انكتب عن مشاعر واحاسيس ، عن مواقف وحكايات ،، يعني لو الواحد بده يكتبهم في مدونة مش راح يلاحق ع حاله ..
    وعلى فكرة ،أنا عملت ألبوم صور في صحفتي ع الفيس بوك ،ووضعت فيه صور ورسومات ورسائل قديمة من الطفولة وايام الشباب (!) كنت محتفظه فيها من زمااان لحتى الآن ،، بس ما حبيتش انشرها في المدونة ، حسيت أنها فيها نوع من الخصوصية ، علشان هيك نشرتها ع الصفحة بس لصديقاتي ،، ما في أحلى من الذكريات والعودة إليها من وقت لاخر ،، لانه تبث في قلوبنا مزيج من السعادة والفرح ،،،
    اعذريني طولت عليك ،، بس لاني لقيت نفسي في هالتدوينة ،، ( مش عارفة توارد خواطر ولا شو ؟؟)..

    ردحذف
  6. نسيت أقولك انه بالاضافة إلى دفاتر مذكراتي ، عندي كمان دفاتر كنت بالصق عليهم الاحداث المميزة اللي كانت تحدث ، يعني بوثق الحدث بالصور (!)هههههههه
    والله كانت ايام حلوة وغريبة ، بس ليش انتي وقفتٍ في 98 ؟؟ ليش ما استمريتي ، كثير حلو انه الواحد يكتب مذكراته ويستمر في كتابتها ، وبيني وبينك التدوين ساعات بيغني عن الكتابة في دفتر المذكرات ، وانا لما بدأت في التدوين قصرت كثير في الكتابة ع الورق ،، وعلشان هيك كان اسم مدونتي قلم ودفتر ( مستوحاة من دفتر مذكراتي ،، أنا رجعت ثاني علشان اسألك /
    ليش توقفت عن الكتابة وليش ما استمرتيش فيها ؟؟

    ردحذف
  7. يبقى القلم الصديق الصدوق في جميع الاحوال والظروف فلا يتغير ولا يمل ولا يكل منا ابدا
    التدوين هو وسيلة للتعبيراو فلنقل لنشر ماعبرنا به عنا
    باي اسلوب كان
    وانا عني ادون بطريقتي الخاصة وهي الكتابة بالصور
    تقبلي مروري وخالص احترامي

    ردحذف
  8. خليتيني أندم أنو مسجلتش الأحداث اللي بتحصل معايا في أي مذكرة أو تدوينه .. أحييكي والله يا علا :)

    سارة

    ردحذف
  9. والله ياعلا دكرتيني عندي مفكره صار لي زمن مااكتب فيها
    موفقه أختي ^______^


    شيماء

    ردحذف
  10. رشا
    اول اشي شكرا على المبادرة تبعتك وفرصة سعيدة :D
    هههههه كنت كاتبة كلام كبييييير عن الفيلم :)) لو ضغطي على الصورة رح تكبر عندك ..
    تحياتي :)

    عبد حمدان
    بتتزكر وقت ما حكيت اني مش عارفة اسافر ع بروكسل وقلتلي عن قصتك مع سيسكو :) تعليقك ومشاركة الجميع على هاديك التدوينة كان من اهم الاشياء الي ساعدتني اصبر واشوف القصة من منظور اكبر

    ابو الشريف
    عنجد هما كلهم 4 سنين لكن اتغيرت فيهم حاجات كتيييييير .. ويمكن هيك الطبيعي ..

    رشا
    تسلمي يا رب .. هو مش ضروري تكوني بتكتبي قبل هيك المهم تعبري عن نفسك .. وزي ما بحكي المثل انك توصل متأخر احسن من انك ما توصلش بالمرة هههه

    امتياز
    هلأ انتي مش رح تصدقي انو انا كمان عندي دفتر كنت بقص وبلزق فيه من الجرايد والمجلات الاخبار والمواضيع والصور .. :)) عاد هادا بديت فيه سنة ال 1998 تقريبا .. وصرت احط مجهودي فيه يمكن عشان هيك بطلت اكتب .. وضليت مهتمة فيه لغاية ما خلصت توجيهي يمكن .. انا كل فترة بطلع بهواية جديدة بتاخد كل اهتمامي لغاية ما تطلع هواية تانية وتاخدني منها :)
    بس هلئيت فهمت انو اسلوبك مبين حدا متعود على الكتابة .. بس احساس تاني التدوين صح !؟

    كوني طيبة
    ... والصورة تغني عن ألف كلمة ..
    ألقيت نظرة سريعة على مدونتك وحبيت كتير تدوينة الساعة .. طريقة كتير مميزة في التعبير وبجد التصوير هواية بدها فن ومهارة وعلم طبعا
    بتمنالك كل التوفيق :)

    سارة
    ياااااما زنيت عليكي عشان تكتبي وانتي ما بتسمعيش كلامي :p
    بكرة بعد عمر طويل -اذا ربنا مد في اعمارنا- ويجيلنا زهايمر رح نحتاج كل شي واي شي يذكرنا باللحظات الي عشناها اليوم ..
    بس انتي اتوكلي على الله وابدي وانتي ما يهمكيش حاجة :p

    شيماء
    طيب اعملي مفكرة جديدة وارجعي للكتابة :) خسارة
    تحياتي :)

    ردحذف
  11. أختي على في الشق الثاني من الوطن.. أنا من المتابعين الصامتين لمدونتك، و يشرفني اختيارك لهذا الواجب التدويني

    http://liddawee.blogspot.com/2010/12/2010.html
    يشرفني طبعا :)

    ردحذف
  12. مشكور على المدونه الجميله والمقالات الرائعه

    بالتوفيق

    ردحذف
  13. علا ..
    التدوين بيخلينا نشعر إنا صحفيين بنقيد الحدث على الورق للملأ..
    والتدوين بيحسسني إني كاتبة مبتدئة على الطريق..

    عمومًا.. أنا كان عندي سؤالين..
    الأول انتي فلسطينية؟
    والتاني لو انتي مصرية ليش كتبتي العنوان علا من غزة؟
    بصراحة أنا أول ما بدأت أقرأ تدويناتك لاحظت انك فلسطينية ولكن التدوينة هاي بتبينلي انك عايشة بمصر ..

    أنا الي مدونة وبكتب فيها بس تدونيني أقرب للأدب من السياسة..
    بتمنى أجد رد على أسئلتي احترامي علا

    ردحذف
  14. اول اشي شكرا لاهتمامك :)

    تاني اشي .. انا فلسطينية من غزة (أكيد مش رح اسمي المدونة من غزة وانا عايشة في الصين مثلا هههه)
    الحكاية ومافيها اني عشت فترة طويلة من طفولتي بين مصر والامارات وعدت الى فلسطين مع اسرتي بعد اوسلو ..

    هاي هي كل القصة :)

    تحياتي

    ردحذف