جيل بايظ







سؤال مهم يا جماعة

هل احنا بجد جيل بايظ؟؟

طبعا بتكلم بالعموميات

سبب السؤال ,, الحقيقة هو اجى فجأة على بالي ,, لكن كل ما بركز في الموضوع بكتشف ان معظم الآباء اليوم بيشتكوا من ولادهم من قلة ادبهم وكسلهم ,, والعكس كمان , معظم الابناء بيشتكوا ان آباءهم مش فاهمين عليهم ومش عارفين يتعاملو معاهم .. وهكذا

بتزكر مرة من كام سنة ,, كنت في جلسة نميمة مع اختي ومجموعة من صديقاتنا ومش عارفة كيف  اتحول الكلام للشكوى عن امهاتنا ,, بالمزح طبعا!

ولقيت ان معظم امهاتنا بيحكولنا نفس الكلام , من عينة:

احنا لما كنا صغار ما كنا نخلّي امنا تعمل حاجة ,, كنا نكنس ونجلي وننضف مع بعض

(عادة هالتعليق بيكون لما تسمعني امي بتخانق مع اختي على كم صحن وكباية بدهم جلي)

احنا لما كنا صغار كنا نخاف يطلع صوتنا وهو ابونا بالدار ,, بس نسمعه اجى كلنا نجري نتخبى

(بردو بتحكيه امي لما تسمعني بتخانق بصوت عالي مع حد من اخوتي وهو بابا قاعد في نفس الغرفة)


طبعا غير الاعتراض الدائم على الكلمات الدارجة اليومين دول ,, والأغاني الـ"هابطة" والافلام الهايفة ,, (ال يعني زمان كانت الناس بتمثل وبتغني وهي لابسة البرقع) وكمان ان الشباب والبنات اليومين دول قمة في التناحة والفهلوة وقلة الاحترام للكبير قبل الصغير

وكلو كوم والكلام عن حب العلم والعمل كوم تاااني

تصدقو ان والدي بيحكي انو ايام اجازة الصيف في المدرسة كان يذاكر كتب السنة الجاية !

ما هم ما كان عندهم تلفزيون ولا كمبيوتر ولا موبايلات ,, كلو حتة راديو اذاعة مونت كارلو وصوت العرب

(الا هما كيف كانو عايشين زمان ؟؟)


والله ما نا عارفة ,, يعني اكيد حاكون متحيزة لهذا الجيل وعمري ما بتمنى اني اكون من الزمن الماضي ,, لكن هل فعلا جيل هالزمن لا يحمل قضية ولا مسئولية ؟
هل فعلا طريقة تعاملنا مع اهالينا تدل على عدم الاحترام ؟
ولا احنا هالينا مدلعيننا زيادة ما اتدلعو زمان ؟!

في مرة ماما قالتلي ان قعدة الرجل على رجل كانت زمان عيب ,, وان العلكة (او اللبان) كان حاجة عيب جدا يمكن زي السجاير بالنسبة للبنت
وحتى اليوم كل ما بتزور تيتا ,, بتبوس ايدها واحنا كمان ,, بس انا مثلا مش متصورة حالي ببوس ايد ماما كل ما اشوفها ؟ هل هذا يعتبر قلة احترام مني لأمي؟

انا بكتئب اكتر اشي لما يتم فتح نقاش او حوار عندنا في البيت ,, ويكون رأيي مخالف لرأي احد من والديني ,, دايما بتنتهي بخناق ,, بالرغم من انهم (وبالاخص والدي) يعتبرو من الاهل المتساهلين والديمقراطين ,, وبجد اعطونا حرية كبيرة وثقة اكبر من اهالي كتير ,,
بس مع ذلك ,, تجد امي بتقارن كيف طريقة النقاش كانت زمان ,, وكيف كانت كلمة الاب والام مسموعة ولا تحتمل الجدال

مش عارفة ,, قد تكون مشكلة التعامل ما بين الاجيال فيها مشكلة ,, والحقيقة مش عارفة كمان اذا كان الوضع مشابه مع اهالي الكل ,, يمكن يكون الغلط فينا ولازم يتصلح ؟!

افيدوني افادكم الله


جيل بايظ جيل بايظ تمت مراجعته من قبل علا من غزة في يناير 05, 2007 تقييم: 5

هناك 17 تعليقًا:

  1. على فكرة أنا باعاني من نفس المشكلة مش مع أهلي لكن مع المجتمع عامة
    مش عارف ليه بيعتبرونا جيل بايظ يمكن يكون ده صحيح بمقاييس عصرهم لكن مقاييس عصرنا بتقول إننا مش جيل بايظ بل على العكس تماما أنا شايف إن جيلنا لو حصل على الاهتمام المناسب ممكن يبقى جيل متميز والدليل على كده إن أي شاب مننا لما بتتاح ليه فرصة للإبداع بينطلق
    طبعا فيه مقاييس لا تختلف بين الأجيال وهي مقاييس الدين أما المقاييس الدنيوية فدي بتختلف من عصر لعصر ومن مكان لمكان

    ردحذف

  2. ههههه
    حلو السؤال ,,
    الهيئة ماكلة دش بهدلة و جاية تكتبي جري ههه
    لا اظن ان الاجابة على هذا السؤال تكون بنعم او لا , فالمضوع نسبي الى حد ما , فقد تزيد بعض الصفات في بعض الابناء عن آخرين و هكذا و سوف ندخل بماهية التربية و تنشئة الابناء و كل تلك الامور ...
    ولكن بشكل عام فان المشاهد التي ذكرتيها و كأنها من شريط فيديو قديم معاد و مكرر
    فهذه المشاهد و المواقف تقريبا تتكرر عند معظم الأسر ,
    و انا شبه متأكد ان آباءنا كانوا في مثل موقفناهذا يوما ما و قيل لهم "جيل بايظ أو جيل آخر زمن "او من هذه العبارات
    و تغنا آباءهم بأيام زمان و افعال ايام زمان تماما كمايفعلوا هم معنا الآن طبعا مع اختلاف التفاصيل ,,و انا على يقين بأننا سوف نفعل مستقبلا مع ابناءنا نفس الشيئ, و هكذا دواليك :d
    و كأنها سباق تتابع يسلم كل لاعب الصولجان لمن يله و هكذا

    المشكلة ليست بهم او حتى بنا ,
    المشكلة او هي ليست مشكلة , وهي ان الآباء دائما يحاولون اعطاء المثال الحسن لأبناءهم و هذا ليس عيبا.


    الآن أرجع الى تساؤلاتك

    { لكن هل فعلا جيل هالزمن لا يحمل قضية ولا مسئولية ؟
    هل فعلا طريقة تعاملنا مع اهالينا تدل على عدم الاحترام ؟
    ولا احنا هالينا مدلعيننا زيادة ما اتدلعو زمان ؟}
    أكيد ان وسائل الراحة المتوفرة في حاضرنا هي أكثر و افضل مما وجدت في الماضي , و قد نتمادى نحن في استخدام تلك الوسائل بما يثير حفيظة و غضب الآباء , هذا صحيح ..

    انا ضد شخصية سي السيد الحاكم الاوحد للبيت, كلمته الفصل و حكمه لا يرد ...!
    الأكيد اننا نمتلك من الحريات مالم يكن يمتلكه آباءنا , ولكن يجب علينا عدم اسائة استخدام تلك الحريات بما يقلل من احترام الآباء لا سمح الله .

    يعطيكي العافية يااااا علاااااا ;)

    ردحذف
  3. كل سنه وكلنا أحسن من كده

    هذه ليست مشكلة بقدر ما هي متلازمة صراع الأجيال .. يعني لو كان فيه سينما قبل ألف عام كنت هتشوفي أفلام طالع فيها فلان بيشتكي إبنه لجاره ويقوله جيل بايظ وهما قاعدين في شمس الشتا الحلوه

    عادي .. وسيظل هذا إلى أن يرث الله الأرض ومن عليها .. نحن شعوب نعشق الماضي ونتمنى الرجوع إليه لسبب بسيط جدا .. هو أن الحاضر زفت وفكرتنا عن المستقبل أزفت بعيد عنك وعن السامعين .. فتلاقينا دايما نتحسر على الماضي ونبكي عليه

    ابقي افتكري بعد كام سنه برضه راح تقولي كده عن ولادك .. هيههه .. دنيا
    أرق تحياتي

    ردحذف
  4. انا قررت افيدك بصراحة في سؤالك رغم اني مش عارف احنا من جيل واحد ولا لا وبصراحة عارف وبعمل مش اهبل الحقيقة يا ست علا احنا فعلا جيل بايظ جيل سيطرت علي دماغه موضه هبلة وشرايط كاست مضروبة ومواقع اباحية جيل الي بيتحرك فيه بيتحرك ناحية افكار هدامة والي بيدخل نت بيدخل علشان بنت علي الشات او موقع اباحي وبيتهيألي احتفالاتنا بالاعياد واحتفالاتنا بالمناسبات بقيت واضحة تحرش جنسي وشرب مخدرات اعتقد برضه ان اسلوب لبسنا بقا واضح احنا جيل بايظ بس الحقيقة مش احنا وبس ما جيل الستينات والسبيعنات والي قبلهم كانوا قالعين وبيسكروا بس نسب الفساد كانت اقل بس اذا كان دول الي ربوا يبقا الخلفة شكلها ايه ..... شكلها اكيد زي طقم البلاوي الي بنشوفهم الا من رحم ربي طبعا
    بعيد بقا عن موضوعك عايز ارد عليكي في رأي انتي كتبتيه في مدونة احمد شقير وانا كمان كتبت في الموضوع ده يمكن قبل احمد اعتقد ان ده فعلا نوع من الاعلان وبصفتي درست علوم التسويق فعلا الهجوم علي حاجة بيخليها تحقق فترة رواج يعني انا متأكد ان عدد الزوار الي دخلوا يشوفوا الموضوع اكتر من 500 واحد ومتأكد ان كلهم من المدونات الي كتبت عنه بس في حقيقة يمكن تكون غايبة عنك ان المنتج (المدونة) التي تشتهر بسوء السمعة تلقي مقاطعة بعد ذلك زي ما بنقول كده بالبلدي سوقها بيبور دي الحقيقة الي بتخليني اكتب اكتر من مرة في موضوع المدونين وده الي بيخليني احترم كتابة استاذي في عالم التدوين احمد شقير

    ردحذف
  5. هاهاهاها

    انا برضه باعاني من نفس المشكلة
    بس من منظور اخر


    مع اولادي

    بالاقي نفسي باقول الكلام اللي ماما كانت لسه بتقولهولي من عشرة خمستاشر سنة

    فتلاقيني
    اسكت فجأة

    واقعد افكر

    صحيح ...

    واقول.. احنا جيل وهما جيل.
    ؟
    والا إحنا الاتنين جيل واحد
    بس هي دي سنة الحياة


    يالا
    كل سنة وانت طيبة
    احنا لما كنا في عمركم ..
    كنا بفرش المدونات رمل للي بيجي يزورونا
    ونبوس إيد الاكبر مننا..



    ادي ايدي اهي

    ردحذف
  6. كل الاجيال بايظه..يعني لو تلاحظي الجيل ده بيقولوه عنه بايظ.. وجدك كان يقول لامك او ابوك جيل بايظ
    فاحنا مش عارفين فين الجيل الكويس

    رأي لا احنا ما فيناش اي حاجه بايظه

    ردحذف


  7. بجد بشكركم يا جماعة على آراءكم القيمة ,,

    طيب ارد على واحد واحد

    anonymous

    فعلا انا شايفة انها مشكلة عامة ,, بس الادهى انو في كتير مقاييس مختلفة ومن الظلم الحكم على كل جيل بمواصفات الجيل السابق ,, وتلاقي انو الي بيتكلم عن القيم والاخلاق يمكن وهو اصغر من كدة عمل عمايل :p
    وانا معاك في قصة اتاحة الفرص ,, مهو كتر الضغط على حتة انت فاشل ,, بتخلي الواحد نفسه يغيرها بأي شكل

    m.s

    يعني كالعادة ,, تحليل شامل وكامل للنظام :p
    انا مش بإيدي غير اوافقك ,, بس خلينا نكون صريحين ,, الشغلة هادي موجودة بكثرة وعن الجيل بشكل عام ,, هلأ والدتك ما بتحكي هيك عن تلميذاتها الحاليين وبتقارنهم مع الاجيال السابقة :P
    دائما بيكون الجيل السابق كان احسن ومؤدب واهدى ....
    يا سيدي ان شالله بيجي اليوم الي بحكي في انو جيل اولادي احسن من جيلي بمراااااحل ,, ان شاء الله

    ibn bahya

    بشكرك بجد على زيارتك ليا ,,
    وتفسيرك للموضوع انو حنين للماضي لأنو كان افضل قد يكون فيه شيء كبير من الحقيقة ,,
    تعرف انا دايما افضل ان اكون متفائلة ,, لأن السيء قادم والجيد قادم ,, على الاقل عملا بالقول "تفاءلوا خيرا تجدوه" لعل وعسى !

    كبير المتشردين

    والله منا عارفة ,, انت نظرتك تشاؤمية جدا ,, يعني مفيش امل خالص :(


    اكتب بالرصاص

    هات ايدك يا عمو :)
    يعني انت مكبّر نفسك اوي يا راجل ,, انا متأكدة انك بتعامل ولادك كأنهم اخواتك او حتى اصحابك ,, يمكن بس انت مدلعهم زيادة عن اللزوم :p

    على فكرة انا بحب المدونة بتاعتك جدا ,, وشكرا على الزيارة الميمونة :)

    smile

    الا وسهلا بيك يا سمايل ,,
    وانا موافقة على قصة التتابع في الاتهامات بين الاجيال ,, وعلى رأيك : هو مين الجيل الكويس ؟!
    بس هو اكيد مش احنا


    ردحذف
  8. 3ola ... u really so great :) ...
    i like ur blog so much please keep it ;)

    ردحذف


  9. Loulou

    thank you dear for your lovelyt complement :) it makes me happy to read such words , keep visiting me and I hope you always keep in touch :)

    ردحذف
  10. مش عارف

    بس فى موضوع تقبيل اليد بالذات مثلا بالنسبة لوالدتى او جدتى

    انا افعل هذا من باب الحب اولا والاحترام ثانيا وصراحة بنفس راضية تماما


    خلاصة الموضوع

    تفاهم وحب واحترام وستنهار الهوة بين الجيل القديم والجيل الجديد

    ردحذف
  11. الى الغزاويه العزيزه

    الجيل البايظ تهمه ساذجه كنا نسمعها كتير في الافلام و المسرحيات
    و الاساس ان كل جيل فيه الصالح و الطالح و الاهم ان سبب الصلاح او الفساد هم الاهل ( اللي همه من الجيل اللي قبله ) و اختلاف المكان و التربيه

    يعني هديكي مثال بسيط بما انك من غزه وانا في مصر .. لي صديقه فلسطينيه حكت لي عن ان فكره شرب البنت للشيشه ( الأرجيله ) في فلسطين عاديه كما في الشام عموما .. بينما لسه في مصر البنت اللي بتشرب شيشه بينظرلهاعلى انها من الجيل ( البايظ ) اللي بتقولي عليه .. و ده مش ذنب دي و لا دي .. انما المكان اللي اتربوا فيه و العادات اللي خدوها منه و هكذا

    باختصار علشان حاسس اني طولت .. كل جيل فيه و فيه .. و مشكله الجيل محسوبه على الجيل اللي قبله .. و اخيرا .. مشكلها جيلنا احنا تحديدا كما قرأت سابقا في مقال جميل .. انه جيل بلا رأس .. يعني جيل لا يمتلك قدوه ككل الاجيال السابقه اللي كان فيها جمال عبدالناصر و عبدالحليم حافظ و حتى الخطيب في كره القدم قدوه .. انما اليوم سياسيا و فنيا و دينيا و اجتماعيا .. كل القدوه صارت .. للأسف ..تأخذك للأسفل

    آسف على الاطاله .. و سعيد بمدونتك كتير

    ردحذف
  12. لا بصراحه

    احنا جيلنا احسن من جيلهم بمراحل فى حاجات كتير


    و الدليل على كده هما لما اخدوا القياده و زمام الامور ادى حالنا اهو كلنا غارقانين

    و مفيش بلد عربى حالها يسر حتى الدول البترويلة فرحتهم مؤقته علشان ولا بلد منهم خطط لقدام


    و حال اقمع و كبت الحريات و دة طبعا غير الغلطات التاريخية اللى ما حدش عارف تتصلح اذاى

    حتى فى الكورة بلد زى مصر اللى انا منها بيفضلوا يتشتقه بزمن اللعب الجميل و لعيبة زمان

    مع ان اللى اتحقق فى 15 سنه فاتو بس قد اللى مصر حققته فى تاريخها الكروى كله

    يلا بس نعمل اية هما برضه اهلنا و بنحبهم و هانبرهم و نخاف عليهم و نحاول نسمع كلامهم


    بس اوعى حد يقول هما احسن مننا

    ردحذف
  13. عندما نتذكر النسبية تصبح الاجابة سهلة

    ردحذف



  14. taher

    اكيد انا معاك اني بعمل كدة مع جدتي بكل سعادة ورضا ,, لكن بصراحة مش متخيلة نفسي بعملها مع امي ,, حساها لسه صغيرة على الحاجات دي :p



    د.طنطاوي

    تصدق اني مختلفة معاك او مع المصدر بتاعك :p
    شرب الشيشة في غزة مثلا مش عادي ابدا ,, يمكن يكون عادي في اماكن فلسطينية تانية في الضفة مثلا ؟!

    صحيح كلامك انو نوعية الانطباع اللي بيتقال على الشباب اكيد بيختلف حسب المكان والبلد ,, وان كما يقال جيلنا مالوش فدوة عليها العين ,, يمكن يكون هو ده السبب ؟! مع انو في كتير من ايقونات الزمن "الجميل" زي ما بيقولو ما بيعجبوني انا شخصيا

    شاكرة تعليقك جدا واهلا بيك


    ارابيسك

    انا مع رأيك والله بس هات اللي يثبت !

    لا شك ان جيلنا اوعى بكتير وعيونو مفتحة ,, بس مش شرط ان ده يكون دليل ان احنا احسن

    هي المقارنة مش عادلة اصلا

    ان شالله نقدر نثبت انو احنا نقدر نعمل تغيير في مجتمعاتنا في يوم من الأيام




    maged stephan

    مع اني ما فهمت عليك بصراحة ,, لكن اهلا فيك وان شالله تشرفني في غزة دايما :)



    ردحذف
  15. يااااااااه يا علا .. هو إنت اللى كاتبه التدوينة دي

    أنا m.s

    رديت فوق أهو قبل ما أدخل عالم التدوين أصلا

    سبحان الله .. التدوينة دي عجبتني يوميها جدا جدا

    ردحذف
  16. احم لا عذرا مش أنا m.s

    بس الأكيد إني قرأت التدوينة وعجبتني :)

    بس أنا فاكرة إني رديت عليها !!

    ردحذف
  17. تحياي لكي اختي الغاليه
    وانا سالت نفسي هذا السؤال كثيرا لنفس السبب وهو ان الجمله دي سمعتها كتير جيل بايظ
    امال هما كانوا اي
    اكيد كان بيتقالهم كده ودا تعويض يعني
    الرد علي تساؤلاتك في كلمه واحده وهو ان الزمن بما فيه اتغير ...
    وبقاء الحال من المحال ...

    ردحذف