ثقافة المفاصلة



السلام عليكم يا جماعة الخير



هو مزبوط انو اليوم المفروض اكمل الجزء التاني من "تاجيني ولا تغديني" بس هو الظروف والافكار الي بتيجي فجأة صعب تتأجل ,, وانتو عارفين طبعا


القصة انو يلوح في الافق القريب (حلووووة) فرح (او عُـرُس بالغزاوي) ابن خالتي ان شاء الله الاسبوع الجاي


بقالي شهر بترجى في ماما اننا ننزل السوق علشان ما نزنق حالنا على اخر اسبوع ,, لكن على مييين ,, انتو عارفين المرأة العاملة وقتها مش ملكها ,, يوم تروح من المدرسة تعبانة , و يوم انا ارجع من الجامعة تعبانة ,, ويوم اروح الاقيها متأخرة في الطبيخ ,, ويوم نسمع ان في اشتباكات في شارع السوق ف نخاف ننزل ,, وهكذا كذلك لحد ما هووب ,, العرس يوم الثلاثا الجاي ولا انا ولا ماما ولا اختي شاريين


ماااا علينا


بس فعلا نزلة السوق حاجة متعبة جدا ومهلكة للاعصاب والجيوب والرجلين

يعني اولا بتتغلب تلاقي المقاس او الشكل اللي انت او انتي عايزاه ,, يعني كتير بيكون في بالي ستايل او موديل معين شايفاه في مجلة او في التلفزيون ,كدة يعني ,, لكن ما بلاقيش !! كل السوق نفس الاشي !!



زائد انو الاختيار كوم والمفاصلة كوم تاااني خااالص

والمفاصلة بلغة الغزازوة هي ان الراجل يطلب سعر معين وانت وشطارتك تنزل السعر !! ممكن احيانا ينزل السعر للنص او الربع ,, حسب طولة بالك وشطارتك فعلا انك تطلع باقل نسبة من الخسائر لك والارباح المسروقة للبايع


انا اكتر حاجة بتتعبني في نزلة السوق هي المفاصلة ,, ولما بكون مع ماما طبعا بسيبها تقرر وتحدد مع الراجل , لكن دايما بتحكيلي التعليمات كالتالي:

1- احنا نقيس الشغلة ,, لاقيناها مناسبة وتمام ,, نطلع من غرفة القياس واحنا مكشرين ومتأففين واقول اني مش مقتنعة مية في المية - علشان الراجل ما يفكرني ملزقة في الهدمة يعني ولا مش ملاقية غيرها - او اطلع فيها اي عيوب - شوية ضيق شوية طويل بدو توسيع ,, حاجات كدة يعني

2- اي سعر يطلبه الراجل ننزل احنا النص مرة واحدة ,, طبعا الراجل حيزبهلّ ويجيله حالة من المش عارفة ايه ويقول لا ما بينفع يا مدام ,, ويبدأ هو ينزل سعره واحنا نرفع سعرنا لحد ما يوافقو الاتنين


3- في حالة لو الراجل تنّح على سعر وماما لسه شايفاه كتير ,, تبدأ تقول خلص انت حر بنرجع مرة تانية ,, افهم انها اشارة التقهقر الى الخطوط الخلفية ,, يبقى خلص احنا زعلانين وحردانين وبطّلنا نشتري ,, يروح الراجل يرجع في كلامه وينادينا ويحكي خلص الي بدكم ياه واللي تقولو عليه ,, طبعا هو حد لاقي زباين هالايام ,, محدش بيشتري الا المضطر


المشكلة ,, انو غالبا حتى لو طبقنا هالتعليمات كويس ,, ممكن تلاقي نفس الحاجة في مكان تاني هي هي وسعرها اقل
او ممكن واحدة تانية اشترت حاجة شبيهة من نفس المحل ,, لكن طلعت اشطر منك وقدرت تاخدها بسعر اقل


وين المشكلة لو كانت الحاجة مكتوب عليها سعرها وخلص !! والواحد يا يعجبه يا ما يعجبهوش,, يعني مش غلط ان التاجر يربح بس الحكاية مش استكساب ومش نصب ! لأن الواحد فعلا بيحس بالغباء لما يعرف انو التاجر ضحك عليه او "غـَلـَبه" بالسعر

يعني في البلاد المحترمة نظام البيع كدة ,,

بس هي للأسف اصبحت ثقافة عامة في بيع كل شي ,, فى الخضار والفاكهة والعفش والبلاط والكتب ,, حتى المهور بيفاصلو فيها ,, تخيل مثلا لو العريس جاي يطلب بنت عمه المهر ينزل النص ! فعلا بتحصل


وحتى في السياسة ,, يعني اليهود ماشيين بنظام المفاصلة على اراضينا ,, خدو ارض ال67 , لأ خدو سبتمبر 2000 ,, لأ لأ انتو خدو غزة وخلص كفاية عليكو ,,

والمثل الاشهر في الموضوع ,, عمنا فؤاد المهندس :خد سوسو لأ خد نادية

وعلى دا الحال


يا جماعة ادعولي اتوفق بكرة في السوق والاقي حاجة محترمة اروح فيها العرس واشتريها بسعر مناسب ما استغبيش نفسي عليه بعد كدة


اما فعلا ,, العروسة للعريس والجري للمتاعيس


سلام


ثقافة المفاصلة ثقافة المفاصلة تمت مراجعته من قبل علا من غزة في يونيو 01, 2007 تقييم: 5

هناك 18 تعليقًا:

  1. اسرع تعليق
    بعد عشر دقائق

    علي فكرة الفاصل او المفاصلة مش عندكم بس

    عندنا في مصر برضو

    بس البياع بقي ممكن يضرب السعر تلات مرات

    وانتي تنزلي النص
    وتحسي انك غلبتيه

    وهو كسبان مرتين

    ردحذف
  2. انا فاشله جدا فى موضوع المفاصله دى
    ومهما حاولت بفشل برده
    أنا مجرد ما الحاجه اللى قيستها عجبتنى اسأل البياع بكام
    اللى يقوله بدفعه على طول
    لأنى عارفه انى مش هعرف أفاصل
    حتى لو حاولت
    الموضوع محتاج امكانيات وصبر وجدال
    وبصراحه انا مليش فى الصبر أصلا :))))
    وفى الآخر زى ما قال عمرو تفتكرى انك غلبتى البياع وهو كسبان مرتين
    (^_^)
    تحياتى

    ردحذف
  3. انتوا كمان عندكم فصال ( مفاصلة ) دي عادة عربية بقى

    ردحذف
  4. first; mabrouk le el3rsan... we el3kba lake inshallah...



    wallahe elnaseb fe kul makan ya o'7ty
    here in irelsnd its very very rare to be in a situation in which you are allowed to bargain (fesal ya3nee) .. its an insult!!
    baas elnaheb 3la wedno... in the name of tax, and famous trademarks.
    and ppl dont care because they have money...

    we allah ya3teena we ya3teeko, we yostor 3laina we 3lyko..

    ردحذف

  5. الله

    :))

    تحياتي لك من ماناساس البلد

    ردحذف
  6. ههههههههه
    هاي حياتكو غزاوية بحتة
    بس شو هالتخطيط بالمفاصلة
    بعد هيك بتلاقي البياعين حافظينكو
    بس بيجنن فكرتني بستي دايما باخدها معي علشان اروح اشتري
    ما بتعرفي الاسعار معاهم عالم تاني
    هههه

    ردحذف
  7. هههههههههههههه

    ده تكنيك عالمي يا علا

    سبحان الله كأني أنا اللى كاتبة التدوينة لو كنت حكتب عن المفاصلة

    ردحذف
  8. بوست خفيف الدم...يارب تكوني لاقيتي حاجة حلوة و سعرها مناسب..و شكرا على معلومات عن كيفية الفصال...بس انا اول مرة بسمع عن عريس ممكن يفاصل في مهر!!؟ صحيح عيش كتير بتشوف كتير

    ردحذف
  9. had mawjood be kol el belad el 3arabeyye ...

    ana 3ayesh bel s3oodeyye o hon a3'lab el baya3eeb hnood o pakistan ... fa awwal jomle el wa7ad be7ekeeha heyye :

    "Enta nafar ma fee ye3mal mora3ah"

    LOL

    nice blog ...

    ردحذف
  10. الفصال لا يفنى ولا يستحدث من العدم

    موضوع كويس أوى ياعلا بس دايما مهما الواحد فاصل البياع هو الكسبان
    عشان كده انا بفضل المحلات اللى كاتبة ممنوع الفصال بس بشرط يكون السعر متوافق مع الهدمة اللى هشتريها

    ردحذف
  11. أتمنى تكونى اخترتى كويس عشان انا باعلق بعد ما اشتريتى اكيد.. وطمنينا بس فينك من زمان .. يارب تكونى بخير..

    ردحذف
  12. هههههههههههه

    دي فلسفة المفاوضات بقت في البيع والشرا ..

    لو تتقن باتقان فصالكن ( اذ انه عمل تتقنه كل الناسء ) مكنش حد غلب ..

    وتحياتي .

    ردحذف
  13. أولا ألف ألف مبروك وعقبالك يا علا
    بس ايه ده فى غزة برده فى فصال، مش عندنا بس يعن، بس فعلا هى ما بتبقاش شطارة من التاجر قد ما بتبقى نصباية لأنه فعلا بيضاعف السعر ثلاث أو أربع مرات، وأنت وشطارتك فعلا، وحصلت قدامى يعنى واحدة كانت بتشترى حاجة وفاصلت وخذتها بسعر أقل، بعدها على طول جت واحدة تانية اشترت الحاجة من غير ما تفاصل يعنى اشترتها بالسعر اللى التاجر قال عليه وهو لسة بايعها بثمن أقل، المشكلة ان التاجر من دول يقعد يحلف مية يمين ان مكسبة يدوب ومش محصل حاجة، وأنت وشطارتك بقى بس برده هو الكسبان

    ردحذف
  14. اكره المفاصلة بكل ما تحتويه من اشكال

    بس لو انا عارف تمن الحاجة اقوله دى سعرها كذا من الاول وافق وافق موافقش خلاص امشى لانى مفيش عندى اى صبر لموضوع الفصال ده

    وغالبا انا مش بحب انزل مع امى وهى بتشترى
    انا اوصلها هى واختى واقولهم لفو واشترو براحتكم ولما تخلصوا اتصلو بى اجى اخدكم واشيل اللى انتو جبتوه

    ردحذف
  15. مبرووووووووووووووووك

    ماتينسناش بقي

    انا بطالب بحقي كواحد بيتابع مدونتك

    بالساقع والشوكولاتات وكده يعني

    انشا الله حتي صورهم

    ردحذف


  16. amr ahmad

    تسبق في اعمال الخير ان شالله :)

    طب نعمل ايه في الحلفان والبياعين اللي بيحلفولك انهم مش رابحانين منك حاجة

    احيانا بتحس انهم صادقين
    وهنا المشكلة

    تصدق مين فيهم ؟ معقول كلهم كزابين ؟



    reemoo

    حرام عليكي :s

    طب محدش بيكون معاكي ينقذك او يدافع عنك :p

    على الاقل تنزلي للحد الي ما تحسيش نفسك اتغلبتي او خسرتي كتير يعني

    حرام

    :p





    مادو

    عادة عربية اصيلة

    احنا شعب واحد اساسا بس الظروف قسمته مش اكتر

    :p




    soreal

    الله يبارك فيكي

    بس على الاقل لما انتي تشتري حاجة حاتكوني عارفة ان وحدة تانية حاتشتريها كمان بنفس السعر

    يعني انتو الاتنين منصوب عليكم بس بالعدل :p




    groom

    يعني ايه :p


    الموضوع يضحّك مش كدة
    :p



    dr-killer

    مفيش فايدة من التخطيط


    احيانا حتى طريقة الزعل وخلاص مش عايزين نشتري ما بتنفع :p

    في ناس مفيش فايدة منهم




    maha

    توارد افكار يا مها :)

    والتكنيك بينفع معاكي ولا لأ ؟!
    :p





    نقطة مية

    اه لاقيت الحمد لله بس بردو كانت اغلى ما كنت عاملة حسابي الضعف تقريبا :s

    الفصال في المهر للأسف بيحصل

    حاقول ايه بس




    isam

    ههههههههههه

    بدي استعملها الجملة هادي :p

    شكرا على الزيارة :)




    معتز


    ههههههههههه

    "الفصال لا يفنى ولا يستحدث من العدم "

    معندناش للأسف محلات من النوع ده ,, مش هاتمشي في غزة اصلو :p

    الناس هاتفاصل بردو :p



    أخف دم

    شكرا عالسؤال يا عم اشرف انا بخير الحمد لله

    اخترت فستان اسود حلو كدة وبكشاكش :p

    وبعدين انت اللي فين يا عم !




    محمد العدوي

    هههههههههه

    مفاوضات

    حتى في مفاوضات البيع والشرا فاشلين :p

    على رأيك



    بحبك يا مصر

    الله يبارك فيكي تسلميلي يارب

    طب يعني احنا نصنع الهدوم بايدينا احسن يعني ولا ما نشتريش حاجة ولا ايه الحل يعني ؟!

    بجد الفلوس الزيادة دي كلها حرام عليهم !!




    طاهر

    اغلب الرجالة ما بيحبوش نزلة السوق

    ولا عندهم صبر عالمفاصلة




    عمرو المصري

    الله يبارك فيييييك

    صورهم مرة وحدة :p

    ايه التنازل الجامد ده يا عم
    :p





    ردحذف
  17. ألف مبروووك
    وعلى فكرة
    شكل المدونة رائعة في ثوبها الجديد

    وكمان التكنولوجيا المستخدمة فيها فظيعة


    انت بجد فنانة

    ردحذف



  18. اهلا عمو طهقان


    شكرا جزيلا على الكلام الحلو ,, عجبتك اللعبة
    ؟؟


    هههههههههه


    ردحذف