Zade ... عندما تتحدث الموسيقى



س: لما تسمع أغنية وتعجبك .. بتهمك أكتر الكلمات ولا الألحان ؟

أكاد أزعم انو اجابتك على هادا السؤال بتحدد جانب مهم من جوانب شخصيتك
وعندي نظريتي الخاصة بهادا الموضوع على فكرة .. بس ما بدي احكيلكم عنها حاليا

بس تكمل أركان النظرية

:P

المهم بما انو هادي اخر تدوينة ضمن حملة التدوين اليومي .. الي للأسف ما قدرتش ألتزم فيها طويلا .. قلت ضروري يكون ختام الشهر اشي حلو

اكتشافي الخاص .. ولو انو سبقوني إلو ناس كتير ..
وحاسة انو عيب عليا اني ما كنتش سمعت عنه قبل هيك


مؤلف موسيقى أردني .. شاب .. من جيلنا يمكن .. وماشاء الله عليه مبين عليه فلتة موسيقى
والله انجبت عمّـان :D

اول "piece" سمعت له اياها كانت اعادة توزيع لأغنية حلوة يا بلدي .. وهادي الاغنية إلها مكانة خاصة جدا عندي ..
كانت سميحة عاملة الها شير على الفيسبوك .. وبالصدفة سمعتها عشان اكتشف انو تقريبا الموسيقى هادي من أروع التوزيعات الي سمعتها بحياتي لهادي الاغنية ... وبتقدروا تحكو انو أدمنت عليها الأسبوع الي فات .. وبتدخلني بحالة غريبة من السكينة والهدوء لما أسمعها

هلأ فرض عين على كل واحد بقرأ هادي التدوينة انو يسمعها .. وانتو حرّين


وفيه "piece" تانية كمان حبيتها كتير .. على حسب كلام زيد انو استوحاها من رواية "الخيميائي" لباولو كويلو .. وفعلا حسيت اني بقرأ الرواية وبسافر مع "سانتياغو" وهو بيدور بين البلاد عشان يحقق أحلامه ويلاقي كنزه

اسمعوها ..


وفيه إلو أكتر من معزوفة كلهم موسيقى خالصة بدون كلام ... وبدها جلسة استكشاف واسترخاء .. مع شوية شاي أخضر وسماعات ... يا سلااااااااام

إلي عودة مع اكتشافات موسيقية تانية .. إن شاء الله :)


Zade ... عندما تتحدث الموسيقى Zade ... عندما تتحدث الموسيقى تمت مراجعته من قبل علا من غزة في يونيو 30, 2011 تقييم: 5

هناك 11 تعليقًا:

  1. اسمعلتو كتير ،
    موسيقته رائعة ، راقية

    ردحذف
  2. he's amazing .. I love his music .. he did such a great job ..
    I love also for him "haya" and "kingdom of peace"

    b3deen el 7elo feh enu when u see him plays u feel like that he really knows what he is doing and that his music comes out of his heart !!

    ردحذف
  3. بستخدمهاموسيقى زيد في المكساج الصوتي ,, بيجنن موسيقاتو

    ردحذف
  4. انا سمعته على صفحتك ع الفيس .. عن جد عنده شيء مميز ، احساس رائع وراقي .. بس عمري ماراح اسمع هالاغنية بنفس احساس داليدا ..

    ردحذف
  5. كتير حلوة .......


    تحياتي

    ردحذف
  6. good rhythm/music/melodies is a must , good lyrics is a plus :P
    what does that say about me :)

    ردحذف
  7. عسل اوى يا علا

    الموسيقى

    وزيد كمان
    :D

    ردحذف
  8. السلام عليكم
    يعطيكي العافية يا علا عالتدوينة الرائعة
    بس بصراحة في موقف صعب متل هذا
    ما بيقدر الواحد عير يسمع ويسكت ويسكت وكمان مرة يضل ساكت ويرجع يسمع كمان مرة ^_^ عنجد بياخد الواحد لمطارح بعيييييييييييييييييدة جداً

    ردحذف
  9. مشكوووووووووووووووووووووور

    ردحذف
  10. المزيكا غذاء الروووووووووووح
    جامدة جدا

    ردحذف
  11. عندو كمان معزوفة زينه اكتر من رائعه و اكتر معزوفه بتعجبني

    ردحذف