تدوينة من "محـدش"



عندي كتير شغلات حابة ولازم اكتب عنها

بس ليش كل ما افتح هادي الصفحة .. بيضيع مني الكلام .. وبيبطل عندي الرغبة بالكتابة

قبل ما ابدا في حملة التدوين اليومي .. جهزت مسودات لكزا موضوع كنت حابة احكي عنهم

وخلال الشهر صار كزا فعالية وكزا حدث كبير .. ضروري ولازم اكتب عنهم

بس كأنو فجأة بطلت بدي اكتب حاجة

يمكن لأنو الاشي الوحيد الي فعلا بيدور بمخي هالايام وبهادي اللحظة ... هو الاشي الوحيد الي بنفعش احكي عنه بشكل مفتوح على الكل ولازم اخليه بيني وبين نفسي

بصراحة اكتر .. كل ما اكتشف انو فيه ناس بتدخل المدونة هادي وبتقرا ايش بكتب .. كل ما بيزيد احساسي بأنو لازم اخد بالي ايش بقول .. او يعني بطلت حاسة اني بقدر اجي وافضفض براحتي عن الشغلات الي فعلا بتعنيلي بهادي اللحظة وبهادا الموقف

صرت بخاف ..

على الاغلب هادي التدوينة مش رح اخليها .. لأنو مخربالي ترتيب المدونة .. العاقلة الرزينة .. الي حاملة اسم البلد وحاملة اسمي ..

مرات بحس انو لازم افتحلي مدونة تانية .. واكتب فيها تحت اسم "محدش" .. أو "ولا حد" ..

ايش اللخبطة هادي .. كله منك يا فوزي



تدوينة من "محـدش" تدوينة من "محـدش" تمت مراجعته من قبل علا من غزة في يونيو 29, 2011 تقييم: 5

هناك 10 تعليقات:

  1. فوزي مالوش ذنب ، سمير لازم يتعاقب

    ردحذف
  2. المرة هادي الحق عليه .. الواحد يقول الصراحة يا رنود

    ردحذف
  3. وانا مع رأي رندة .. فوزي غلبان ، الحق على سمير وممدوح كمان ..

    ردحذف
  4. لأ خيها المدونة ..أصلا هي هيك حلوة لأنها من القلب..شو المشكلة انها تكون صريحة و من القلب ؟
    أنا معك..اذا هي نفس الشغلات الي أنا كمان بفكر فيها فأنا بالنسبة الي بفضل أخليها بيني و بين ربي ..و بنصحك بنفس الشي كمان ..مش كل شي بنكتب و الحق على اسماعيل :) جميلة

    ردحذف
  5. أكتر الأشياء عقلانية هي الأشياء اللي بتفق عليها العقل و القلب...
    تشيليش التدوينة...واحكي عن الأشياء اللي ملهاش منطق...رح تتأكدي إنو فيه ناس بتشاركك بعدم المنطق هادا!

    ردحذف
  6. مالك إسم الله عليكي
    العين اللي شافت " كلامك" وما صلت ع النبي تنباع بالعزا

    ردحذف
  7. السلام عليكم ورحمة الله وبركاته

    يعني منك نقلنا، ومنك انطلقنا يااخت علا
    لكن ..
    لكن الواحد لايضمن ظروفه
    انا من شدة اقبالي ع الفكرة وضعت تدوينات على قد الحال،تنشر مجدولة خلال تلك العطلة الطويلة التي ذهبت فيها اسبوعاً كاملاً لأول مرة منذ عامين ونصف العام.

    ان شاء الله دايماً بخير انتو
    هذا هو المهم

    خليها التدوينة خيتي علا صادقة وشفافة

    ردحذف
  8. نفس إحساسي لما قرايب كتير ليا بقوا يقرأوا مدونتي و يتابعوني على الفيس بوك
    بس أنا برضه بأعمل اللي في دماغي و بأعبر عن أرائي السياسية و لو ما عجبتهمش أو خوفتهم عليا
    بس فعلاً بطلت أفضفض عن مكنونات نفسي من جوه و عن أحاسيسي و مشاعري

    ردحذف
  9. علا .. أمر بما تمرين بالزبط و بطلع بكلماتك و بتذكر العلاقة التوأمية :)
    نفسي اكتب و مش قادرة مع انه القلب مليااااااان حكي .. ربي ييسرلك أمورك و يحققلك منى قلبك :)

    ردحذف
  10. نفس الاحساس يلي حسيته .. لدرجة بطل الي رغبة اني اكتب اي شئ ع المدونة او الفيس *_^ لانو صارت الناس تعلق ع اشياء انا بكتبها وتاخذ فكرة غلط وهالشئ دايقني كثير ..

    موفقة يا عسل ولا يهمك كلام أي حد ^^

    ردحذف