الانفلونزا .. اجدد حكاوي غزة



يا جماعة والله ما هو معقول هادا الكلام


كتير بطيئة انا بالكتابة


ليش هيك ؟؟؟


هلأ هادي التدوينة عاملة زي الخبر العاجل لما بيقطع المسلسل بالنص كدة


في قصص عم بتصير حاليا في غزة اهم من مسلسل العودة تبعي هادا الي مش راضي يخلص هههههه عموما هي هالحلقة الي فاضلة فيه .. مش مشكلة بنكملها بعدين




هلأ فش اشي صار شاغل الناس الا سيرة انفلونزا الخنازير ..

حالة من الرعب كدة مسيطرة على الناس.. الشوارع فاضية .. والناس مضبوبة في بيوتها .. روحنا اليوم على مطعم نتغدى ولقيناه فااااضي علما انو اليوم الجمعة وعادةً بيكون فش فيه وَسَع من كُتر الناس

وانا بيني وبينكم مستغربة من هالشعب!! مش فاهمة كيف يعني حتة انفلونزا لا راحت ولا اجت وتعمل في الناس كل هادي البلبلة .. شفنا حاجات اخطر من هادي ولا اهتمينا يعني


هو مزبوط الاخبار الرسمية ما بطمن .. انما يعني مش لهالدرجة الاشي خطير يعني .. خاصة لما بنعرف انو كل الوفيات كانو بيعانو من مشاكل صحية من البداية .. واصلا لو مرضوا بانفلونزا عادية كان ماتو بردو

هي الاخبار عن الانفلونزا بدأت تنتشر مع عودة الحجاج .. علما انو الاصابات والوفيات ما فش منهم حجاج اساسا .. فا احنا مش عارفين هل الاصابات هادي مثلا انتقلت للاشخاص العاديين من حجاج؟ ولا اصلا كان فيه اصابات من زمان و"جماعتنا" هما الي ما اعلنوش عنها قبل هييييييك ؟؟

وبعدين قصة الينسون هادي عنجد اشي بيضحك

صار الكل يقول والله سمعنا الينسون هادا بشفى من الانفلونزا .. ويادوب الخبر انتشر .. وبظرف يومين بالعدد ارتفع سعر الينسون وتضاعف بدرجة مخيفة مش ممكن تتخيلوها ... يعني كان الكيلو بـ 12 شيكل مثلا .. ويامين يشتريه .. هلأ وصل سعر الكيلو لـ 200 و 260 شيكل بظرف يومين !!!


الشغلة التانية الي صارت موضة .. الا وهي لبس الكمامات ... بالمدارس هلأ بتلاقي الولاد الصغار كل واحد لابس كمامة وصارت لعبتهم .. وبنفس الوقت بتلاقي اولاد جايبين معاهم من بيوتهم صابونة ومنشفة وكل شوية رايحين جايين يغسلوا ايديهم .. هادا اشي كويس يعني .. منيح استفدنا شوية نظافة مش غلط


الخوف انو الشتا جاي وفيه عالم كتير بستحملوش الانفلونزا العادية اصلا .. وغزة بالنهاية صغيرة و لو لا سمح الله اتطور الموضوع وتحول لوباء الله اعلم عن مدى جهوزية المستشفيات عنا .. الله اعلم فيه ادوية ومصل ولا لأ .. مش بعيد ساعتها يتحول العلاج لشغلة سياسية وحزبية كمان .. ويصير متوفر لناس وناس ..  فش اشي بعيد على هالبلد ..

ساعتها بيكون عنجد راحت علييينا :D


المهم .. هي حكاية وماشية .. والناس لقت حدوتة تتسلى فيها .. وقلت لازم يكون معاكو خبر باللي بيصير


خدو بالكو من حالكو وكل واحد يقوم يغسل ايديه بمية وصابون بسررررعة


نهاية النشرة





الانفلونزا .. اجدد حكاوي غزة الانفلونزا  .. اجدد حكاوي غزة تمت مراجعته من قبل علا من غزة في ديسمبر 11, 2009 تقييم: 5

هناك 11 تعليقًا:

  1. حبيبتي يا علا والله انك عسل بجد
    وتحليلك اكثر من رائع
    ربنا يحميكو جميعا يارب ويبعد اى مكروه عن كل شعبنا واهلنا بغزة
    كويس انو الاطفال تتعلم النضافه كداويارب يستمرو على هالحال واخد بالها الاهالى من نضافه ولادها وحرص المدارس على النضافه دي اهم حاجه
    وبعدين غزة كلها شبر ونص يعني لو عطستي في بيتك اكيد سكان رفح بيسمعوكى هههههههههه فما بالك لو انتشر خبر او موضوع دا بيكون حديث الصباح والمساء

    ردحذف
  2. اكيد معك اريج سكيك

    ردحذف
  3. ههههههههههههه
    مفيش حاجة غريبة الحال من بعضه في كل العالم :)

    حتى حكاية الينسون هههههههههه

    ردحذف
  4. honestly, i really dont understand this "wash you hand" as a protection method from an air born disease :/

    allah ye7meeko

    ردحذف
  5. تصدقى انا عمرى تخيلت ان الوضع عندكم كده كنت بقول لكريم لسه امبارح دول اخر ناس يخافو منها عندهم الأنيل من انفلونزا الخنازير سبحان الله
    :D
    وموضوع الينسون ده غريب اوى فعلاً اكيد اسرائيل بتتبع سياسة جديدة فى القتل
    :D

    ردحذف
  6. ههههههه
    لا هلأ صار اشي جديد غير اليانسون امبارح سمعتها بخطبة الجمعه انه بيقولوا المضمضة والغرغرة بالملح بيقتل الجراثيم والمرض لأنه بالاساس الجرثومه حاضنتها عند الحلق . يعني كلها شي يومين حتلاقي الملح صار الكيلوا ب 50 شيكل ههههه
    ,,, للأسف السياسة اصبحتت تتحكم في كل شي .. انا اسمحي لي ان اكون أكثر جرأه في هذا الامر , لأنه وفقاً لمعلومات كثيرة قيل ان حكومه حماس منعت الاعلان عن وجود مرض انفلونزا الخنازير وذلك حتى تتمكن من عمل انطلاقتها في 14 الشهر الجاري ..
    يموت الشعب وتعيش حماس !

    يعطيكي العافية علا
    ويشرفني زيارتك لمدونتي :)
    ارق نسمة

    ردحذف
  7. حتى منع الاعلان عن انفلونزا الخنازير موجود في كل العالم خصوصا العربي، لا أعتقد يا أستاذ حازم لانطلاقة حماس دخل بهذه المسألة..لأنو كمان السعودية (من أكثر الدول العربية من حيث نسبة الاصابة) تتكتم على أعداد المصابين فيها..وهكذا كل حكومة لا تريد الاعلان لأسباب كثيرة منها ما يتعلق بمصلحة الحكومة نفسها ومنها ما يتعلق بالشعب نفسه..

    أنا لو كنت حكومة كنت هاعمل نفس الشئ :) لأنو ببساطة كلها ضجة غير مبررة، إلا لاعتبارات مصالح مافيا الأدوية :)))

    ردحذف
  8. اريج
    ههههه على رأيك منيح استفدنا زيادة نظافة وان شالله بتتحول لشي اساسي بعاداتنا
    ههههههه عجبني تعبير شبر ونص .. عندك حق هي كدة فعلا


    احمد نصر
    اكيييييد
    انها العولمة ايها السادة
    :)


    سوريل
    والله بيقولو انها وسيلة كافية للحماية من المرض
    بتوقع هادا اشي اساسي للوقاية من اي اشي .. وبالنهاية كل واحد ونصيبه بهالدنيا
    تسلمي عزيزتي :)


    هنادي
    ههههههههههه اه عندك حق .. بس هو الخوف الانساني الطبيعي .. والناس فرحت على قصة جديدة تتسلى بيها هههههه
    بس تعليق على الينسون .. اسرائيل ملهاش علاقة برفع الاسعار .. احنا تجارنا الي بترفع وبتنزّل .. عادي يعني انه الاحتكار يا عزيزتي :))
    تحياتي


    حازم
    اه فعلا المضمضة هادي سمعتها
    بينو الانطلاقة صارت وعدت على خير .. وخف الحكي عن الموضوع .. ولا لأ
    لكني لا استبعد ولا انفي .. كل شي وارد بهالدنيا ولأجل السياسة


    احمد نصر
    اها .. ردك منطقي جدا .. لكن السياسة في بلدنا ومع حماس داااااائما هناك حسابات اخرى غير كل الحكومات الي بالدنيا
    نشكر لكم تحمسكم هههه

    تحياتي

    ردحذف
  9. كل عام وانت بخير ، و أهل غزة كلهم بخير ، ويا رب يفك حصاركم وحصارنا


    أخبار الدكتوراه إيه ؟

    ردحذف
  10. توصيف رائع لوضع غزة الجغرافى و الطبيعى
    انا قرات مقطعين و حرجع اكمل الباقى و اعلق على البوست
    لكن
    انا شوفت تعليق ليكى على مدونة جبهة التهييس على بوست نوارة كاتباه عن اخبار صحف اسرائيلية بتدعى اخبار كاذبة عن اسماعيل هنية
    المهم انتى رديتى فى تعليقك و قلتى انك بتعترضى على كلام الاخت اشتياق
    طيب لو عندك اراء ووقائع تانية ياريت نعرفها
    ممكن توصفيلنا الوضع فى غزة حاليا عامل ازاى
    و ايه تعليقك الشخصى على اخبار صحف اسرائيل فى موضوع اسماعيل هنية
    تكرمى

    ردحذف
  11. منتديات جرح غزة

    من اجل مقاومة الحصار

    http://www.jr7gaza.com/vb/

    ردحذف